Ushirikiano wa Koffi Olomide na Diamond Platnumz

Mwanamuziki wa nchi ya Congo Koffi Olomide aliwasili nchini Tanzania ijumaa tarehe 20 mwezi Novemba mwaka huu wa 2020, ambako alipokelewa na mwanamuziki Abdul Naseeb au ukipenda Diamond Platnumz.

Akihojiwa katika uwanja wa ndege siku hiyo, Koffi, ambaye pia hujiita ‘Mokonzi ya Mboka’ yaani ‘Mfalme wa ulimwengu’ alielezea kwamba alikuwa nchini Tanzania kwa ajili ya ushirikiano wa muziki na Diamond ambaye alimwita mfalme wa muziki nchini Tanzania.

Kwa upande wake Diamond ajulikanaye kwa jina lingine kama Simba, hakutaka kusema lolote kwenye uwanja wa ndege.

Mapema leo wawili hao walichapisha picha na video fupi wakiwa wanarekodi muziki kwenye studio na baadaye Diamond akachapisha tangazo kwenye ukurasa wake wa Instagram akisihi wafuasi na mashabiki watazame Wasafi Tv na wasikilize Wasafi fm kesho saa nne asubuhi na huenda ni uzinduzi wa wimbo wao utafanyika.

Kulingana na video hiyo, huenda wimbo wenyewe ni ‘remix’ ya wimbo kwa jina ‘Papa Ngwasuma’ wake Koffi. Wadadisi wanasema kwamba collabo hiyo, itakuwa kwenye albamu ya nne yake Diamond Platnumz.

Mida ya saa nane hii leo, Koffi alipachika kipande cha video ambayo wanatayarisha.

Koffi alikuwa na tamasha nchini Tanzania tarehe saba mwezi Marchi mwaka huu na kampuni ya Diamond Wasafi Media ndiyo ilimpa huduma za matangazo na huenda wazo la kushirikiana lilizaliwa wakati huo.

Diamond Platnumz amekuwa akishirikiana na wasanii wakubwa ulimwenguni katika muziki na wa hivi karibuni kabisa ni Alicia Keys ambaye amemsifia sana Diamond.

One thought on “Ushirikiano wa Koffi Olomide na Diamond Platnumz

  • 23 November 2020 at 4:06 pm
    Permalink

    Diamond ni chuma hatari ana pesa kuliko maelezo.Dangote

    Reply

Leave a Reply

Your email address will not be published. Required fields are marked *