Tag: QATAR

Categories
Michezo

Olunga afungua akaunti za magoli Qatar kwa Hatrick

Mshambulizi wa Harambee Stars Michael Olunga alifungua ukurasa wa kupachika mabao katika klabu yake mpya ya Al Duhail Sc   Jumatatu usiku nchini Qatar alipopiga magoli matatu na kuipa timu yake ushindi wa mabao 6-0  na kufuzu kwa kwota fainali ya kombe la Amir.

Olunga aliyejiunga  na klabu hiyo mapem mwezi akitokea Kashiwa Reysol ya Japan alipachika mabao 2 kunako kipindi cha kwanza ,dakika ya 6 kupitia mkwaju wa penati  baada ya mshambulizi Dudu kutoka Brazil kuangushwa katika eneo la hatari.

Edmilson alimpokeza Olunga pasi ya dakika ya 43  akiunganisha kwa kichwa mkwaju wa kona na kupiga goli la 2 .

Olunga alipachika goli la tatu dakika  ya  69  huku timu yake ikisajili ushindi wa jumla wa mabao 37-7 katika mechi hiyo ya mikondo miwili na kufuzu wka robo fainali.

Mshambulizi huyo aliibuka mfungaji bora katika ligi kuu ya Japan msimu jana pamoja na kutawazwa mchezaji bora kabla ya kuhamia Qatar anakolipwa msahara mara dufu.

Categories
Michezo

Timu ya Olunga Duhail yaangukia Ahly Droo ya kombe la dunia kwa vilabu mwezi ujao

Timu ya Al Duhail Sc  ya Qatar anakocheza Michael Olunga imeratibiwa kuchuana na mabingwa wa Afrika mara 9 Al Ahly  kutoka Misri katika mchuano wa pili wa fainali za kombe la dunia baina ya vilabu mwezi ujao nchini Qatar.

Kwa mjibu wa droo iliyoandaliwa Jumanne jioni mjini Zurich Uswizi mabingwa wa bara Asia Ulsan Hyundai ya Korea Kusini watapiga mechi ya kwanza dhidi ya Tigres ya Mexico Februari 4 mwaka huu katika uwanja wa Ahmad Bin Ali , kabla ya mabingwa wa Qatar Al Duhail Sc kumenyana  Al Ahly katika mechi ya pili  dhidi ya Ahly katika kiwara cha Education City.

Mshindi wa pambano kati ya Ulsan na Tigres atakutana na mabingwa wa Amerika kusini ambao watabainika katika fainali ya kuwania kombe la Libertadores baina ya Santos Fc na Palmeiras zote za Brazil ,nusu fainali hiyo ikichezwa Januari 30 .

Atakayeshinda robo fainali baina ya Ahly na Duhail atapimana nguvu na mabingwa wa Ulaya Bayern Munich kwenye nusu fainali ya pili kisha washindi watoane jasho tarehe 11 mwezi ujao katika fainali.

Mashindano ya kombe la dunia baina ya vilabu hushirikisha timu 6 mabingwa wa kila bara ,wakati bara wenyeji wakiwakilishwa  na timu  2 .

 

Categories
Michezo

Olunga apiga mechi ya kwanza Al Duhail

Mshambulizi wa Harambee Stars Michael Olunga alicheza dakika 67 za mechi yake ya kwanza na timu mpya ya Al Duhail katika ligi kuu ya soka nchini Qatar Jumanne usiku,huku timu yake ikiambulia kichapo cha mabao 3-1 ugenini dhidi ya viongozi wa ligi Al Saad.

Olunga aliye na umri wa miaka 26 alianza mchuano huo siku moja baada ya kusaini mkataba wa donge nono na wa Takriban shilingi milioni 930 za Kenya akitokea Kashiwa Reysol  ya Japan aliyoichezea kwa miaka miwili .

Mshambuluzi huyo ambaye zamani alikuwa na timu za Mathare United,Gor Mahia na Tusker Fc atakuwa akilipwa mshahara wa shilingi milioni 16 kwa mwezi katika mkataba huo mpya na mabingwa hao watetezi wa ligi kuu zamani wakijulikana kama Lakhwiya .

Ushinde huo unaicha Al Duhail alama 8 nyuma ya viongozi Alasaad baada ya mechi 14 za ligi kuu.

Categories
Michezo

Uchanjaa wa Al Rayyan wakamilika kwa kipute cha kombe la dunia Qatar

Kamati andalizi ya fainali za kombe la dunia mwaka 2022 nchini Qatar imetangaza  kukamilishwa kwa ujenzi kwa uwanja wa Al Rayyan  tayari kwa kipute hicho.

Kwa mjibu wa kamati hiyo hafla ya kuufungua rasmi uchanjaa  huo itakuwa tarehe 18 mwezi huu ambayo ni siku ya kitaifa nchini Qatar huku ikiadhimisha  miaka miwili kabla ya mechi ya fainali ya kombe la dunia itakayoandaliwa Disemba 18 mwaka 2022.

Uwanja huo utakuwa wa nne kukamilika tayari ya kipute hicho  na utakuwa uwanja mpya wa kilabu cha  Al Rayyan Sports Club  na unajiunga na viwanja vingine vitatu vilivyokamilika vikiwa ni :- Khalifa International, Al Janoub  na Education City.

Kiwara cha Al Rayyan kilicho na uwezo wa kuwaselehi mashabiki wapatao 40,000 kimeratibiwa  kutumika kuandaa mechi 7 hadi raundi ya 16 bora wakati wa fainali hizo za kombe la dunia .

Categories
Michezo

Viwanja vitatu vimekamilika ,miaka miwili kabla ya kipute cha kombe la dunia 2022 Qatar

Ikiwa imesalia miaka miwili kabla ya kung’oa nanga kwa dimba la kombe la dunia mwaka 2022 nchini Qatar tayari ujenzi wa viwanja vitatu umekamilika huku vikifanyiwa majiribio wakati vingine vikiendelea kujengwa.

Ukarabati wa miundo msingi umefikia asilimia 90 kukamilika ikiwemo viwanja vitatu vilivyo tayari kwa  matumizi vikiwa  Khalifa Internationa,Al Janooub na ule wa Education City na tayari Zaidi ya mechi 100 za majaribio zimeandaliwa katika viwanja hivyo mwaka huu .

uwanja wa Khalifa International
uwanja wa Al Janoub
Uga wa Education City

Nyuga nyingine tatu  zimo katika hatua za mwisho za ujenzi zikiwa ni pamoja na Al Rayyan,Al Bayt na Al Thumama wakati kazi ya ujenzi katika viwanja vingine viwili vya  Ras Abu Aboud ba Lusail vikitarajiwa kukamilishwa  mwaka ujao.

Uchanjaa wa Ras Abou
uga wa Al Rayan
uga wa Al Bayt
uwanja wa Al Thumama
Uwanja wa Lusail

Kinyume na Makala yaliyotangulia ya kombe la dunia mashabiki watakuwa na fursa ya kuhudhuria Zaidi ya mechi moja kwa siku wakati wa mechi za makundi  ambapo michuano minne itachezwa kila siku.

Viwanja vyote  vinane  vitakavyotumika kuandaa kipute cha kombe la dunia mwaka 2022 vitaunganishwa na na usfairi wa kisasa kumaanisha kuwa mashabiki ,maafisa na wanahabri watakuwa nan uwezo wa kusafiri kwa kutimia muda mfupi Zaidi kutoka uwanja mmoja hadi mwingine .

Uwanja wa  Al Bayt na ule wa Al Janoub ndivyo vilivyo mbali zaidi vikiwa umbali wa kilomita 75 baina yao .

Al Bayt Stadium, ulio na uwezo wa kuselehi mashabiki 60,000  ndio utaandaa sherehe za ufunguzi na pia mechi ya ufunguzi  wakati ule  wa Lusail unaomudu mashabiki 80,000  ukiandaa fainali Desemba 18 Mwaka  .

Categories
Michezo

Ujenzi wa viwanja vya kombe la dunia wakaribia kukamilika

Viwanja 8 vitakavyotumika kuandaa mashindano ya kombe la dunia mwaka 2022 nchini Qatar.

Tayari viwanja vitatu vya Khalifa International, Al Janoub na  Education City  tayari vimekamilika na kuzinduliwa huku vingine vikitarajiwa kumalizika kabla ya dimba hilo kuanza Novemba 21 mwaka 2022.

Kamati andalizi ya mashindano hayo imetangaza kuwa Zaidi ay viti 170,000 vitaondolewa kutoka kwa viwanja na kutolewa kama msaada kwa mataifa yanayokosa muundo msingi bora  kama njia ya kuyafanya mataifa hayo pia kuhisi umuhimu wa fainali hizo za kombe la dunia.

Pia vifaa vilivyotumika kujenga viwanja vingine kama , Ras Abu Aboud ambao umejengwa kutokana na vyuma vya makasha vitabomolewa na ili kutumika baadae ,huku ardhi mahali palipojengwa  viwanja ikigeuzwa kuwa maeneo ya kitalii.