Wana Mvinyo Tusker na Afc leopards kufungua msimu wa ligi kuu ya KFK Jumamosi

Ligi kuu ya shirikisho la soka nchini FKF msimu wa mwaka 2020/2021 utaanza rasmi Jumamosi hii  Novemba 28 ,kwa jumla ya mikwangurano mitatu Afc Leopards wakiikabili wagema mvinyo Tusker Fc katika uchanjaa wa Utalii saa tisa alasiri nao Vihiga United  wakaribishwe rasmi ligi na Kakamega Homeboyz katika uga wa Mumias Sports Complex saa tisa huku Bandari wakiwa nyumbani Mbaraki dhidi ya  Sofapaka  pia saa tisa.

Siku ya Jumapili Western Stima watafungua ratiba katika uwanja wa Moi kaunti ya Kisumu kwa kuwakaribisha rasmi ligini Bidco united saa saba adhuhuri kabla ya kupisha mechi nne sambamba kuanzia saa tisa mabingwa wa Nsl Nairobi City stars wakimenyana nyumbani Nyayo na Nzoia Sugar,Wazito Fc iwe ugenini kwa Kariobangi sharks katika uga wa Nyayo,nao kcb wazuru Sofapaka katika uwanja wa kaunti ya Narok.

Wanajeshi Ulinzi stars watafungua msimu Jumatano ijayo dhidi ya Mathare United huku Gor Mahia wakianza kutetea taji yao dhidi ya Zoo  Youth.

Msimu wa ligi kuu ulitamatishwa kighafla mwezi Machi mwaka huu kutokana na Janga la Covid 19 kabla ya msimu mpya ambao utaanza Jumamosi na kukamilika Mei mwakani.

Mabingwa wa ligi kuu  msimu huu watatunukiwa shilingi milioni 5 na kombe huku timu zote 18 ligini zikigawana shilingi milioni 5 nyingine kulingana na fasi yao ligini.

Pia kila timu itapokea shilingi milioni 10 kila msimu kutokana na ufadhili wa ligi.

 

 

 

 

 

 

Leave a Reply

Your email address will not be published. Required fields are marked *