Tanasha amjibu Dana

Jana tulikujuza kuhusu tuhuma za mwanadada aliyekuwa mtangazaji wa runinga ya Ebru Dana De Grazia dhidi ya mwanamuziki Tanasha Donna.

Dana alikuwa mgeni kwenye kipindi cha mchekeshaji Eric Omondi ambapo alidai kwamba Tanasha ana deni la rafiki yake ambalo hajalipa na linatokana na kazi ya mapodozi aliyomfanyia wakati wa kuunda video ya wimbo wake.

Eric Omondi hata hivyo alifuta video hiyo kwenye akaunti yake ya Instagram na sasa Dana anadai kwamba sio yeye alimwomba Eric aifute bali ni Dona aliomba iondolewe.

Baadaye, Tanasha alipachika picha yake kwenye akaunti ya Instagram akiwa amevaa vazi refu na kuandika “Donna = Content” kuashiria kwamba jina lake linatumika kuendeleza kazi za waigizaji na wengine maarufu mitandaoni.

Wengine wanaona kwamba Bi. Dana ambaye aliwahi kuigiza kwa kipindi “Nairobi Diaries” anatumia tu jina la Tanasha Donna kujipatia umaarufu.

Aliondolewa kwenye kipindi hicho miaka minne iliyopita baada ya kuigiza kwenye msimu mzima wa vipindi kumi na tatu.

Hivi maajuzi, ameonyesha picha akiwa ameandika jina la Eric Omondi kwenye sehemu ya nyuma ya mapaja yake isijulikane kama maandishi hayo ni ya kusalia kwenye ngozi yake milele au ni ya kufutika.

Leave a Reply

Your email address will not be published. Required fields are marked *