Vipusa wa KCB watoka nyuma na kutoboa mabomba ya Kenya Pipeline ligi kuu Voliboli

Vigogo KCB walistahimili ukinzani mkali kabla ya kutoka nyuma na kuichara Kenya Pipeline seti 3-1 katika mechi ya kusisimua ya ligi kuu Voliboli iliyopigwa katika ukumbi wa Nyayo Jumapili alasiri.

Pipeline walianza kwa makeke na na kushinda seti ya kwanza alama 25-23 lakini wanabenki KCB chini ya ukufunzi wa kocha Japheth Munala wakatumia tajriba na kutwaa seti 3 zilizofuatia alama 25-21,25-19 na 25-17.

Naiorbi Prisons wakimenyana na Kenya Prisons

Katika mechi ya mapema Jumapili katika ukumbi huo wa Nyayo Kenya Prisons waliititiga Nairobi Prisons pia seti sawa za 3-1 wakishinda seti mbili za ufunguzi 25-15 na 25-18 kabla ya kupoteza ya tatu 21-15 na kushinda seti mbili za mwisho 25-21 na 29-27.

Leave a Reply

Your email address will not be published. Required fields are marked *