Wachezaji wa Kenya waripoti kambini kujiandaa kwa michezo ya Olimpiki

Timu ya Kenya kwa michezo ya Olimpiki mwaka huu mjini Tokyo Japan imeingia kwenye kambi ya mazoezi katika kambi ya mazoezi uwanja wa kimataifa wa Kasarani.

Timu zilizoripoti kambini ni pamoja na ile ya riadha na zitafuatwa na zile za Voliboli na raga.

Kulingana na kamati ya Olimpiki ya Kenya timu zitafanya mazoezi kwa zamu kutokana na masharti ya kamati ya kimataifa ya Olimpiki IOC ambayo hayarushusu timu nyingi kuwa pamoja.

Wanariadha hao pia watafanyiwa vipimo vya Covid 19 kabla ya kuruhusiwa kwenye hoteli ya Kasarani ambapo baada ya matokeo wataingia kwenye hoteli ya watu wawiliwawili .

Chama cha riadha Kenya kilituma wanariadha 33 katika mita 100 wanaume na wanawake,200 wanaume na wanawake,mita 400 wanaume na wanawake kilomita 20 matembezi wanaume na urushaji sagai watakaoandamana na makocha wao,mameneja na benchi ya kiufundi.

Kulingana na meneja mkuu wa Kenya Waithaka Kioni timu za wachezaji raga 7 kila upande zitakuwa za pili kuripoti kambini baadae wiki hii baada ya kuwasili kutoka Uhispania .

Leave a Reply

Your email address will not be published. Required fields are marked *