Categories
Michezo

Ulinzi watoshana nguvu na Sharks

Ulinzi Stars na Kariobangi Sharks waliumiza nyasi bila lengo maalum baada ya kuambulia sare tasa Jumamosi alasiri katika mojawapo wa mechi mbili za ligi kuu iliyochezwa uwanjani Kasarani.

Katika uwanja wa Bukhungu pia jumamosi  wenyeji Nzoia Sugar  walitoka sare kapa dhidi ya Kakamega Homeboyz .

Ratiba ya Jumapili

1. Wazito vs Nairobi City Stars (Utalii Grounds, 3 pm)
2. Tusker FC vs Sofapaka (Kasarani Stadium, 3 pm)
3. Vihiga United vs Bidco United (Mumias Sports Complex, 3 pm)
4. Bandari vs Western Stima ( Mbaraki Grounds, 3 pm)

Categories
Michezo

Rais Kenyatta azindua Ujenzi wa Ulinzi Sports Complex

Rais Uhuru Kenyatta mapema Jumatano ameweka  jiwe la msingi ujenzi wa uwanja wa kisasa wa michezo  wa Ulinzi Sports Complex wa kikosi cha Ulinzi nchini KDF  huko Lang’ata Baracks.

Uwanja huo utakuwa na uwezo wa kumudu watu wapatao 10,000 na utaandaa shughuli nyingi za michezo za Kdf pamoja na  halfa nyingine za Jeshi.

Kikosi cha Ulinzi hushiriki michezo mingi ikiwemo timu ya Ulinzi Stars inayoshiriki ligi kuu ya Kenya,riadha,Voliboli,uvutaji jugwe,masumbwi,uogeleaji na kadhalika.

Rais Kenyatta alionyeshwa ramani ya uwanja huo kabla ya kuweka jiwe la msingi ambapo kampuni ya China Wu Yi itatekeleza ujenzi huo.

Rais Kenyatta ambaye ni Amiri Jeshi mkuu alilakiwa na waziri wa Ulinzi Dkt Monica Juma na kikosi chote cha  KDF kikiongozwa na mkuu wa mwajeshi  Robert Kariuki Kibochi  kwenye hafla hiyo fupi.

 

 

Categories
Habari

Vikosi vya Ulinzi humu nchini KDF vyasifiwa kwa juhudi za kupambana na ugaidi

Serikali imevihakikishia vikosi vya ulinzi vya humu nchini KDF kwamba inaviunga mkono katika juhudi zake za kukabiliana na ugaidi katika kanda hii.

Akiongea wakati wa maadhimisho ya tisa ya siku ya vikosi vya ulinzi vya Kenya yaliyofanyika huko katika Kambi ya Jeshi ya Mariakani Kaunti ya Kilifi, Maziri wa Ulinzi Monica Juma amekariri mchango wa wanajeshi wa humu nchini katika kuleta uthabiti kwenye kanda hii na kimataifa.

Juma amesema kuwa serikali itaimarisha juhudi zake mara dufu kaitka kuhakikisha vikosi hivyo vina vifaa vyote vinavyohitajika katika kutekeleza jukumu lake la ulinzi.

Siku ya vikosi vya ulinzi vya Kenya huadhimishwa kila mwaka kwa heshima ya wanajeshi ambao hujitoa mhanga kulinda nchi.  

Hafla hiyo ya leo imetumiwa kudhihirisha umoja na familia za wanajeshi wa sasa na wale wa zamani ambao wangali wanaponya majeraha na kiwewe kinachotokana na majukumu yao.

Tangu vikosi vya ulinzi vya Kenya vilipojiunga na ujumbe wa muungano wa Afrika nchini Somalia, vimepiga hatua kubwa katika kukabiliana na shughuli za kigaidi kwenye kanda hii.