Tanzania waikomoa Somalia 8-1 na kutinga nusu fainali ya Cecafa

Mabingwa watetezi wa kombe la Cecafa Tanzania  wametinga nusu fainali ya makala  ya mwaka huu kwa vijana walio na umri usiozidi miaka 20  ,baada ya kuidhalilisha Somalia  mabao 8-1 katika mechi ya  kundi A iliyosakatwa Alhamisi jioni katika uwanja  Black Rhino Academy Complex mjini Arusha Tanzania.

Ngorongoro Heroes wanavyojulikana wenyeji Tanzania walipata mabao yao kupitia kwa   Abdul Hamisi Suleiman kunako dakika ya 4, kabla ya Sahal Muhammed kuwarejesha Somalia mchezoni kwa bao la kusawazisha  na  dakika mbili baadae Ben Starki akapachika la pili dakika ya 15 huku  Kelvin John akifunga bao la tatu  na la nne na kipindi cha kwanza kumalizika kwa uongozi wa Tanzia wa mabao 4-1.

Wachezaji wa Tanzania wakisherehekea bao

Wabongo walianza kipindi cha  pili kwa makeke na kufumania nyavu za Somalia  katika dakika ya 47 kupitia kwa Kasim Shaaban kabla ya Kelvin Jonh kuhitimisha Hatrick kwa abo la dakika ya 60  nao Frank George na Anuar Jabir wakiongeza mabao mengine mawili.

Tanzania wameongoza kundi  A kwa alama 6 baada ya awali kuwaadhibu Djibouti mabao 6-1 katika mechi ya ufunguzi .

Timu mbili bora katika mashindano hayo zitafuzu kwa mashindano ya Afcon mwaka ujao nchini Mauritania.

 

Leave a Reply

Your email address will not be published. Required fields are marked *