Tag: Zambia

Categories
Habari

Kenya ni ya tatu maskini zaidi kati ya mataifa yenye mapato ya kadri

Matokeo ya uchunguzi wa Benki ya Dunia  yaliotolewa  Jumatatu   yanaiorodesha   nchi hii kuwa  ya tatu maskini zaidi  miongoni mwa mataifa   yenye mapato ya kadiri kote ulimwenguni. 

Ripoti hiyo  Ripoti hiyo ya Benki ya   Dunia   kuhusu Ujumuishaji wa   Uchumi  inaonyesha kuwa zaidi  ya asili-mia   40  ya Wakenya kwa sasa wanaishi katika ufukara  uliokithiri.

Kiwango cha umaskini ni takriban mara 10 zaidi kuliko  nchini  Pakistan na Misri ambazo pia zinaorodeshwa chumi za  pato  la  kadiri zilizoko kwenye daraja la  chini.

Zambia ni masikini zaidi huku  asilimia 61 ya raia wake wakiishi katika ufukara ikifuatiwa na Nigeria kwa asilimia 58  huku Côte d’Ivoire  ikiwa ya nne kwa asilimia 30.

Zimbabwe ina kiwango cha chini cha umaskini wa asilimia 23 lakini ina idadi kubwa ya umaskini  huku karibu asilimia 80 ya idadi ya watu wake wakiwa maskini.

Matatizo ya kiuchumi na ya kijamii  yanayosababishwa na janga la Covid-19  yameathiri harakati za  kupunguza umaskini humu nchini

Categories
Michezo

Guinea na Zambia watema cheche za moto kombe la CHAN

Syli Nationale ya Guinea na Chipolopolo ya Zambia walisajili ushindi mkubwa katika mechi za kundi D kuwania kombe la CHAN Jumanne usiku katika uwanja wa Reunification nchini Cameroon.

Guinea waliisasambua Brave Warriors ya Namibia magoli 3-0 Yakhouba Gnagna Barry mshambulizi wa klabu ya AC Horoya  akipachika bao la kwanza kunako dakika ya 13  kufuatia makosa ya kutoelewana kati ya kipa wa Namibia Edward Maova na difenda  Immanuel Heita aliyetoa  pasi hafifu ya nyuma.

Morlaye Sylla aliongeza bao la pili kwa Guinea katika dakika ya mwisho ya mazidadi kipindi cha kwanza ,huku Guinea wakienda mapumziko kwa uongozi wa 2-0.

Kipindi cha pili Guinea waliongeza mashambulizi wakati wenzao Namibia wakionekana kupotea katika mechi na kulazimika kujihami katika mlango wao .

Hata hivyo katika dakika ya 86  Yakhouba Gnagna Barry alipiga tobwe lililomzidia kasi kipa na kupiga bao lake na pili linalomfanya kuwa mfungaji bora kufikia sasa .

Guinea watarejea uwanjani Jumamosi dhidi Zambia nao Tanzania wapimane nguvu na Tanzania.

Awali katika kundi hilo Tanzania waliangushwa mabao 2-0 na Zambia  Collins Sikombe na Emmanuel Chabula wakipachika bao moja kila mmoja katika kipindi cha pili.

Tanzania walicheza vizuri kipindi cah kwanza lakini wakalemewa kunako kipindi cha pili ingawa kipa Aishi Manula aliwaepushia fedheha zaidi kwa kupangua mikwaju kadhaa.

Categories
Michezo

Mashabiki kurejea uwanjani ligi kuu Zambia

Wasimamizi wa ligi kuu nchini Zambia wameweka mipango ya kuwaruhusu mashabiki kurejea uwanjani kuhudhuria mechi za ligi kuu iliyoanza  mwishoni mwa mwezi uliopita.

Kulingana na chama cha soka nchini Zambia FAZ  serikali tayari imeruhusu mashabiki kurejea viwanjani kushuhudia michuano ya ligi kuu, hii ikiwa afueni kubwa haswa baada ya ligi kusimamishwa  mapema mwaka huu kutokana na ugonjwa wa Covid 19 .

Ligi kuu ya Zambia itaingia mechi za mzunguko  tano wikendi hii huku Forest Rangers wakiongoza jedwali kwa pointi 8 sawa na Buildcon Fc.

Wachezaji wengi wa humu nchini wanasakata soka la kulipwa katika ligi kuu ya Zambia wakiwemo Duncan Otieno,Jessse Were,John Makwata ,Musa Mohammed ,Duke Abuya na Harun Shakava miongoni mwa wengine .

Categories
Michezo

Kenya yaiduwaza Zambia mechi ya kirafiki Nyayo

Timu ya taifa Harambee Stars ilisajili ushindi wa mabao 2-1 dhidi ya Zambia Chipolopolo katika mechi ya kirafiki iliyochezwa katika uwanja wa Taifa wa Nyayo Ijumaa alasiri.

Wenyeji Kenya walifunga bao la kwanza katika dakika ya  21 baada ya Zambia kujifunga,kupitia kwa beki Tandi Mwape,naye kiungo Cliff Nyakeya anayepiga soka ya kulipwa nchini Misri akaongeza la pili  na la kwanza kwake kwa Kenya  kunako dakika ya 27 ,alipounganisha krosi yake Keneth Muguna, huku Watoto wa nyumbani wakiongoza 2-0 kufikia mapumziko.

Kenya walirejea kipindi cha pili wakinyong’onyea huku Zambia wakionyesha mchezo wa hali ya juu ndiposa  kiungo Kelvin Kampamba akakomboa bao moja katika dakika ya 81 .

Wachezaji wa Harambee Stars wakisherehekea bao la pili lililofungwa na Kiungo Cliff Nyakeya

Hata hivyo palizuka utata baada ya Zambia kufunga bao la kusawazisha lakini likakataliwa na mwamuzi wa mechi kwa kusemakana kutovuka mstari wa langoni.

Timu zote mbili zilitumia pambano hilo la kujinoa kwa mechi ya kufuzu kwenda kombe la Afcon huku Kenya wakiwa na kibarua dhidi ya Comoros katika mechi 2  za mwezi ujao ,nyumbani na ugenini mtawalia .

Zambia kwa upande wao wanajiandaa kukabiliana na Botswana pia mwezi ujao kuwania tiketi kufuzu kwa kombe la Afcon .

Chipolopolo wataondoka nchini kesho kuelekea Afrika Kusini ambapo watapiga mechi ya kirafiki kesho kutwa.

Categories
Michezo

Zambia kutua Nairobi Alhamisi usiku tayari kuivaa Kenya

Timu ya Zambia Chipolopolo inatarajiwa kuwasili Nairobi Alhamisi usiku tayari kwa mechi ya kirafiki dhidi ya wenyeji Kenya Ijumaa jioni.

Zambia watapata fursa ya kufanya mazoezi ya kwanza katika uwanja wa Taifa wa Nyayo mapema Ijumaa ,kwa mjibu wa sheria za Fifa,kabla ya mchuano huo kuchezwa  kuanzia saa kumi alasiri.

Zambia watawasili kwa mchuano huo wa pili wa kujipima nguvu baada ya kuwabwaga Malawi bao 1-0 nyumbani Lusaka Jumatano iliyopita.

Chipolopolo baadae itasafiri hadi Afrika Kusini kwa pambano jingine la kujinoa makali dhidi ya wenyeji Bafanabafana siku ya Jumapili.

Chipolopolo wanafunzwa na aliyekuwa kocha wa Uganda Cranes Milutin Sredejovic wa Serbia.

Itakuwa mechi ya 7 baina ya Kenya na Zambia ,Kenya wakiwa na rekodi mbovu ya kutoshinda hata mchuano mmoja matokeo bora kwa Harambee stars yakiwa sare 2 na kushindwa mechi 4.

Difenda Clarke Odour anayecheza soka ya kulipwa katika klabu ya Barnsley Uingereza

Zambia walikutana na Kenya kwa mara ya kwanza mwaka 1973 katika mechi ya kufuzu kwa fainali za kombe la dunia walipoilemea Kenya bao 1 kwa bila nchini Zambia,kabla ya kutoka sare ya 2-2  katika pambano la marudio hapa Nairobi.

Zambia iliwaangusha Kenya bao 1-0 katika fainali za Afcon mwak 1990 na kuilemea Kenya mabao 2-0 hapa Nairobi katika mchuano wa kujipima nguvu mwaka 2009.

Kenya walicharazwa mabao 2-1 hapa nyumbani katika mechi ya kufuzu kw akombe la Afcon mwaka 2015 na baadae kutoka sare ya 1-1 nchini Zambia .

Kenya wanajiandaa kuchuana na Comoros katika mechi mbili za mwezi ujao kufuzu kwa dimba la Afcon huku Zambia wakijipanga kuchuana na Botswana.

 

Categories
Michezo

KBC Channel 1 kupeperusha mechi ya Kenya dhidi ya Zambia Ijumaa

Runinga ya kitaifa KBC Channel one itapeperusha mbashara mchuano wa kirafiki baina ya Kenya Harambee Stars na Zambia maaarufu kama Chipolopolo  Ijumaa alasiri katika uwanja wa taifa wa Nyayo.

Pambano hilo litaanza saa kumi alasiri huku timu zote zijikiandaa kwa mechi mbili za makundi mwezi ujao kufuzu kwa fainali za kombe la bara Afrika mwaka ujao.

Zambia watacheza mechi  hiyo siku mbili baada ya kuwalaza Malawi bao 1-0 mjini Lusaka ,huku Kenya wakicheza mechi ya kwanza mwaka huu .

Timu zote mbili zitakosa wachezaji wa kutegemewa waliozuiwa kusafiri kutokana na masharti ya Covid 19 huku mechi hiyo ikichezwa bila mashabiki uwanjani.

 

Categories
Michezo

Zambia kuwasili Alhamisi kwa mechi dhidi ya Kenya

Mabingwa wa Afrika mwaka  2012 Zambia maarufu kama Chipolopolo wanatarajiwa kuwasili nchini Alhamisi tayari kwa pambano la kirafiki dhidi ya wenyeji Harambee Stars Ijumaa hii Oktoba 9 katika uwanja wa Taifa wa Nyayo.

Zambia sawa na Kenya itakosa huduma za wachezaji wengi wa kulipwa waliobanwa kusafiri kutokana na masharti makali ya ugonjwa wa Covid 19 na watacheza pambano la Ijumaa jioni na kisha kuabiri ndege hadi Afrika Kusini waliporatibiwa kupiga mchuano wa tatu wa kujinoa makali dhidi ya Bafanabafana Jumapili jioni.

Mkufunzi wa Zambia  Milutin ‘Micho’ Sredojevic aanatarajiwa kwuatumia wachezaji wengi wa nyumbani katika mechi hizo za kirafiki huku wakijiandaa kukabiliana na Botswana katika mechi mbili za kundi H mwezi ujao kufuzu kwa Kombe la Afcon mwaka ujao dhidi ya Botswana.

 

 

Categories
Michezo

Mechi ya Harambee Stars dhidi ya Zambia kuendelea ilivyoratibiwa

Harambee Stars imeruhusiwa kuendelea mbele na matayarisho kwa mchuano wa kujipima nguvu dhidi ya Chipolopolo kutoka Zambia Ijumaa hii.

Akitoa hotuba yake jumatatu jioni ,katibu mwandamizi katika wizara ya afya Dr Rashid Aman amesema kuwa wameafikiana na wizara ya michezo kuwaruhusu wachezaji wa Harambee Stars kuendelea  mbele na maandailizi kwa mchuano huo utakaosakatwa katika uwanja wa taifa wa Nyayo.

Pambano la Ijumaa litakuwa la kwanza kwa Harambee Stars mwaka ingawa wachezaji na maafisa wa timu hiyo watalazimika kuzingatia masharti ya serikali kuhusu ugonjwa wa Covid 19.

Awali mapema Jumatatu wachezaji na maafisa wa Harambee stars walizuiwa kuingia uwanjani Kasarani kuanza mazoezi kufuatia agizo la serikali la kutoruhusu mchezo wa soka kurejelewa.

Stars itakosa huduma za wachezaji wa kulipwa wakiwemo Ayum Timbe Masika,Victor Wanyama,Arnold Origi an mshambulizi Michael Olunga waliozuiwa kusafiri kutokana na masharti makali ya usafiri kwa mataifa wanayopiga soka .

Kwa upande wao Zambia wanaofunzwa na kocha Milutin Sredejovic pia watokosa wachzaji Patson Daka na  Erick Mwepu wanaosakata soka ya kulipwa katika kilabu cha Red Bull Salzburg nchini Austria .