SDT - Radio Taifa

FKF yapata pigo baada ya mahakama kuzirejesha Mathare United na Zoo Fc ligini

Shirikisho la kandanda nchini FKF limepatwa na pigo baada ya mahakama ya kutatua migogoro michezoni nchini SDT kuamuru kurejeshwa ligini timu za Mathare United na Zoo Fc kusubiri uamuzi wa kesi iliyowasilishwa dhidi ya FKF na vialbu hivyo viwili wiki ijayo.

Mwenyekiti wa Mahakama hiyo maarufu kama SDT John Ohaga ametoa uamuzi huo mapema Alhamisi wa kuzirejesha timu hizo mbili kwenye ligi pamoja na kubatilisha uamuzi wa awali wa FKF wa kutamatisha kandarasi za wachezaji wote wa klabu hizo mbili .

Pia jaji Ohaga ameagiza Fkf iliruhusu wachezaji na maafisa wa vilabu hivyo kufanyiwa vipimo vya COVID 19 sawa na vilabu vingine saa 72 kabla ya kuanza mechi zao za ligi kuu .

Baraza kuu la FKF likikutana Desemba 9 na kuamuru kuzipiga marufuku timu hizo hadi pale zitakaposaini mkataba huo wa Star Times.

FKF ilizipiga marufuku timu hizo kushiriki ligi kuu ya FKF baada ya kudinda kusaini mkataba wa Star Times ambao ungewezesha mechi za timu hizo kupeperushwa mbashara na runinga hiyo ya China .

Shirikisho hilo pia linamchunguza mwenyekiti wa Gor Mahia Ambrose Rachier baada yake kaundika barua kwa Star Times kuondoa barua ya kwanza iliyoandikwa na aliyekuwa katibu mkuu Sam Ochola kusaini mkataba huo .

Zoo FC vs. Kenya Football Federation – Order (17 Dec 2020)

Mkataba wa FKF na Star Times umeibua hisia kali huku vilabu vya Ulinzi Stars,Mathare United ,Gor Mahia na Zoo Fc vikiupinga kwa kukiuka haki zao hatua iliyochangia kupigwa marufuku na kutimuliwa ligini kwa Mathare United na Zoo Fc .

Timu za Mathare na Zoo zilizuiwa kucheza mechi zao za kufungua msimu wa ligi wiki jana wakati Gor na Ulinzi wakiwa tayari wamecheza mechi 2 na moja mtawalia katika ligi kuu.

Mahakama ya SDT itakutana wiki ijayo kusikiza kesi hiyo na kutoa maelekezo zaidi huku ligi ya FKF ikiangia mechi za mzunguko wa nne mwishoni mwa juma hili.

Kpl yapoteza kesi dhidi ya Fkf

Shirikisho la kandanda nchini Fkf limeshinda kesi iliyowasilishwa na kampuni ya KPL .

Kampuni ya Kpl iliwasilisha kesi katika mahakama ya kutatua migogoro ya michezo nchini SDT kupinga uamuzi wa Fkf kutamatisha msimu wa mwaka 2019,2020 wa Kpl huku ikiwatawaza Gor mahia Mabingwa kutokana na janga la Covid 19.

Katika uamuzi wa leo uliodumua dakika 30 kupitia zoom ,mwenyekiti wa Mahakama hiyo, John Ohaga amesema hatua ya fkf kumaliza msimu na kuwapa Gor Mahia ubingwa haikuwa na dosari kwani ugonjwa wa covid 19 lilikuwa janga la kitaifa.

Ohaga amesema kuwa Kpl haikutumia njia zote zilizostahili kabla ya kuishitaki fkf , na Pia Ceo wa Kpl Jack Oguda aliwasilisha kesi hiyo kibinafsi bila kushirikisha vilabu katika ligi hiyo.

Ohaga pia amemtaja kinara wa FKF Nick Mwendwa alifanya kosa kutangaza kukamilishwa kwa msimu wa ligi kwani hakuwa na mamlaka kisheria kufanya hivyo ,kutokana na kutokuwepo kwa baraza kuu Nec ambalo muda wake wa kuhudumu ulikuwa umemalizika mwezi Februari.

Jaji Ohaga pia ametupilia mbali ombi la Oguda la kutaka alipwe ridhaa iliyoletwa na hasara ya kumaliza msimu kwa ghafla.

Uamuzi wa leo unaonekana kuzima tofauti na vuta ni kuvute ya muda mrefu ambayo imekuwepo baina ya Kpl na Fkf kwa takriban miaka minne iliyopita.

Kufuatia uamuzi wa leo pia Gor Mahia ambao ni mabingwa wa ligi wako huru kuiwakilisha Kenya katika mashindano ya ligi ya mabingwa Afrika na kujiandaa kuanza kwa msimu mpya wa ligi kuu utakaoendeshwa na Fkf.

Fkf pia itaendelea mbele na uchaguzi wa kaunti utakaondaliwa jumamosi hii ,ukifuatwa na ule wa kitaifa tarehe 17 mwezi ujao