Categories
Kimataifa

Jumbe na simu za kufikia watu wengi kwa wakati mmoja vyapigwa marufuku kwa muda nchini Tanzania

Nchi ya Tanzania inapoendelea kujitayarisha kwa uchaguzi mkuu wa Jumatano wiki ijayo, mabadiliko yanaendelea kushuhudiwa. Wapiga kura wapatao milioni 29 watapiga kura siku hiyo kuchagua Rais na Wabunge baada ya kukamilika kwa kipindi cha siku 64 cha Kampeini.

Serikali ya Tanzania sasa imeingilia wanaotumia mitandao ya kijamii na simu za rununu. Jana serikali hiyo ya Chama Cha Mapinduzi yaani CCM ilitoa ilani kwa kampuni za mawasiliano ya rununu inayozitaka kusitisha mara moja huduma za kutuma jumbe kwa watu wengi kwa wakati mmoja na za kupiga simu kwa watu wengi kwa wakati mmoja.

Marufuku hiyo ni kati ya tarehe 24 mwezi huu wa Oktoba na tarehe 11 mwezi Novemba mwaka huu wa 2020.

“kwa kuzingatia athari ya utumizi mbaya wa jumbe nyingi kwa pamoja na simu kwa watu wengi kwa wakati mmoja kwa uchaguzi mkuu, na kulingana sheria ya tatu ya ratiba ya pili ya sheria ya mamlaka ya kusimamia mawasiliano nchini Tanzania, mamlaka hii inawaagiza mfunge kwa muda huduma hizo.” ndiyo baadhi ya maneno kwenye barua iliyotumwa kwa kampuni za mawasiliano.

Mkurugenzi mkuu wa mamlaka inayosimamia mawasiliano nchini Tanzania Bwana James Kilara alifafanua kwamba wanaotumia jumbe hizo kwa ajili ya usalama, maswala ya serikali na huduma za fedha wanakubaliwa kuendelea.

Kabla ya hapo kuliibuka tetesi kwamba jumbe zozote fupi ambazo zilikuwa na jina Tundu Lissu au herufi za kuashiria majina ya mgombea huyo wa urais kupitia CHADEMA hazikuwa zinaenda.

Categories
Kimataifa

Rais Magufuli atetea hatua ya kutangua uteuzi wa Gambo kuwa Mkuu wa Mkoa

Rais wa taifa la Tanzania Dakta John Pombe Magufuli ambaye anawania kipindi cha pili uongozini kupitia chama cha CCM ametetea hatua ya kutangua uteuzi wa Bwana Mrisho Gambo kuwa mkuu wa mkoa.

Akizungumza katika eneo la Arusha ambapo alipeleka kampeni jana, Rais Magufuli alifafanua kwamba chama cha CCM ni chama ambacho kinapenda haki.

Kulingana naye wote ambao walikuwa wakifanya kazi za serikali na wakaonyesha nia ya kuingia siasa kutafuta kuchaguliwa walipoteza nafasi zao za kazi serikalini.

Magufuli alisema hakumfukuza Gambo kazini na kwamba yeye mwenyewe alimwomba amwachishe kazi ili aende kugombea ubunge wa Arusha.

Rais Magufuli alijipigia debe na kumpigia debe pia Mrisho Gambo ambapo alihimiza wapiga kura wa Arusha wamchague ili awaletee maendeleo.

Shughuli za Kampeni zinaendelea kushika kasi nchini Tanzania ikitazamiwa kwamba uchaguzi wa tarehe 28 mwezi huu wa oktoba uko karibu.

Tume inayosimamia uchaguzi nchini Tanzania ilitangaza kwamba kampeni zitafanyika kati ya tarehe 26 mwezi Agosti na tarehe 27 mwezi oktoba mwaka huu wa 2020.

Categories
Kimataifa

Tanzania

Nchi ya Tanzania awali ikijulikana kama Tanganyika ambayo ni nchi ya eneo la Afrika mashariki ilijipatia uhuru kutoka kwa mkoloni mwaka 1961 na Uhuru kamili ukaja mwezi wa Disemba mwaka huo.

Mwalimu Julius Kambarage Nyerere ambaye aliongoza ukombozi wa Tanzania alichaguliwa kuwa Rais wa kwanza wa Tanzania.

Alichaguliwa kupitia chama cha Tanzanian African National Union TANU, ambacho mwaka 1977 kiliungana na chama tawala cha Zanzibar cha “Afro Shirazi Party ASP na pamoja wakaunda Chama Cha Mapinduzi.

Kwa muda mrefu Tanzania ilikuwa nchi ya chama kimoja almaarufu ‘one party state’ hadi mwezi Februari mwaka 1992 ambapo vyama vingi vilikubaliwa chini ya uongozi wa Rais Ali Hassan Mwinyi wakati huo. Kufuatia hayo, vyama vya kisiasa 11 viliandikishwa nchini Tanzania.

Chaguzi mbili ndogo za mwaka 1994 ndizo zilikuwa za kwanza kuwahi kuandaliwa chini ya sheria ya kukubalia vyama vingi na chama tawala cha sasa Chama Cha Mapinduzi (CCM) ndicho kilishinda viti hivyo viwili.

Mwezi wa Oktoba mwaka 2000, Tanzania iliandaa uchaguzi wa kwanza mkuu chini ya vyama vingi. Mwaniaji wa chama cha CCM Benjamin Mkapa aliibuka mshindi ambapo aliwapiki wapinzani watatu wakuu. Chama cha CCM kilishinda viti vya ubunge 202 kati ya vyote 232.

Katika eneo la Zanzibar Abeid Amani Karume alichaguliwa Rais baada ya kumshinda Seif Shariff Hamad wa chama cha Civic United Front (CUF).

Zanzibar ni eneo ambalo awali lilidhamiriwa kijisimamia kama nchi huru lakini likawianishwa na Tanzania mwaka 1964. Kwa hiyo inajisimamia kwa kiasi lakini bado iko chini ya Tanzania. Zanzibar ina bunge na ina Rais. Ina uwakilishi pia katika bunge la Tanzania.

Kufikia sasa nchi ya Tanzania ina vyama 22 vya kisiasa kama vile Chama Cha Mapinduzi CCM, Civic United Front CUF, Chama Cha Demokrasia na Maendeleo CHADEMA na Union for Multiparty Democracy UMD kati ya vingine.

Rais Ali Hassan Mwinyi alikuwa wa CCM na aliongoza Tanzania kwa miaka kumi kati ya mwaka 1985 na mwaka 1995. Alifuatiwa na Benjamin Mkapa wa CCM vilevile ambaye aliongoza pia kwa miaka kumi hadi mwaka 2005.

Jakaya Mrisho Kikwete aliingia afisini kama Rais wa Tanzania mwisho wa mwaka 2005 hadi mwaka 2015. Rais wa sasa John Pombe Magufuli alishika hatamu za uongozi wa Tanzania mwaka 2015 hadi sasa.

Wote ambao wamehudumu kama marais nchini Tanzania ni wa chama cha CCM.

Mwaka huu wa 2020 nchi ya Tanzania itaandaa uchaguzi mkuu tarehe 28 mwezi huu wa Oktoba. Kulingana na matukio, kinyanganyiro cha Urais kina ushindani mkali kati ya Rais wa sasa John Pombe Magufuli wa chama cha CCM na Tundu Lissu wa chama cha CHADEMA.

Categories
Burudani

Diamond akutana na shabiki sugu

Mwanamuziki wa Bongo Diamond Platinumz nusura adondokwe na machozi pale alipokutana na shabiki wake sugu.

Alikuwa amemaliza kazi ya kutumbuiza kwenye uwanja wa Tanganyika Packers ambapo chama kinachotawala nchini Tanzania cha CCM kilikuwa kimeandaa mkutano wa kujjipigia debe.

Jamaa huyo anampenda Diamond sana kiasi cha kuchora sura ya Diamond Platinumz na Nembo ya Wasafi kwenye kifua na shingo lake.

Diamond mwenyewe alimsaidia shabiki huyo kupanda kwenye gari lake na alipoona michoro hiyo kwa karibu akamkumbatia na kupandwa na hisia.

 

 

Shabiki huyo kwa jina Majaliwa Juma alifichua pia kwamba alibadili dini toka Ukristo hadi uisilamu kwa ajili ya mapenzi yake kwa Diamond.

Wawili hao waliandamana hadi nyumbani kwa Diamond kwa mazungumzo zaidi. Na kama njia ya kushukuru kwa mapenzi hayo ya dhati, Diamond alimpa bwana huyo mdogo hela milioni moja za Tanzania aanzishe biashara.

 

Zaidi ya hapo alimpa ahadi ya kumtangazia biashara hiyo bila malipo kwenye vituo vya Wasafi Media hadi biashara yenyewe ikue.

Diamond pia atatangaza biashara hiyo inayotarajiwa kwenye kurasa zake za mitandao ya kijamii ambapo ana wafuasi wengi.

Categories
Habari

Mbunge wa Tanzania Zitto Kabwe apata nafuu baada ya ajali

Mbunge wa chama cha upinzani nchini Tanzania Zitto Kabwe aliyehusika katika ajali ya barabarani jana amesema yuko katika hali nzuri.

Kabwe alikumbana na ajali hiyo akiwa katika Kampeni mjini Kigoma, Kaskazini Magharibi mwa nchi hiyo na kupelekwa katika hospitali ya Maweni alikolazwa pamoja na maafisa wengine wa chama hicho.

Chama hicho cha upinzani, ACT Wazalendo, pia kilisakini mtandaoni picha za ajali hiyo.

Mkurugenzi wa mawasiliano ya Rais John Magufuli, Gerson Msigwa, alisema Rais Magufuli aliwasiliana na Kabwe kwa njia ya simu na kumtakia afueni ya haraka.

Mnamo mwezi Februari, Kabwe alipokea vitisho vya kuuawa baada ya kuhimiza Benki ya Dunia kusitisha mkopo kwa serikali ya Tanzania kutokana na madai ya ukiukaji haki za binadamu.

Wakati uo huo, Rais wa Malawi Lazarus Chakwera anatarajiwa kuwasili nchini Tanzania leo kwa ziara rasmi ya siku mbili.

Rais Chakwera atakutana na mwenzake wa Tanzania John Magufuli ambaye amesitisha kampeni zake akisubiri uchaguzi mkuu mwezi huu.

Hata hivyo, wadadisi wamesema Rais Chakwera ni kiongozi wa tatu wa nchi kuzuru Tanzania katika kipindi kisichozidi mwezi mmoja huku Rais Magufuli akionekana kudhihirisha kuwa ana uhusiano wa dhati wa kidiplomasia na mataifa jirani.

Uchaguzi mkuu nchini Tanzania utaandaliwa tarehe 28 Oktoba, 2020.

Categories
Kimataifa

Rais wa Malawi Lazarus Chakwera kuzuru Tanzania

Rais wa Malawi, Lazarus Chakwera anatarajiwa kuwasili nchini Tanzania Jumatano kwa ziara rasmi ya siku mbili.

Rais Chakwera atakutana na mwenake wa Tanzania, John Magufuli ambaye amesitisha kampeni zake akisubiri uchaguzi mkuu mwezi huu.

Hata hivyo, wadadisi wamesema Rais Chakwera ni kiongozi wa tatu wa nchi kuzuru Tanzania katika kipindi kisichozidi mwezi mmoja.

Rais Magufuli anaonekana kudhihirisha kuwa ana uhusiano wa dhati wa kidi-Plomasia na majirani zake. Uchaguzi mkuu nchini Tanzania utaandaliwa tarehe-28, Oktoba.

Kulingana na wadadisi ziara  hiyo ya Rais  Chakwera nchini Tanzania inatarajiwa kufufua  upya uhusiano uliodorora baina ya nchi hizo jirani.

Nchi hizo mbili ambazo ni wanachama wa  Umoja wa Nchi za Kusini mwa Afrika (SADC), zimekumbwa na utata wa suala la mpaka kwa muda mrefu.

Categories
Burudani

Amini wazo lako!!! Ushauri wa Shishi

Siku chache baada ya kutangaza kwamba angependa kuandika kitabu, Shishi mwanamuziki, muigizaji na mjasirismali nchini Tanzania ameibuka na ushauri.

Kwenye akaunti yake ya Instagram, Bi. Zuwena Muhamed au Shilole aliweka picha yake nzuri na maneno ya ushauri kwa mashabiki wake.

“Siku zote amini katika Wazo lako, Wazo lolote likitekezwa linageuka kuwa Fursa, Fursa Yeyote ikitumika vyema inageuka kuwa Mtaji, Mtaji wowote ukitumika vyema unageuka kuwa utajiri !! Siku ya Kwanza Kuwaza Kuwa Muimbaji nilipingwa sana lakini leo Hii nimekuwa Shishi sababu nilisimama na wazo langu, Nilipotaka Kuanzisha Shishi Food kuna walioliona kuwa ni wazo Dogo ama Brand yangu Haifanani na kuwa Mama Ntilie lakini Nilisimama na Wazo langu… Leo Hii Shishi Food imeajiri watu, Inahudumia Watu na Imeniongezea Kipato kwa Kiasi kikubwa sana!! Anza kuamini katika Wazo lako”

Shilole aliachana na mume wake Uchebe maajuzi baada ya kile alichokitaja kuwa dhulma. Akitangaza kuachana na mume wake Shilole aliachia picha zikimwonyesha akiwa na makovu usoni.

Tangu wakati huo Shishi anaonekana kujigundua na lengo ni kujiendeleza maishani. Yeye ni kati ya wasanii wengi nchini Tanzania ambao wanakipigia debe chama cha CCM kwenye kampeni zinazoendelea za uchaguzi mkuu.

Uchebe hakusema lolote kuhusu swala hilo na ameonekana kuwa karibu sana na mwanamuziki Diamond Platinumz isijulikane Wana mipango gani.

Categories
Burudani

Walinitishia maisha! Van Vicker

Muigizaji mzaliwa wa nchi ya Ghana Van Vicker amefunguka kuhusu ushindani ulioko katika sekta ya filamu nchini Nigeria almaarufu Nollywood.

Wengi walipata kumfahamu Vicker kutokana na filamu alizoigiza za Nigeria wasijue yeye ni mzaliwa wa Ghana na sio Nigeria.

Akizungumza maajuzi katika kipindi kimoja cha mahojiano nchini Ghana, Vicker alifichua kwamba kuna wakati waigizaji nyota wa kiume nchini Nigeria walimtishia maisha.

Kisa na maana alikuwa anapata kazi nyingi za uigizaji nchini Nigeria na kuwa mhusika mkuu jambo ambalo hawakufurahia.

“Unajua mtayarishaji filamu akikuangazia inakuwa kwamba ni wewe tu kila mara. Na ikiwa ni wewe basi yule mwingine anakosa.” Alisema Van.

Joseph Van Vicker alizaliwa tarehe mosi mwezi Agosti mwaka 1977, mamake ana asili ya Ghana na Liberia na babake ni mjerumani na aliaga dunia Van akiwa na umri wa miaka sita tu. Van ana mke kwa jina “Adjoa” na walifunga ndoa mwaka 2003 na wana watoto watatu.

Anampenda sana mamake na kwake yeye ndiye shujaa wa maisha yake. Alianza na utangazaji katika vituo mbali mbali vya redio nchini Ghana kabla ya kuingilia utangazaji wa Televisheni na baadaye uigizaji.

Muigizaji huyo hakutaja majina ya waigizaji maarufu wa Nigeria ambao walimtishia maisha kwa kuchukua nafasi zao za kazi.

Mwaka 2014 Van Vicker aliigiza kwenye filamu kwa jina ‘Day After Death’ na muigizaji wa nchi ya Tanzania Wema Sepetu.

Wema Sepetu na Van Vicker
Categories
Burudani

Naseeb Junior Katimiza mwaka tangu kuzaliwa!

Naseeb Junior ni mtoto wa Tanasha Donna mwanamuziki na mtangazaji nchini Kenya na Diamond Platinumz mwanamuziki nchini Tanzania.

Naseeb Junior alizaliwa tarehe mbili mwezi Oktoba mwaka 2019 na siku chache baadaye wazazi wake wakakata uhusiano wa kimapenzi.

Jina lake ni sawa na la babake ambaye anaitwa “Naseeb Abdul”.

Tanasha aliamka mapema,( au tuseme hakulala?) kumtakia mwanawe mema kwenye siku hii yake ya kuzaliwa. Post yenyewe ni kama iliandikwa saa saba usiku.

Tanasha na Naseeb Junior

Bi. Donna amepachika picha akiwa amembeba mwanawe na kuongeza maneno, “Siku kama ya leo, Oktoba 2 mwaka 2019, Allah alinibariki na zawadi nzuri zaidi ya vile ningeomba. Baada ya kuumwa kwa saa 20 hivi, karibu miezi 11 baadaye ulikuwa starehe tumboni mwangu hukutaka kutoka, lakini ghafla ukatubariki na ujio wako ulipoingia ulimwenguni.

Maneno hayawezi kuelezea jinsi ninajivunia kuwa mama yako, vile ninafurahia kukulea na ninatumai utafurahia sherehe ya kuzaliwa kwako hii leo tunapojumuika kumshkuru Allah kwamba umefikisha mwaka mmoja tangu kuzaliwa.

Wewe ni mwerevu, mkarimu na mwenye utu, unatabasamu kila wakati na mwenye furaha, ulinifunza mapenzi ni nini, ulinifunza kusamehe, ulinifunza kutokuwa na kinyongo, ulinifunza kuwa mama bora, ukanifunza kuwa na bidii na ulinifunza haya yote kwa njia ya kuwa hapa.

Mimi sio mkamilifu, lakini kwako ninajaribu kuwa bora zaidi. Tabasamu lako hunipa amani ya milele, uwepo wako hunipa raha isiyo kifani.

Naomba Allah akubariki na kwa njia nyingi kwa miaka mingi ijayo na ujue mimi mamako niko nawe daima liwe liwalo.”

Hamisa Mobetto, mwanamitindo wa Tanzania ambaye pia ana mtoto wa kiume na Diamond ali comment kwa post ya Donna na aliandika, “Happiest birthday to mtoto wetu, Tunakupenda sanaaaah”

Tanasha na Mobetto wana uhusiano mwema na hivi maajuzi walionekana kuwa na mipango ya kuwakutanisha watoto wao ambao ni ndugu.

Diamond hajaandika lolote Instagram kuhusu siku ya kuzaliwa kwa mwanawe Naseeb. Post yake ya mwisho ni ya kazi ya kampeini ya kumpigia debe Rais John Pombe Magufuli anayewania kipindi cha pili cha uongozi kwenye uchaguzi mkuu wa mwaka huu kupitia chama cha CCM.

Categories
Kimataifa

Wakili wa Kabuga ataka mteja wake ashtakiwe katika mahakama ya Hague badala ya Tanzania

Wakili wa mshukiwa wa mauaji ya halaiki nchini Rwanda Félicien Kabuga anataka ashitakiwe katika mahakama ya kimataifa ya jinai huko The Hague badala ya mahakama ya umoja wa mataifa mjini Arusha, Tanzania.

Matamshi yake yamejiri siku moja baada ya mahakama moja kuu ya Ufaransa kuunga mkono uamuzi wa kumwasilisha katika mahakama hiyo ya Afrika mashariki.

Wakili Emmanuel Altit alisema kumhamishia Arusha itakuwa ukiukaji wa haki zake ikizingatiwa janga lililoko duniani na afya yake pamoja na umri.  

Yadaiwa Kabuga alilipa makundi ya wapiganaji akiwa mwenyekiti wa hazina ya kitaifa ya ulinzi.

Mwezi Mei, alitaja madai dhidi yake kuwa uwongo. Kwa mujibu wa sheria za Ufaransa, Kabuga anafaa kuhamishwa katika kipindi cha mwezi mmoja.

Altit alisema ataitaka mahakama mjini Arusha iwasilishe kesi hiyo The Hague, nchini Uholanzi.

Felicien Kabuga anatuhumiwa kwa kufadhili mauaji nchini Rwanda. Kituo cha redio cha RTLM alichomiliki kilishtumiwa kwa kuchochea kabila la Hutu kuwaua Watutsi.