Categories
Michezo

Raja Casablanca watinga kwota fainali ya kombe la shirikisho

Raja Cablanca kutoka Moroko ilikuwa timu ya kwanza kufuzu kwa robo fainali ya kombe la shirikisho Afrika baada ya kusajili ushindi wa magoli  3-0 ugenini dhidi ya Pyramids ya Misri Jumapili usiku.

Ushindi huo unawaweka Casablanca  uongozi wa kundi D kwa alama 12.

Katika mechi nyingine Entete Setif ya Algeria ikiwa nyumbani iliibwaga Enyimba ya Nigeria mabao 3-0 na kufufua matumaini ya kufuzu robo fainali kutoka kundi A nao mabingwa watetezi Berkane ya Moroko wakatoka sare tasa ugenini dhidi ya Js Kabylie ya Algeria.

 

Categories
Michezo

Zamalek waipakata Raja Casablanca na kutinga fainali ya ligi ya mabingwa

Zamelek walijikatia tiketi kucheza derby ya fainali kuwania kombe la ligi ya mabingwa barani Afrika kufuatia ushindi mkubwa wamabao 3-1 dhidi ya Raja Casablanca Jumatano usiku katika marudio ya nusu fainali ugani Cairo.

Zamalek ambao wamenyakua kombe hilo mara 5, walikuwa na wakati mgumu huku wageni Raja wakichukua uongozi kunako dakika ya 61 kupitia kwa  Ben Malango,  kabla ya Ferjani Sassi ,kusawazisha naye  Mostafa Mohammed akafunga mabao mawili ya haraka katika dakika za 84 na 87 mtawalia na kuwapa wenyeji fursa ya kuwania kombe la 6.

 

Ni mara ya kwanza kwa Zamalek maarufu kama White Nights  kucheza fainali hiyo tangu wapoteze mwaka 2016 kwa Mamelodi  Sundowns.

Zamalek walifuzu kwa fainali hiyo ya Novemba 27 dhidi ya Al Ahly katika uwanja wa Borg El Arab mjini Alexandria ,baada ya kuwapiku Raja Casablanca kwa ushindi wa jumla wa mabao 4-1 kufuatia ushindi wa bao 1-0 katika duru ya kwanza ya nusu fainali.

Ahly wametwaa kombe hilo mara 8 na walitinga fainali kufuatia ushindi wa mabao 5-1 dhidi ya Wydad Casablanca ya Moroko  kumaanisha kuwa kombe hilo litanyakuliwa na timu ya Misri.

Mshindi wa fainali ya Novemba 27 atatuzwa kombe dola milioni 2 nukta 5 za Marekani na nafasi ya kucheza fainali ya kombe la dunia baina ya vilabu mwezi ujao nchini Qatar.

Categories
Michezo

Zamalek na Raja kumaliza udhia Jumatano

Washindi  mara tano wa ligi ya mabingwa barani Afrika ,Zamalek watawaalika Raja Casablanca katika duru ya pili ya nusu fainali Jumatano usiku  katika uwanja wa kimtaifa wa Cairo ,huku wenyeji wakiongoza bao 1-0 kutokana na mkumbo wa kwanza.

Achraf Bencharki aliwafungia Zamalek bao pekee na la ushindi Oktoba 18 mjini Casablanca kabla ya marudio kuahirishwa mara mbili kutokana na zaidi ya wachezaji 11 wachezaji wa Casablanca kupatikana na ugonjwa wa Covid 19.

Itakuwa mara ya nne kwa Zamalek kukutana na Raja katika kipute hicho huku Zamalek wakishinda mechi mbili na mchuano mmoja kuishia sare.

Zamalek watahitaji sare tu ili kufuzu kucheza na Al Ahly katika fainali ya Novemba 27 huku Raja wakihitaji ushindi wa mabao 2-0 ili kugeuza  matokeo ya kwanza na kufuzu kwa fainali.

Mshindi wa fainali ya Novemba 27 atatuzwa  dola milioni 2 nukta 5 na nafasi ya kushiriki fainali ya kilabu duniani mwezi ujao nchini Qatar.

 

Categories
Michezo

Fainali ya Ligi ya Mabingwa Caf ni Novemba 27

Fainali ya kombe la Ligi ya Mabingwa Afrika itaandaliwa  Novemba 27  katika uwanja wa Borg Al Arab Stadium mjini  Alexandria,Misri.

Kwa mjibu wa Kamati andalizi ya  mashindano hayo ya baina ya vilabu  marudio ya nusu fainali ya pili kati ya Zamalek na mabingwa wa Moroko Raja Casablanca itakuwa tarehe 4 Novemba katika uwanja wa kimataifa wa Cairo.

Nusu fainali hiyo ilikuw aipigwe Novemba mosi lakini ikaahirishwa kutokana na wachezaji 11 wa timu ya Casablanca kupatikana na ugonjwa wa Covid 19 na hivyo kuzuiliwa kusafiri hadi Misri na Serikali ya Kifalme ya Moroko.

Zamalek wanaongoza bao 1 kwa bila kutokana na mkumbo wa kwanza huku mshindi akichuana dhidi ya mabingwa mara 8 Al Ahly ambao walitinga fainali kwa ushindi wa jumla ya mabaoa 5-1 katika nusu fainali .

Mechi hizo zimeratibiwa upya kufuatia agizo la chama cha soka nchini Misri ambao ni mwandalizi wa mechi hizo ,kuambatana na masharti ya kimataifa dhidi ya Ugonjwa wa Covid 19.

Mshindi wa kombe hilo atashiriki kombe la dunia baina ya vilabu ,kipute kitakachoandaliwa nchini Qatar kati ya Desemba 11 na 21 mwaka huu kando na zawadi ya  Dola Milioni 2 nukta 5.

 

 

Categories
Michezo

Fainali ya ligi ya mabingwa Afrika yaahirishwa na Caf

Shirikisho la kandanda Afrika Caf limelazimika kuarisha fainali ya ligi ya mabingwa iliyokuwa ichezwe Novemba 6  kwa sababu zisizoweka kuepukika.

Kulingana na taarifa ya Caf kuahirisha  huko kumechangiwa na kucheleweshwa kwa pambano la marudio la nusu fainali baina ya Zamalek ya Misri inayopaswa kuwaalika Raja Casablanca  ya Moroko kufuatia hatua ambapo wachezaji zaidi ya 10 wa Raja walipatikana na virusi vya Korona na kulalimisha serikali ya Moroko kuwazuilia kusafiri.

Nusu fainali hiyo ilikuwa imepangwa kuchezwa Jumapili ya Oktoba 31 lakini kwa sasa itasubiri hadi wachezaji wa Raja wapone kutokana na ugonjwa wa Covid 19.

Caf wamelazimika kusongeza mbele fainali hiyo ili kutoa fursa kwa mechi za kimataifa za kufuzu kwa  kombe la Afcon zitakozochezwa baina ya wiki ya kwanza na wiki ya pili ya mwezi ujao .

Al Ahly wametinga fainali baada ya kuwagaragaza  Wydad Casblanca kutoka Moroko jumla ya mabao 5-1 katika nusu fainali ya kwanza wakati Zamalek wakiongoza bao 1 kwa bila kutokana na duru ya kwanza ya nusu fainali.

Mabingwa wa kombe hilo watatunukiwa dola milioni 2  nukta 5 pamoja nafasi ya kushiriki kombe la dunia baina ya vilabu.

Categories
Michezo

Caf yalizimika kuaahirisha mechi ya Zamalek na Raja Casablanca

Shirikisho la soka Afrika Caf limelazimika kuahirisha marudio ya nusu fainali kati ya Zamalek ya Misri dhidi ya Raja Casablanca ya Moroko.

Caf imechukua hatua hiyo baada ya wachezaji wote wa Casablanca kuingia Karantini kufuatia kisa ambapo wachezaji wake wanane wa kikosi cha kwanza kupatikana na Covid 19.

Serikali ya Moroko imefutilia mbali kibali cha usafiri nje ya nchi walichokuwa wameipa timu ya Raja huku wachezaji wote wakitengwa wa wiki moja hadi Oktoba 27 wakati vipimo vipya vitafanyiwa wachezaji hao kwa mara ya pili.

Raja walipangiwa kuchuana na Zamalek Oktoba 24 katika mechi ya marudio ya nusu fainali ,pambano ambalo litaratiwa upya na Caf huku  Zamalek wakiongoza  bao 1 kwa bila kutokana na duru ya kwanza.

Hata hivyo Caf imesisitiza kuwa fainali ya ligi ya mabingwa itasalia ilivyopangwa tarehe 6 Novemba.

Marudio ya nusu fainali ya kwanza ni ijumaa ,mabingwa mara 8 Al Ahly wakiwakaribisha Wydad Casablanca ya Moroko ,wenyeji wakiongoza mabao 2-0 kutokana na mkondo wa kwanza wiki iliyopita.

Mshindi wa kombe hilo kutuzwa dola milioni  1 nukta 5 na pia kujikatia tiketi kwa mashindano ya kombe la dunia baina ya vilabu.

 

 

 

 

Categories
Michezo

Raja Casablanca walimwa nyumbani na Zamalek

Miamba wa soka nchini Misri Zamalek walijiweka katika nafasi nzuri ya kutinga fainali ya kipute cha ligi ya mabingwa Africa Caf baada ya kukosa heshima za mgeni na kuwaadhibu Raja Casablanca ya Moroko  bao 1-0  katika duru ya kwanza ya semi fainali Jumapili usiku.

Katika mchuano huo uliopeperushwa mbashara na runinga ya Kbc ulishuhudia wenyeji Casablanca wakitawala mechi kwa kipindi kirefu lakini wakakosa kumakinika mbele ya lango la Zamalek.

Bencharki wa Zamalek akisherehekea bao na wenzake

Achraf Bencharki  ambaye ni raia wa Moroko alirejea nyumbani katika uwanja wa Complex Mohammed V na  kuwafungia Zamalek bao la pekee na la ushindi kunako dakika ya 18  kipindi cha kwanza kwa njia ya kichwa  .

Zamalek walicheza mchezo wa kujihami katika kipindi cha  pili chote na kunusurika kwa ushindi huo maridhawa.

Mkondo wa pili utachezwa katika uwanja wa kimataifa wa Cairo Jumamosi hii .

Timu za Misri zilisajili matokeo mazuri ugenini nchini Moroko  huku pia mabingwa mara 8 Al Ahly pia walikuwa wamewashinda Wydad Casablanca ya Moroko Jumamosi iliyopita mjni Casablanca na watapiga mechi ya marudio Jumapili hii.

 

 

Categories
Michezo

KBC channel 1 kupeperusha Nusu fainali za mataji ya CAF baina ya vilabu

Wapenzi wa soka nchini watapata fursa ya kushuhudia mbashara  nusu fainali  za ligi ya barani Afrika na .

Runinga ya KBC imekuwa ikipeperusha mechi za ligi ya mabingwa na kombe la shirikisho la kandanda Afrika tangu msimu ulipoanza,huku mechi hizo zikisitishwa kwa takrina miezi sita kutokana na janga la covid 19.

Nusu fainali ya kwanza ya ligi ya mabingwa Afrika itapigwa Jumamosi hii Wydad Casablanca ya Moroko ikiwaalika mabingwa mara nane Al Alhy ya Misri katika uwanja wa Mohammed V  kuanzia saa nne usiku majira ya Afrika mashariki.

Al Ahly

Wenyeji Wydad watakuwa wakicheza nusu fainali kwa mara ya sita  huku wakitinga fainali mara 4,ingawa wanajivunia rekodi nzuri ya nyumbani ambapo wamepoteza mechi 2 kati ya 10 walizocheza ,kushinda 5 na kutoka sare mara tatu.

Pia Wydad hawajapoteza katika mechi 26 za nyumbani katika ligi ya mabingwa na sadfa kubwa kipigo cha mwisho nyumbani kilikuwa dhidi ya Al Ahly Julai 27 mwaka 2016.

Al Ahly maarufu kama Red Devils watakuwa wakicheza nusu fainali kwa mara ya 16 wakifuzu fainali mara 12 na kutawazwa mabingwa mara nane. They have progressed 12 times.

Al Ahly wamepoteza mechi mbili wakiwazuru  Wydad na wamefunga bao katika mechi zao nne za mwisho ugenini katika kombe hili.

 

Wydad Casablanca

Jumapili itakuwa zamu ya  Raja Casablanca pia ya Moroko kuwakabili  Zamalek kutoka Misri pia mida ya saa nne usiku.

Raja watakutana na Zamalek kwa ya tatu Jumapili huku wakitafuta ushindi wa kwanza dhidi ya wageni,baada ya Zamalek kushinda mechi moja na nyingine kuishia sare.

Raja watakuwa wakipiga nusu fainali ya ligi ya mabingwa kwa mara ya 6 wakifuzu kwa fainali mara nne na kwa jumla wamepoteza mechi moja pekee nyumban katika mechi 22.

Raja Casablanca

Zamalek nao watakuwa nusu fainali kwa mara ya 10 wakitinga fainali mara 7 na wamepoteza mechi mbili pekee katika mechi 9 za ligi ya mabingwa.

Hata hivyo Zamalek wana rekodi mbovu ugenini wakishinda mchuano mmoja kati ya 13 za ugenini katika kombe hilo.

 

Zamalek

Nusu fainali za kombe la shirikisho zitachezwa kwa mkunmbo mmoja ,Rs Berkane ya Moroko ikimenyana na wenzao Hassani Agadir  tarehe 19 huku Pyramids kutoka Misri ikiwaalika Horoya Ac kutoka Guinea tarehe 20.

Fainali ya kombe hilo itasakatwa 25 mwezi huu.

Categories
Michezo

Raja Casablanca yatwaa taji ya ligi kuu Moroko

Kilabu ya Raja Casablanca  ilitwaa ubingwa wa ligi kuu nchini Moroko maarufu kama Botola ,Jumapili iliyopita wakati wa mechi za kufunga msimu.

Raja walivishwa ubingwa kufuatia ushindi wa mabao 2-1 dhidi ya FAR Rabat .

Taji hiyo ilikuwa ikiwaniwa na timu tatu za   Raja Casablanca , watani wa jadi  Wydad Casablanca  na RS Berkane kufikia mechi za kufunga msimu Jumapili iliyopita .

Raja walihitaji tu ushindi katika pambano lao ili kuvishwa taji nao Wydad na Berkane wapoteze .

Ilikuwa mara ya nne kwa Raja kunyakua ubingwa wa ligi hiyo ya Botola tangu mwaka 2012/2013  na la 12 kwa jumla .

Hata hivyo timu za Olympique Khourigba na  Raja Benni Melal ziliteremshwa ngazi kutoka ligi kuu Khouriba wakipoteza 1-2 ugenini kwa  Moghreb Tetouan huku Benni Melal wakitoka sare ya  1-1 na  Renaissance Zemamra.

 

 

 

Categories
Michezo

Caf yaahirisha nusu fainali za ligi ya mabingwa na kombe la shirikisho

Shirikisho la soka barani Afrika Caf limeahirisha siku za kuchezwa kwa nusu fainali za ligi ya mabingwa na kombe la shirikisho kutoka Septemba hadi Oktoba mwaka huu.

Nusu fainali ya ligi ya mabingwa ilipaswa kucheza Septemba 22 huku ile ya kombe la shirikisho ikipigwa tarehe 25 mwezi huu.

Kulingana na taarira kutoka kwa Caf ,wamelazimika kuchukua hatua hiyo, kutokana na ombi   kutoka shirikisho la soka nchini Moroko kutaka mechi hizo zisongezwe mbele  kutokana na janga la covid 19 ambalo limesababisha kupigwa marufuku kwa usafariri kutoka na kuingia nchini humo.

Hatua hii ina maana kuwa mikondo ya kwanza ya ligi ya mabingwa itachezwa Oktoba 17 na 18 , huku mechi za marudio zikiandaliwa siku 6 baade nayo fainali ipigwe Novemba 6.

Esperance wakitwaa kombe la ligi ya mabingwa mwaka jana

Raja Casablanca ya Moroko itapambana na  Zamalek ya Misri katika nusu fainali ya kwanza ,nao   Wydad Casablanca wapambane  dhidi ya  Al Ahly  pia ya Misri katika nusu fainali ya pili.

Nusu fainali za kombe la shirikisho ambazo zitachezwa kwa mkondo mmoja pekee zitachezwa Oktoba 19 na 20 wakati fainali ikiratibiwa Oktoba 25.

Pyramids F.C.ya Misri itavaana na AC Horoya ya Guinea katika nusu fainali ya kwanza ,huku  RS Berkane ya Moroko ikimaliza udhia   na Hassania Agadir kutoka Moroko.