Categories
Michezo

Ligi ya Nsl kung’oa nanga Disemba 5

Shirikisho la soka nchini FKF  limeahirisha tarehe ya kuanza kwa msimu mpya wa ligi kuu ya daraja ya pili nchini kenya NSL hadi tarehe 5 mwezi ujao.

Kulingana na Fkf ligi hiyo imesukumwa mbele kwa wiki moja kutoka tarehe  ya awali, baada ya  ligi kuu ya FKF kuahirishwa kutoka Novemba 20 hadi Novemba 27.

Ligi ya NSL itashirikisha timu 17 msimu huu kinyume na 19 za msimu jana baada ya Chemilil Sugar Fc na Ushuru Fc kuvunjiliwa mbali kutokana na ukosefu wa pesa  na hivyo basi kutoa fursa kwa  Silibwet  Leos Fc,Soy United na Mwatate United Fc kupandishwa ngazi kucheza ligi hiyo.

Timu mbili bora kutoka ligi hiyo hupandishwa ngazi kucheza ligi kuu ya FKF huku ile ya tatu ikicheza mchujo dhidi ya timu ya 16 katika ligi kuu ambapo mshindi hushiriki ligi kuu.

Wachezaji wa vilabu vyote vya ligi kuu wanapitia vipimo vya Covid 19 kwa mjibu wa matakwa ya serikali kabla ya ligi kuanza rasmi.

Ligi kuuu ya Fkf msimu wa mwaka 2020-2021 uantazamiwa kuanza mwishoni mwa juma  hili kwa mechi tatu Afc Leopards wakipambana na Posta Rangers katika uwanja wa Nyay,o huku Mathare united ikifungua dimba dhidi ya Kakamega Homeboyz nao  Bandari Fc waanze msimu nyumbanio dhidi ya Zoo Fc.

 

 

Categories
Michezo

Mchujo wa ligi kuu Fkf kuchezwa mwezi ujao

Shirikisho la soka nchini Fkf limetangaza kuwa mkondo wa kwanza wa mchuano wa kuwania nafasi moja iliyosalia katika ligi kuu utapigwa tarehe 7 mwezi ujao.

Pambano hilo litashirikisha Kisumu All-Stars iliyomaliza ya 16 katika ligi ya Kpl dhidi ya  Vihiga United iliyoibuka ya tatu kwenye ligi ya Nsl msimu jana.

Mkondo wa kwanza kuchezwa Oktoba 7 huku marudiano ikiwa tarehe 11 mwezi ujao  huku mshindi akifuzu kushiriki ligi kuu ya Fkf msimu wa wmaka 2020/2021.

Kisumu All Stars wakicheza msimu uliopita

Ligi kuu ya Fkf pamoja na ligi nyingine za soka zinatarajiwa kuanza mwishoni mwa  mwezi ujao.