Categories
Burudani

Diamond aelimisha wanamuziki kuhusu You Tube

Diamond Platnumz ambaye yuko nchini Afrika Kusini kwa sasa kwa ajili ya kukutana na kuwa na muda na watoto wake na mzazi mwenzake Zari Hassan ameamua kuelimisha umma kuhusu mtandao wa You Tube.

Mmiliki huyo wa kampuni ya muziki ya Wasafi Classic Baby WCB aliamua kuelezea ni kwa nini yeye na wanamuziki anaosimamia wanapendelea mtandao wa You Tube na kuhakikisha nyimbo zao zinatizamwa kwa wingi.

Kulingana naye, mitazamo au ukipenda Views kwenye mtandao huo ni mauzo ya kazi iliyopachikwa humo na wala sio majivuno. Alielezea kwamba wimbo wake kwa jina “Waah” ambao amemshirikisha Koffi Olomide ulipofikisha ‘views’ milioni 39 na zaidi, alilipwa Euro 32,266.53 sawa na shilingi milioni 4.2 za Kenya.

Mwanamuziki huyo hata hivyo alifafanua kwamba sio kila wimbo utapata malipo sawia ukiwa na mitazamo sawa na hiyo kwani inategemea na nchi ambapo wimbo unatazamwa sana kwani katika nchi nyingine wenye biashara huwekeza kiasi kikubwa cha pesha kwenye matangazo ya biashara ambayo huwekwa kwenye nyimbo au video za You Tube huku wengine wakiwekeza kiasi kidogo.

Kazi kubwa kulingana naye ni kuhakikisha kwamba mwanamuziki anatoa wimbo mzuri ambao utavuma sana na ukivuma utatizamwa kwa wingi na hivyo msanii atapata kipato kikubwa.

Akizungumzia kiwango cha uzuri wa muziki kwa wasanii na ku trend au kuvuma alikuwa amepachika picha ya wimbo wa Mbosso uitwao Baikoko kwenye You Tube ambapo uko nambari moja kwa Trending au ukipenda kuvuma.

Diamond alifika nyumbani kwa Zari usiku kulingana na video kwenye Instagram Stories ambapo alishiriki chajio nao.

Categories
Burudani

Sakata ya Wasafi?

Afisi ya mkaguzi wa hesabu za matumizi ya fedha serikalini nchini Tanzania, imeripoti kwamba milioni 140 pesa za Tanzania, ambazo wizara ya Mali Asili na Utalii ililipa kampuni ya Wasafi hazikuwa na mkataba wowote.

Inasemekana kwamba pesa hizo zilinuiwa kulipa wasanii walio chini ya usimamizi wa kampuni ya wanamuziki ya Wasafi ili watangaze utalii wa Mikoa ipatayo sita ya Tanzania.

Hata hivyo inasemekana wizara hiyo ilishindwa kubaini kiwango cha kazi ambayo ingetekelezwa na wasanii hao na eneo ambalo walistahili kuhusisha kwenye matangazo yao.

Mkaguzi mkuu wa hesabu za serikali ya muungano wa Tanzania Charles Kichere ambaye alizungumza na wanahabari jana huko Dodoma, alisema kiasi cha pesa zilizotolewa kwa kampuni ya Wasafi hakiambatani na sheria za matumizi ya pesa za umma.

Kichere alisema pia kwamba hakuna stakabadhi ambazo ziliwasilishwa kwa ukaguzi ili kubaini jinsi pesa zilitumika katika maandalizi ya tamasha za kitamaduni.

Kampuni hiyo ya Wasafi Classic Baby WCB inamilikiwa na mwanamuziki Diamond Platnumz na inasimamia wasanii kadhaa ambao wameafikia ufanisi barani Afrika na hata nje kama vile Zuchu, Mbosso na Rayvanny ambaye amefungua kampuni yake ya muziki maajuzi kwa jina Next Level Music.

Kampuni ya WCB haijatoa tamko lolote kuhusu sakata hiyo kufikia sasa ila kituo cha redio cha Wasafi FM ambacho pia kinamilikiwa na Diamond Platnumz kiliripoti tu kuhusu aliyoyasema Bwana Charles Kichere kwenye kikao na wahabari.

Inabainika kwamba baadhi ya pesa hizo zililipwa vituo vya runinga ili kupeperusha moja kwa moja tamasha la utamaduni lakini matumizi hayo hayakukaguliwa inavyostahili.

Categories
Burudani

Uzinduzi wa albamu ya Mbosso waahirishwa

Tangazo hili limetolewa muda mfupi uliopita na msanii huyo Mbosso kupitia akaunti yake ya Instagram.

Uzinduzi huo wa albamu kwa jina “Definition of Love” ulikuwa umepangiwa kufanyika kesho tarehe 20 mwezi Machi mwaka huu wa 2021.

Usimamizi wa WCB kampuni ambayo inamsimamia Mbosso ulikuwa awali umepanga kwamba hafla ianze saa moja jioni katika eneo la mlimani City Jijini Dar es Salaam nchini Tanzania lakini nchi hiyo kwa sasa inaomboleza kifo cha Rais Magufuli.

Wasanii wengi nchini Tanzania wameguswa na msiba huo kwa sababu marehemu Magufuli alikuwa amewatambua sana na kuwezesha kuendelea kwa sanaa yao.

Usimamizi wa WCB haujatoa tarehe mbadala ya kuzindua kazi ya Mbosso na labda itatangazwa baada ya mazishi ya Rais Magufuli ambayo yatafanyika Alhamisi tarehe 25 mwezi huu wa Machi mwaka 2021.

Albamu ya Mbosso Definition of Love ina vibao 12 ambavyo ni; Mtaalam, Kiss Me, Baikoko ambao amemhusisha Diamond Platnumz na Tulizana ambao aliimba na Njenje wa bendi ya Kilimanjaro.

Wimbo wa tano kwenye albamu hiyo unaitwa Yalah, wa sita Sakata ambao aliimba na Flavour, wa saba Pakua aliouimba na Rayvanny ambaye pia ni wa kundi la WCB na wa nane ni Karibu ambao aliimba tena na Diamond.

Nyimbo nyingine ni Your Love ambao aliimba na Liya, Kadada alouimba na Darassa, Yes wake na Spice Diana na Nipo Nae ambao ameimba peke yake.

Aliongezea nyimbo nyingine mbili ambazo anarejelea kama “Bonus Tracks” mmoja unaitwa Limevuja na mwingine Kamseleleko ambao alimshirikisha Baba Levo.

Categories
Burudani

Kifo, kazi ya kwanza ya Rayvanny ndani ya studio zake mpya

Wimbo huo kwa jina “Kifo” ni wa kumwomboleza marehemu Rais wa Taifa la Muungano wa Tanzania John Joseph Pombe Magufuli aliyeaga dunia jana na umerekodiwa ndani ya studio za Next Level Music.

Inaaminika kwamba hiyo ndiyo kazi ya kwanza ambayo Rayvanny kama msanii amerekodia ndani ya studio hizo tangu kuzizindua rasmi yapata wiki moja iliyopita.

Video ya wimbo huo wa Rayvanny ambayo ameipachika kwenye akaunti yake ya You Tube, inaanza kwa kuonyesha nembo ya kampuni yake ya muziki, “Next Level Music” ambayo alizindua tarehe 9 mwezi huu wa Machi mwaka 2021.

Kwenye maneno ya wimbo huo, msanii huyo ambaye anaimba kwa sauti ya majonzi anashangaa ni nani atawafuta machozi watanzania wote ambao Magfuli aligusa maisha yao.

Anamtaja makamu wa Rais Bi. Samia Suluhu Hassan, Waziri mkuu wa taifa hilo, Kassim Majaliwa, wanamuziki na wanachi wote ambao aliwasaidia kwa namna moja au nyingine.

Mwanamuziki huyo anaimba pia kuhuusu kazi ambazo Magufuli alitekeleza akiwa Rais huku akisema vizuri havidumu.

Video hiyo pia ina nembo ya kampuni ya muziki ya WBC ambayo imemsajili Rayvanny jambo ambalo linahakiki usemi wake kwamba hatagura Wasafi hata baada ya kuanzisha kampuni yake.

Categories
Burudani

Wasanii wakesha studioni kuandaa wimbo wa maombolezo

Kufuatia kifo cha Rais wa muungano wa Tanzania jana jioni, wasanii wengi tajika nchini Tanzania waliamua kuingia studioni kuandaa wimbo kwa ajili ya kumlia kiongozi huyo.

Kulingana na picha na video zilizochapishwa na Wasafi Tv wasanii ambao walikuwa studioni kwa pamoja usiku ni kama vile Diamond Platnumz, Khadija Kopa, bintiye Zuchu, Mbosso, Ben Pol, Christina Shusho na wengine wengi.

Marehemu Rais wa Tanzania John Joseph Pombe Magufuli alitambua sana wanamuziki nchini humo kwa kazi yao ambayo wanafanya. Na ndio maana wakati wa kampeni za kutafuta kuchaguliwa tena mwaka jana, alitumia wanamuziki hao kwenye mikutano ya kampeni.

Aliposhinda aliwahusisha pia katika sherehe ya uapisho wake.

Wengi wa wasanii hao pia wamemwomboleza liongozi huyo wa taifa kwa namna ya kipekee kwenye akaunti zao za mitandao ya kijamii. Msanii Harmonize au ukipenda Konde Boy alipachika video inayomwonyesha akiangua kilio kwenye Instagram stories baada ya kupashwa habari kuhusu kifo cha Magufuli.

Harmonize aliwahi kubadilisha wimbo wake ambao alikuwa amefanya na Diamond Platnumz uitwao Kwangwaru na kuuita Magufuli akisifia utendakazi wake.

Sio yeye tu ambaye ana wimbo wa kusifia marehemu Rais, wengi tu walitunga na kuimba nyimbo za aina hiyo akiwemo malkia wa WCB Zuchu.

Categories
Burudani

Masharti ya Simba!

Mmiliki wa kampuni ya Wasafi Classic Baby ambaye pia ni msanii wa Bongo Fleva Diamond Platnumz ametoa mwelekeo wa mavazi kwa wale wote ambao wanapanga kuhudhuria uzinduzi wa albamu ya Mbosso, “Definition Of Love”.

Kupitia akaunti yake ya Instagram, Diamond ametangazia waalikwa na wale ambao wanaendelea kununua tikiti au wameshanunua kwamba mavazi yatakayokubalika kwenye hafla hiyo ni ya rangi ya bluu yaani samawati na rangi nyeusi.

Diamond ambaye pia hujiita Simba anasema kwamba mtu akiongeza rangi nyeupe kwenye vazi lake hakutakuwa na tatizo na hata akapachika picha za watu waliovaa mavazi ya rangi hizo kama kielelezo.

Kulingana naye yeyote ambaye atafika langoni Mlimani City Jumamosi tarehe 20 mwezi huu wa Machi mwaka 2021 akiwa amevaa mavazi ya rangi tofauti na alizozitaja hatoruhusiwa kuingia na hatarejeshewa hela ya tikiti.

Kuna tiketi za bei tofauti kwa ajili ya tukio hilo, ya kwanza ni ya milioni 5 pesa za Tanzania ambayo ni sawa na 236,739.97 za Kenya.

Tiketi ya pili ni ya shilingi milioni 3 pesa za Tanzania, sawa na 142,043.98 za Kenya, Kuna ya Milioni moja za Tanzania ambayo ni sawa na 47,347.99 pesa za Kenya, ya laki moja ya Tanzania sawa na 4,734.80 za kenya na ya mwisho ni ya shilingi elfu hamsini za Tanzania, sawa na 2,367.40 za Kenya.

Mbosso tayari ametoa albamu hiyo ya “Definition of Love” kwenye majukwaa kadhaa ya muziki mtandaoni na inaonekana kupokelewa vyema na mashabiki.

Categories
Burudani

Mamake Diamond amuonya Shilole

Mama huyo wa msanii Diamond Platnumz Sanura au Sandra Kassim ambaye hujiita Mama Dangote kwenye Instagram hakuridhishwa na kitendo cha Shilole ambaye pia ni mwanamuziki.

Jana baada ya Diamond na kikosi kizima cha WCB kukamilisha kikao na wanahabari hotelini Hyatt Regency ambapo walitangaza uzinduzi rasmi wa albamu ya Mbosso, Shishy Baby alimsimamisha Diamond kisa na maana kumkutanisha na shabiki wake mmoja ambaye alikuwa amesafiri kutoka ufaransa kwa ajili ya kumwona Diamond na kupiga naye picha.

Shilole alijielezea haraka ambapo pia alitamka kwamba binti huyo ambaye anazungumza kifaransa alikuwa tayari kumlipa yeyote ambaye angemfikisha kwa Diamond.

Diamond hakusema lolote ila alisimama tu na kutimiza hitaji la shabiki huyo wake. Baadaye Shilole alizungumza na wanahabari ambapo alisema Diamond ambaye humrejelea kama kakake mdogo hana mpenzi na labda wangeskizana na dada huyo.

Hilo ndilo jambo ambalo limemkasirisha mamake Diamond ambaye amechukua picha ya Diamond, ya Shilole na video ya shilole akisema na wanahabari akazipachika kwenye Instagram kwa pamoja na kuandika maneno yafuatayo;

“Kama mzazi hakuna anayefurahia kuona mwanae analetewa mwanamke ovyo ovyo bila kuzingatia staha ya mtu kama mtu, au imani zetu. Ukizingatia huyo mtu kashatangaza hadi pesa ili apige picha na mwanangu ila kwa kuwa tunajua nia yake ni ovu hatukumpa nafasi hiyo. mwanangu ni tafsiri halisi ya jamii( kioo cha jamii) yenye nidhamu tofauti na alivyo au ulivyomchukulia @officialshilole usirudie tena na siyo maisha kuchukuliana poa watu wakiwa kazini…hakuna msanii anayekubali kila mtu anayesema ni shabiki yake kirahisi..sisi ni wazoefu wa kushuhudia mashabiki ila siyo huyo au aina hiyo ya shabiki sijapenda”.

Diamond Platnumz ana watoto na wanawake watatu ambao wanajulikana ila hajaoa na kwa sasa hayuko kwenye uhusiano wa kimapenzi asemavyo na wengi wanahisi kwamba mamake mzazi hudhibithi mahusiano ya mwanamuziki huyo.

alipokuwa kwenye uhusiano na mwanamuziki wa Kenya Tanasha Donna, wengi waliamini kwamba wangefunga ndoa lakini wakatengana mara tu mtoto wao alipozaliwa ndipo uvumi ukaenea kwamba mamake Diamond hakumpenda Donna.

Categories
Burudani

Mbosso kuzindua rasmi albamu yake

Usimamizi wa kampuni ya muziki ya Wasafi Classic Baby au ukipenda WCB ya Tanzania imetangaza kwamba mwanamuziki wake Mbosso atazindua rasmi albamu yake kwa jina “Definition Of Love” Jumamosi tarehe 20 mwezi huu wa Machi mwaka 2021.

Akizungumza kwenye kikao na wanahabari katika hoteli ya Hyatt Regency Jijini Dar es Salaam, msanii wa muziki Diamond Platnumz ambaye pia ndiye mkurugenzi wa Wasafi alisema kwamba walijitokeza kutangaza uzinduzi wa albamu ya Mbosso kama njia moja ya kusimama naye kwani wanaelewa huenda ana shauku kwa kuwa ndiyo albamu yake ya kwanza.

Diamond alisema shughuli hiyo itaanza saa moja jioni huku akiwashukuru waandishi wa habari kwa jinsi walitangaza uzinduzi wa mwanamuziki Zuchu awali.

Mbosso naye aliwashukuru waandishi wa habari kwa kuitikia mwito wa leo na kusema kwamba tayari hiyo ni “Definition of Love”.

Mwingine aliyezungumza kwenye kikao hicho cha wanahabari ni Mbunge wa eneo la Morogoro Kusini Hamisi Shaban Taletale au ukipenda Babu Tale ambaye pia ni msimamizi wa wasanii katika WCB.

Babu Tale alimpigia debe Mbosso akisema anastahili kupatiwa kazi ya ubalozi wa Utalii wa Tanzania kwa jinsi alitumia maeneo mbali mbali ya kuvutia nchini Tanzania katika video za nyimbo zake.

Anasema watu wengi tayari wameonyesha nia ya kuzuru Tanzania kutokana na picha ambazo wameona kwenye video za muziki wa Mbosso na kwa hilo akaalika wasimamizi wa wizara ya mali asili na utalii nchini Tanzania kwenye uzinduzi wa albamu hiyo ya Mbosso.

Albamu ya Mbosso Definition of Love ina vibao 12 ambavyo ni; Mtaalam, Kiss Me, Baikoko ambao amemhusisha Diamond Platnumz na Tulizana ambao aliimba na Njenje wa bendi ya Kilimanjaro.

Wimbo wa tano kwenye albamu hiyo unaitwa Yalah, wa sita Sakata ambao aliimba na Flavour, wa saba Pakua aliouimba na Rayvanny ambaye pia ni wa kundi la WCB na wa nane ni Karibu ambao aliimba tena na Diamond.

Nyimbo nyingine ni Your Love ambao aliimba na Liya, Kadada alouimba na Darassa, Yes wake na Spice Diana na Nipo Nae ambao ameimba peke yake.

Aliongezea nyimbo nyingine mbili ambazo anarejelea kama “Bonus Tracks” mmoja unaitwa Limevuja na mwingine Kamseleleko ambao alimshirikisha Baba Levo.

Categories
Burudani

Diamond amsifia Rayvanny

Msanii wa muziki toka nchini Tanzania ambaye pia ni mkurugenzi mkuu wa Kampuni ya Wasafi ambayo ina Label ya wanamuziki WCB, Kituo cha redio Wasafi Fm na kituo cha runinga Wasafi Tv Diamond Platnumz amemsifia sana mwanamuziki mwenza Rayvanny.

Akizungumza usiku wa kuamkia leo kwenye hafla ya kuzindua rasmi kampuni ya Rayvanny ya kurekodi muziki na kusimamia wanamuziki, Diamond alisema kwamba Rayvanny ni msanii ambaye ni mpole hata baada ya kufanikiwa kwa kupata mauzo ya kiwango cha juu cha muziki.

Kulingana na Diamond, Rayvanny angekuwa na dharau sana kutokana na pesa nyingi alizonazo lakini ni mpole na akatumia nafasi hiyo kusuta wanamuziki ambao wanadhania kwamba ili wafanikiwe lazima watengeneze ugomvi na wengine.

Diamond alisema mkakati huo umepiitwa na wakati.

Aligusia kisa cha hivi karibuni ambapo Rayvanny alinunua gari jipya aina ya Toyota Prado na hakutangaza kwenye mitandao ya kijamii wafanyavyo watu wengine.

Simba aliahidi kuhakikisha kwamba Kampuni ya Rayvanny ambayo inafahamika kama “Next Level Music, NLM” inafahamika na kuendelea zaidi ili hata kampuni yake ya Wasafi isitukanwe.

Nembo ya NLM

Makao makuu ya Next Level Music yako katika eneo la Mbezi Beach Rainbow Jijini Dar es Salaam nchini Tanzania na ni jumba la orofa la rangi nyeupe. Ukiingia ndani unapata mapambo ya rangi yeupe na nyeusi na afisi hizo zimepambwa na picha watu ambao Rayvanny anawaenzi pamoja na tuzo ambazo amewahi kushinda kama msanii.

Kati ya picha hizo kuna ya Diamond Platnumz na ya Babu Tale.

Diamond na Rayvanny walikuwa wamevalia suti za rangi yeupe na mapambo ya rangi nyeusi ambazo ni rangi za Kampuni hiyo ya Rayvanny.

Katika hotuba yake Diamond alisema kwamba wao ni watoto ambao walilelewa kwa umasikini na wanajitahidi kudaidia wengine kutoka kwenye umasikini kupitia muziki.

Categories
Burudani

Mbosso atoa albamu

Mwanamuziki wa Tanzania Mbwana Yusuph Kilungi ambaye wengi wanamfahamu kama Mbosso ametoa albamu yake ambayo ilikuwa ikitarajiwa na wengi iitwayo “Definition of love”.

Mapema asubuhi hii leo, Mbosso alitoa orodha ya nyimbo ambazo ziko kwenye albamu hiyo ambayo ndiyo yake ya kwanza. Nyimbo hizo ni 12 na zinajulikana kama; Mtaalam, Kiss Me, Baikoko ambao amemhusisha Diamond Platnumz na Tulizana ambao aliimba na Njenje wa bendi ya Kilimanjaro.

Wimbo wa tano kwenye albamu hiyo unaitwa Yalah, wa sita Sakata ambao aliimba na Flavour, wa saba Pakua aliouimba na Rayvanny ambaye pia ni wa kundi la WCB na wa nane ni Karibu ambao aliimba tena na Diamond.

Nyimbo nyingine ni Your Love ambao aliimba na Liya, Kadada alouimba na Darassa, Yes wake na Spice Diana na Nipo Nae ambao ameimba peke yake.

Aliongezea nyimbo nyingine mbili ambazo anarejelea kama “Bonus Tracks” mmoja unaitwa Limevuja na mwingine Kamseleleko ambao alimshirikisha Baba Levo.

Mbosso ambaye sasa ana umri wa miaka 30 alianza kuimba kwenye kundi ambalo lilifahamika kama “Yamoto Band” na liliposambaratika akarejea kijijini ambako alikosa namna ya kuendelea hadi mwaka 2014 alipoitwa na Diamond Platnumz ili amsaidie kurejelea muziki.

Akiwa chini ya WCB, Mbosso alitoa wimbo wake wa kwanza uitwao “Watakubali” tarehe 28 mwezi januari mwaka 2018 na kesho yake akatambulishwa rasmi kama mwana WCB.