Categories
Habari

WHO yaanzisha uhamasisho kuhusu aina mpya ya Corona Uingereza

Shirika la Afya Duniani, WHO, limesema kuwa linashauriana na maafisa nchini Uingereza kuhusu chamuko la aina mpya ya virusi vya Corona vilivyogunduliwa nchini humo.

Shirika hilo limesema Uingereza imetoa taarifa kuhusu virusi hivyo vilivyobadili umbo ambapo shirika hilo litahamasisha nchi wanachama pamoja na raia.

Aina hiyo mpya ya virusi vinasambaa kwa haraka lakini virusi hivyo sio hatari.

Sehemu kadhaa za Kusini Mashariki mwa Uingereza ukiwemo mji wa London zimewekewa kanuni mpya za kudhibiti msambao wa virusi hivyo.

Uholanzi imesema kuwa itapiga marufuku safari za ndege kutoka Uingereza kufuatia chamuko la virusi hivyo vipya vya Corona ambapo marufuku hiyo itadumishwa kuanzia leo hadi tarehe mosi Januari mwaka ujao.

Categories
Kimataifa

Bara la Ulaya laongeza juhudi za kukabiliana na maambukizi ya COVID-19

Jamhuri ya Czech inaweka kizuizi cha kadiri cha wiki tatu, huku ikifunga shule, baa na vilabu wakati Ulaya ikijitahidi kudhibiti kuongezeka kwa visa vya maradhi ya COVID-19.

Shule, baa na vilabu vitasalia kufungwa hadi tarehe tatu mwezi ujao huku migahawa ikiruhusiwa tu kuwasilisha chakula kwa wateja au kukiuza kwa kuwapakia, hadi saa mbili usiku kila siku.

Mabweni ya vyuo vikuu pia yanafungwa kwa muda, na masomo yataendeshwa wanafunzi wakiwa nyumbani kupitia mtandao.

Shule za chekechea zitasalia kufungwa na mikakati maalum kuwekewa watoto wa wafanyakazi wa kutoa huduma muhimu.

Kumerekodiwa vifo 1,051 vya kutokana na maradhi ya COVID-19 katika Jamhuri ya  Czech tangu tarehe mosi mwezi Machi, wakati taifa hilo lilipothibitisha kisa cha kwanza cha maradhi hayo.

Uholanzi pia iliamuru kufungwa kwa migahawa na unywaji wa pombe kwenye maeneo ya umma umepigwa marufuku na sharti barakoa zivaliwe katika maeneo hayo.

Naye Rais wa Ufaransa Emmanuel Macron amesema kwenye hotuba ya televisheni kuwa atatangaza vizuizi zaidi.

Chancella wa Ujerumani Angela Merkel amesikitishwa na  hali inayozidi kuzorota Barani Ulaya.