Categories
Burudani

“Jifunzeni kwangu na Ali Kiba.” Diamond Platnumz

Kwa mara ya kwanza, msanii wa Bongo Fleva, Naseeb Abdul, au ukipenda Diamond Platnumz amezungumzia zogo la wasanii Rayvanny na Harmonize kuhusu mtoto msichana kwa jina Paula.

Diamond ameshauri wanamuziki ambao amewahi kufanya nao kazi chini ya WCB waige mfano wake na Ali Kiba kwani hata kama wamekosa kuelewana awali, hawajawahi kupelekana polisi.

Mmiliki huyo wa WCB ambaye hajafurahishwa na kisa hicho ambapo Harmonize na Rayvanny wameshtakiana polisi baada ya Harmonize kulalamika kuhusu kuichafuliwa jina na Harmonize kupitia kuchapisha picha za utupu wake.

Harmonize alishitaki wote ambao wanahusika na kusambaa kwa picha hizo ambazo anasema sio za kweli kwani ni sura yake imepachikwa kwa mwili wa mtu mwingine. Waliotajwa kwenye lalama zake poliisi ni Rayvanny, msanii na mtangazaji Baba Levo, Juma Haji, Paula mtoto wa Kajala na Kajala mwenyewe.

Diamond alielezea kwamba ushindani ambao angependa kuona ni wa kikazi yaani katika muziki akirejelea ushindani kati yake na Ali Kiba ambao alisema uliangazia kazi tu.

Idara ya polisi jijini Dar es Salaam inaendelea kuchunguza madai ya kusambazwa kwa picha za Rajab Abdul Kahal maarufu kama Harmonize.

Kamanda wa Polisi Kanda maalum ya Dar es Salaam, Lazaro Mambosasa alidhibitisha hayo akiongeza kwamba wamehoji washukiwa watano ambao wameachiliwa huru kwa dhamana na ikiwa ushahidi utapatikana watafikishwa mahakamani.

Waliohojiwa ni Frida Kajala Masanja wa umri wa miaka 36, Paula Paul Peter wa umri wa miaka 18, Raymond Mwakyusa (Rayvanny) wa miaka 27, Claiton Revocuts (Baba Levo) wa umri wa miaka 34, Catherine John na Juma haji wa miaka 32.

Categories
Uncategorised

Fahyvanny Amechoka na Rayvanny!!!

Fahyma ambaye aliwahi kuwa mpenzi wa mwanamuziki Rayvanny na sasa ni wazazi wenza wa mtoto mvulana, ameamua kumzomea mpenzi huyo wake wa zamani kupitia Instagram.

Kwa muda sasa, kumekuwa na zogo kati ya Rayvanny na mwanamuziki Harmonize kuhusu msichana kwa jina Paula mtoto wa Frida Kajala na mengi yameanikwa kwenye mitandao.

Fahyma ambaye hujiita Fahyvanny kwenye mitandao ya kijamii sasa analalamika akisema Rayvanny ameaibisha familia yake na amechoka kufanywa mjinga.

Wengi wanafahamu kwamba wawili hao walitengana ila wanasaidiana katika malezi isijulikane ni kwa nini Fahyma amemrejelea Rayvanny kama familia. ( au walirudiana kisiri?)

Kupitia Instagram stories bila kutaja jina, Fahyma aliandika maneno haya; “Unashindwa kuilinda familia yako na mambo mabaya, ila kila siku wewe umekuwa mstari wa mbele kutudhalilisha kwenye jamii. Unasahau una mtoto ambaye anasoma. Kule shule anaposoma atawaangaliaje watoto wenzake wenye familia zinazojiheshimu? Wewe umekuwa mstari wa mbele kuleta maumivu na fedheha kwenye nyumba yako. Endelea kuwa huru maana huu ujinga mimi sitaki tena.”

Mwezi Januari mwaka huu, Fahyma alichapisha picha ya Rayvanny kwenye Instagram na kumrejelea kama mume wake katika hatua labda ya kutangaza kwamba wamerudiana lakini Rayvanny alimshurutisha akaifuta haraka.

Jana picha zimesambaa kwenye mitandao ya kijamii ambazo zinaashiria kwamba Paula alikuwa na Rayvanny muda mfupi baada yake na mamake kurejea kutoka Dubai ambako walikuwa likizo.

Categories
Burudani

Tukutane mahakamani!

Kisa cha Harmonize na Rayvanny kimechukua mkondo mpya sasa baada ya wakili mkuu wa Harmonize kuamua kuanzisha kesi mahakamani.

Taarifa kutoka kwa wakili huyo kwa jina Jerome J. Msemwa ilichapishwa kwenye akaunti ya msanii Harmonize na inasema kwamba wametambua akaunti kadhaa kwenye mtandao wa Instagram ambazo zinasambaza picha za video za msanii Harmonize kwa nia ya kumharibia jina, kumdhalilisha na kumharibia biashara.

Wakili huyo anataja akaunti kama vile “Baby_Udaku”, “Rayvanny”, “Officialbabalevo”, “Divatheebawse”, “Jumalokole2”, “Bongotrending_habari” na “Bintikigoma” kati ya nyingine nyingi ambazo zinahusisha mteja wake na picha fulani.

Majina ya mteja wake anasema ni “Harmonize”, “Tembo” na “Jeshi”.

Jerome J. Msemwa anaendelea kusema kwamba wanaandaa mashtaka na watakwenda mahakamani ambapo watadai fidia kwani vitendo hivyo ni makosa na kwamba wanaonya wanaoeneza picha hizo wakome mara moja.

Chini ya picha ya taarifa ya wakili, Harmonize naye ameongeza maneno yake akisema picha ambazo zinasambazwa sio za kweli kwani sura yake imechukuliwa na kuambatanishwa na utupu wa mtu mwingine na sauti yake kwa lengo la kumharibia sifa.

Kuhusu video ambayo anazungumza na mtu akiwa uchi kwenye bafu, amekiri kwamba ni yeye lakini alikuwa anazungumza na aliyekuwa mpenzi wake na anajitetea kwamba mtu anaweza kusema na mpenzi wake wakati wowote vyovyote vile.

Categories
Burudani

Ray C ashauri Harmonize na Rayvanny

Msanii wa muziki wa muda mrefu nchini Tanzania Ray C ametoa ushauri kwa wanamuziki Harmonize na Rayvanny ambao wanaendelea kuvuana nguo kwenye mitandao.

Wamiliki hao wa kampuni za Konde Music na Next Level Music mtawalia kwa siku za hivi karibuni wamekuwa wakiaibishana kwenye mitandao kuhusu visa vya mapenzi vinavyohusu mama na mtoto Frida Kajala na Paula Kajala.

Rehema Chalamila ambaye sikuhizi anaishi Ufaransa kupitia akaunti yake ya Instagram alipacika video ya mwanamuziki wa Nigeria Burna Boy ambaye alishinda tuzo la Grammy na chini yake akaandika maneno yafuatayo;

“Tunawakubali kinyama!! sema mnatuletea Pwagu na Pwaguzi Taarabu……Na nyie ni watoto wa kiume halafu mko juu vibayavibaya….Sasa!!!.Wakati mnapoteza muda kushushana na kuaibishana wenzenu wanabebana mpaka kwenye magrammy!!!Ukumbi mshaachiwa sasa msituzingue na nyie….Afu kumbukeni hii ni insta. Na mna mashabiki nje ya bongo wanaowafuatilia. Msidhani hawaoni huu upupu wenu Wanaona yote na hao wasanii wa nchi jirani ambao ndo mnaopambana nao kufika walipo nao wanayaona afu wanawachora KINYAMAA!Hapa ni Instagram, Sio Bongo!So mnachoposti na kinachotrend kinaonekana kote. Kwakweli mnajichoresha..Yani kwa kifupi NI NOMA.Hata kama ni mashindano sio kwa style hii mnazoleta na kiki zenu za ajabu ajabu……Hata hamfananii…MNAZINGUA KINOMA…Acheni hizo ingieni studio muendelee kutuwakilisha vile mlivyotuzoesha.Haya mnayofanya sasa ni ya kibwege sana afu YAKISHAMBA..
FOCUS……acheni hizo.Na mkilewa sifa za kibwege kama hizi mnakoelekea mtakuja kuwekeana hadi sumu mmalizane….Mkataeni huyo pepo mana kashawaingia!”

Ray C wa umri wa miaka 38 sasa, hajatoa kazi mpya ya muziki kwa muda sasa hasa baada ya kupata tatizo la utumizi na utegemezi wa dawa za kulevya.

Categories
Burudani

Rayvanny atoa wimbo kuhusu kisa chake na Harmonize

Rayvanny ambaye hujiita chui amekuwa na mvutano na Tembo au ukipenda Harmonize kisa na maana muigizaji Frida Kajala na mwanawe Paula.

Paula mwanawe Kajala alikuwa kwenye uhusiano wa kimapenzi na Rayvanny kumbe hilo lilimkera Harmonize ambaye pia alikuwa anammezea mate lakini alikuwa tayari ameanza uhusiano wa kimapenzi na mamake kajala.

Wakati Harmonize alichapisha video yake na Paula, alishambuliwa sana mitandaoni wengi wakidhani Paula ni mtoto aliye chini ya umri wa miaka 18 lakini sivyo.

Harmonize aliongoza Katika kumshtumu kwa kile alichokisema kwamba anaharibia mtoto maisha kumbe ni wivu tu na Rayvanny ameamua kuweka kisa hicho chote kwenye wimbo kwa jina “Nyamaza”.

Kulingana na Rayvanny, Harmonize alimsema sana hata kwa rafiki zake ambao ni wabunge kwa nia ya kumharibia jina na fani yake kama mwanamuziki.

Kwenye wimbo Chui anaelezea kwamba aliona Paula anavutia, akamwomba urafiki naye akakubali na anazungumzia pia kisa cha tembo ambaye amefugwa kwenye banda ambapo anataka kula kuku na vifaranga.

Anamwombea Harmonize kwa Mungu kwamba amusamehe kwani yeye ni kama kakake na apunguze ukali na uadui haufai.

Hata baada ya Rayvanny kuchapisha mawasiliano ya jumbe fupi kati ya Paula na Harmonize, kiongozi huyo wa Konde Gang hakuomba msamaha. Badala yake aliamua kuandika makala marefu kuelezea kuhusu wanawake ambao amekuwa nao kwenye mahusiano na kusema kwamba anawaheshimu wote.

Rayvanny anamkosoa kwa kutoomba msamaha kwa alichokifanya kwa kutaka kuwa na uhusiano wa kimapenzi na Paula kisiri huku akiwa na mamake mzazi.

Categories
Burudani

Sakata ya Wasafi?

Afisi ya mkaguzi wa hesabu za matumizi ya fedha serikalini nchini Tanzania, imeripoti kwamba milioni 140 pesa za Tanzania, ambazo wizara ya Mali Asili na Utalii ililipa kampuni ya Wasafi hazikuwa na mkataba wowote.

Inasemekana kwamba pesa hizo zilinuiwa kulipa wasanii walio chini ya usimamizi wa kampuni ya wanamuziki ya Wasafi ili watangaze utalii wa Mikoa ipatayo sita ya Tanzania.

Hata hivyo inasemekana wizara hiyo ilishindwa kubaini kiwango cha kazi ambayo ingetekelezwa na wasanii hao na eneo ambalo walistahili kuhusisha kwenye matangazo yao.

Mkaguzi mkuu wa hesabu za serikali ya muungano wa Tanzania Charles Kichere ambaye alizungumza na wanahabari jana huko Dodoma, alisema kiasi cha pesa zilizotolewa kwa kampuni ya Wasafi hakiambatani na sheria za matumizi ya pesa za umma.

Kichere alisema pia kwamba hakuna stakabadhi ambazo ziliwasilishwa kwa ukaguzi ili kubaini jinsi pesa zilitumika katika maandalizi ya tamasha za kitamaduni.

Kampuni hiyo ya Wasafi Classic Baby WCB inamilikiwa na mwanamuziki Diamond Platnumz na inasimamia wasanii kadhaa ambao wameafikia ufanisi barani Afrika na hata nje kama vile Zuchu, Mbosso na Rayvanny ambaye amefungua kampuni yake ya muziki maajuzi kwa jina Next Level Music.

Kampuni ya WCB haijatoa tamko lolote kuhusu sakata hiyo kufikia sasa ila kituo cha redio cha Wasafi FM ambacho pia kinamilikiwa na Diamond Platnumz kiliripoti tu kuhusu aliyoyasema Bwana Charles Kichere kwenye kikao na wahabari.

Inabainika kwamba baadhi ya pesa hizo zililipwa vituo vya runinga ili kupeperusha moja kwa moja tamasha la utamaduni lakini matumizi hayo hayakukaguliwa inavyostahili.

Categories
Burudani

Kifo, kazi ya kwanza ya Rayvanny ndani ya studio zake mpya

Wimbo huo kwa jina “Kifo” ni wa kumwomboleza marehemu Rais wa Taifa la Muungano wa Tanzania John Joseph Pombe Magufuli aliyeaga dunia jana na umerekodiwa ndani ya studio za Next Level Music.

Inaaminika kwamba hiyo ndiyo kazi ya kwanza ambayo Rayvanny kama msanii amerekodia ndani ya studio hizo tangu kuzizindua rasmi yapata wiki moja iliyopita.

Video ya wimbo huo wa Rayvanny ambayo ameipachika kwenye akaunti yake ya You Tube, inaanza kwa kuonyesha nembo ya kampuni yake ya muziki, “Next Level Music” ambayo alizindua tarehe 9 mwezi huu wa Machi mwaka 2021.

Kwenye maneno ya wimbo huo, msanii huyo ambaye anaimba kwa sauti ya majonzi anashangaa ni nani atawafuta machozi watanzania wote ambao Magfuli aligusa maisha yao.

Anamtaja makamu wa Rais Bi. Samia Suluhu Hassan, Waziri mkuu wa taifa hilo, Kassim Majaliwa, wanamuziki na wanachi wote ambao aliwasaidia kwa namna moja au nyingine.

Mwanamuziki huyo anaimba pia kuhuusu kazi ambazo Magufuli alitekeleza akiwa Rais huku akisema vizuri havidumu.

Video hiyo pia ina nembo ya kampuni ya muziki ya WBC ambayo imemsajili Rayvanny jambo ambalo linahakiki usemi wake kwamba hatagura Wasafi hata baada ya kuanzisha kampuni yake.

Categories
Burudani

Diamond amsifia Rayvanny

Msanii wa muziki toka nchini Tanzania ambaye pia ni mkurugenzi mkuu wa Kampuni ya Wasafi ambayo ina Label ya wanamuziki WCB, Kituo cha redio Wasafi Fm na kituo cha runinga Wasafi Tv Diamond Platnumz amemsifia sana mwanamuziki mwenza Rayvanny.

Akizungumza usiku wa kuamkia leo kwenye hafla ya kuzindua rasmi kampuni ya Rayvanny ya kurekodi muziki na kusimamia wanamuziki, Diamond alisema kwamba Rayvanny ni msanii ambaye ni mpole hata baada ya kufanikiwa kwa kupata mauzo ya kiwango cha juu cha muziki.

Kulingana na Diamond, Rayvanny angekuwa na dharau sana kutokana na pesa nyingi alizonazo lakini ni mpole na akatumia nafasi hiyo kusuta wanamuziki ambao wanadhania kwamba ili wafanikiwe lazima watengeneze ugomvi na wengine.

Diamond alisema mkakati huo umepiitwa na wakati.

Aligusia kisa cha hivi karibuni ambapo Rayvanny alinunua gari jipya aina ya Toyota Prado na hakutangaza kwenye mitandao ya kijamii wafanyavyo watu wengine.

Simba aliahidi kuhakikisha kwamba Kampuni ya Rayvanny ambayo inafahamika kama “Next Level Music, NLM” inafahamika na kuendelea zaidi ili hata kampuni yake ya Wasafi isitukanwe.

Nembo ya NLM

Makao makuu ya Next Level Music yako katika eneo la Mbezi Beach Rainbow Jijini Dar es Salaam nchini Tanzania na ni jumba la orofa la rangi nyeupe. Ukiingia ndani unapata mapambo ya rangi yeupe na nyeusi na afisi hizo zimepambwa na picha watu ambao Rayvanny anawaenzi pamoja na tuzo ambazo amewahi kushinda kama msanii.

Kati ya picha hizo kuna ya Diamond Platnumz na ya Babu Tale.

Diamond na Rayvanny walikuwa wamevalia suti za rangi yeupe na mapambo ya rangi nyeusi ambazo ni rangi za Kampuni hiyo ya Rayvanny.

Katika hotuba yake Diamond alisema kwamba wao ni watoto ambao walilelewa kwa umasikini na wanajitahidi kudaidia wengine kutoka kwenye umasikini kupitia muziki.

Categories
Burudani

Rayvanny atangaza jina la kampuni yake ya muziki

Mwanamuziki huyo wa Bongo anayefahamika pia kama Vanny Boy au Chui alitangaza hayo usiku wa kuamkia leo kupitia akaunti yake ya Instagram.

Alipachika picha ya nembo ya kampuni hiyo ambayo inaitwa “Next Level Music” huku akisema ilikuwa ndoto tu. Habari kuhusu Rayvanny kuanzisha Kampuni yake ya muziki zilitoka kwa msimamizi wake kwenye WCB Diamond Platnumz mwezi Oktoba mwaka 2020.

Diamond alikuwa akihojiwa kwenye kituo chake cha redio cha Wasafi Fm ambapo alisema kwamba siku ambayo Rayvanny atazindua studio hizo zake za muziki zitakuwa bora na kubwa zaidi nchini Tanzania.

Hata hivyo, Vanny boy kama mwanamuziki anatarajiwa kusalia WCB kama mwanamuziki huku akisajili wanamuziki na kuwasimamia chini ya “Next Level Music”.

Simba au ukipenda Diamond alisema mwaka jana kwamba ni vizuri kwa msanii kupata fursa nyingine ya kujipatia mapato kwani itakuwa aibu kwa mtu kuinuka na baadaye kufilisika kisa na maana hakujua kuwekeza.

Rayvanny ambaye jina lake halisi ni Raymond Shaban Mwakyusa ana umri wa miaka 27 sasa na alijiunga na label ya Diamond ijulikanayo kama Wasafi Classic Baby kwa kifupi WCB mwaka 2015 lakini Albamu yake ya kwanza ameizindua tarehe mosi mwezi Februari mwaka huu wa 2021.

Maajuzi alijipata matatani kwa kujihusisha na binti ambaye wengi wanaonelea kwamba ni mtoto mdogo lakini aliomba mamake msamaha kwa hilo.

Categories
Burudani

Rayvanny aomba msamaha

Msanii huyo wa Bongo alijipata pabaya yapata wiki mbili unusu zilizopita baada yake kuachia video yake na Paula Kajala wakibusiana.

Wengi walimfokea msanii huyo kwa kile ambacho walisema ni kujihusisha katika vitendo ambavyo havifai na mtoto wa shule ambaye alistahili kuwa shuleni kidato cha tano.

Mtoto huyo Paula ni wa muigizaji Frida Kajala na mtayarishaji wa muziki P Funk Majani. Baada ya tetesi kwenye mitandao ya kijamii, inasemekana Frida alikwenda kushtaki Rayvanny kwenye kituo cha polisi cha OysterBay mjini Dar es Salaam.

Rayvanny na Hamisa Mobeto anayeshtumiwa kwa kumpeleka Paula kwa Rayvanny waliitwa kituoni humo ambapo inasemekana walikaa usiku mzima na kuachiliwa kesho yake kwa dhamana.

Tangu wakati huo kesi hiyo haijatajwa na wengi hawajui kinachoendelea hadi usiku wa kuamkia leo pale ambapo Rayvanny alipachika picha ya Frida Kajala mamake Paula na kuandika maneno haya;

“Duniani wakati mwingine kuna vitu tunavifanya ambavyo pengine kwa macho yetu ya ujana tunaona ni sahihi lakini tunasahau upande mwingine wa pili ambao ni wazazi wanaoumia kwa namna moja au nyingine . Nichukue nafasi hii kumuomba radhi dada angu @kajalafrida na kuwaomba radhi wazazi na yoyote ambaye nilimkwaza kwa kupost video ambayo inawezekana imetafsiriwa vibaya …kwasababu sisi ni binadamu na kamwe hatuwezi kukamilika”

Msanii huyo msajiliwa wa WCB hakukiri wala kukataa makosa yake bali ameomba msamaha tu. Kajala hajajibu ombi hilo la msamaha bali aliweka picha ya rangi nyeusi ya mtu ambaye anatokwa na machozi kwenye Instagram stories.