Categories
Michezo

Timu ya Kenya ya Olimpiki yapigwa jeki na KCS

Timu ya Kenya itakayoshiriki makala  ya 32 ya michezo ya Olimpiki  imepigwa jeki baada ya kamati ya Olimpiki nchini NOCK kusaini mkataba wa miaka mitano na kampuni ya kamari ya Kenya Charity Sweepstake  ,mkataba wa kima cha shilingi milioni 10.

Pesa hizo zitatumika kuiandaa timu ya Kenya kwa michezo ya mwaka huu ya Olimpiki kuanzia Julai 23 mjini Tokyo Japan na Olimpiki ya mwaka 2024  mjini Paris Ufaransa .

Rais wa Nock Paul  Tergat ana imani kuwa pesa hizo zitaiwezesha timu ya Kenya kupata maandalizi bora .

“Kwa miaka  iliyopita,na haswa mwaka huu tumekuwa na matayarisho mazuri kwa michezo ya Olimpiki tukilenga ufanisi . Ndio maana tunawaomba wakenya wote kutuunga mkono  ili tupate  matokeo bora mwaka huu “akasema Tergat

Kulingana na mkataba huo asilimia 10 ya pato kutokana kwa Kenya Charity Sweepstake  itawekwa katika akaunti ya NOCK.

Jumla ya wanamichezo 83 wa Kenya wamefuzu kwa michezo hiyo wakiwemo  wanariadha 17,mchezaji Taekwondo mmoja,mabondia wawili,timu raga kwa wachezaji 7 upande kwa wanaume na wanawake,na timu ya voliboli kwa akina dada kila timu ikiwa na wachezaji 12 kwa jumla wakiwa 36.

Kenya italenga kuboresha matokeo ya  mwaka 2016  mjini Rio De Janeiro ilikozoa dhahabu 6 fedha 6 na shaba 1 na pia matokeo bora zaidi iliyowahikusajili mwaka 2008 mjini Beijing ya dhahabu 6 fedha  4 na shaba 6.

 

 

 

 

 

 

 

 

 

Categories
Michezo

Wanariadha 6 wanufaika na msaada wa masomo kutoka kwa ANOCA

Bingwa wa jumuiya ya madola katika mita 800 Wyclife Kinyamal,bingwa wa Olimpiki katika mita 3000 kuruka maji na viunzi Consenslus Kipruto ,bingwa wa dunia wa mita 1500,Rodgers Kwemoi aliyeibuka wa 4 katika mita 10,000  mashindano ya dunia ya mwaka 2019 ,bingwa wa kitaifa mita 800 mwaka 2018 Emily Cherotich  na mshindi wa nishani ya shaba ya dunia miat 800 mwaka 2019 Ferguson Rotich wamenufaika na msaada wa masomo wa kima cha shilingi milioni 2 , kutoka kwa kamati za Olimpiki barani Afrika ANOCA.

Wanariadha hao walipokea hundi ya shilingi milioni 2 ambapo kila mmoja atapata  msaada wa masomo wa shilingi laki 4 kutoka kwa Rais wa kamati ya Olimpiki nchini kenya Nock Paul Tergat mapema Jumanne alipoongoza msafara wa viongozi wa maafisa wa NOCK na wale wa timu itakayoshiriki michezo ya Olimpiki kuzuru kambi za mazoezi ya wanariadha wanaojiandaa kwa michezo ya Olimpiki mjini Eldoret.

Tergat akizungumza kwenye hafla hiyo iliyofuatia warsha  iliyohudhuriwa na wanariadha kadhaa ,amesema kuwa atahakisha timu ya kenya inapata maandalizi na matayarisho bora kwa michezo ya Olimpiki ya mwaka huu.

“Tunataka kuwahakikishia kuwa tutafanya kazi kwa pamoja  kama wadau kuhakikisha kuwa wanariadha wote wamejiandaa vyema kwa michezo ya Tokyo .Tunaangalia mbinu zote zilizopo ikiwemo kutoa misaada ya masomo na tunawahimiza wanariadha kutafakari kuhusu maisha yao ya siku za usoni  baada ya kustaafu yanakuwa bora”Akasema Tergat

Rais wa NOCK Paul Tergat akipiga picha na wanariadha watano kati ya 6  waliopokea msaada wa masomo

Kwa upande wake mkurugenzi wa timu ya Kenya ya Olimpiki mwaka huu Barnaba Korir ametoa hakikisho kuwa wanariadha waliofuzu kwa michezo hiyo na wale watakaoshiriki mashindano ya kufuzu ni wale bora pekee ambao wataenda Olimpiki sio tu kushiriki ,bali kutwaa medali.

Maafisa wengine wa NOCK kwenye ziara ya leo ni pamoja na kaimu katibu mkuu  Francis Mutuku na mwakilishi wa wanariadha Humphrey Kayange ambao walijiunga na kocha wa mbio za masafa marefu kutoka kambi ya Kaptagat Patrick Sang.

Bingwa wa Olimpiki katika  mita 5000 Vivian Cheruiyot aliwahimiza wanariadha kutumia vyema pesa wanazopata kupitia riadha haswa  baada ya janga la COVID 19 lililosababisha kusitishwa kwa mashindano yote kote ulimwenguni mwaka uliopita.

 

 

Categories
Michezo

Kenya kutuma wanamichezo 100 Olimpiki

Kamati ya Olimpiki nchini Kenya inalenga kutuma takriban wanamichezo 100 kwa makala  ya 32 ya michezo ya Olimpiki  ya mwaka huu mjini Tokyo Japan.

Kulingana na kiongozi wa ujumbe wa Kenya Waithaka Kioni wanamichezo ambao wamefuzu kwa michezo hiyo ni 87 kutoka fani za riadha,Raga kwa wachezaji saba kila upande wanaume na wanawake,ndondi na voliboli wanawake.

Wachezaji watakaofuzu watapiga kambi ya maozezi kabla ya kuelekea Japan huku pia Nock ikiahidiwa usaidizi wa kutosha kutoka kwa serikali.

“Tumekutana na serikali kupitia kwa wizara ya michezo mara kadhaa na wametuhakikishia kutoa usaidizi wote tunaohitaji kuelekea kwa michezo hiyo,hadi sasa tuna wanamichezo 87 waliofuzu huku tukilenga kutuma angaa wanamichezo 100 kwa hiyo michezo”akasema Kioni

Kenya ilimaliza ya 15 katika michezo ya Olimpiki ya  mwaka 2016 mjini Rio De Janeiro kwa dhahabu 6 fedha 6 na shaba 1.

Categories
Michezo

Breakdance kushirikishwa Olimpiki kwa mara ya kwanza mwaka 2024

Kamati ya Olimpiki nchini Nock imepongeza hatua ya kamati ya kimataifa  ya Olimpiki ya kuidhinisha mchezo wa breakdance kujumuishwa katika orodha ya fani za michezo  ya Olimpiki ya mwaka 2024 jijini Paris Ufaransa.

Mchezo huo utafahamika kama Breaking  kinyume na breakdance jinsi wengi wanavyoufahamu.

Breaking ni mmoja wa  fani tatu za michezo zilizopendekezwa na kamati andalizi ya IOC kujumuishwa kwenye olimpiki ya mwaka 2024 ikiwemo  skateboarding, sport climbing na upigaji makasia .

Breaking ilijumuishwa katika michezo ya olimpiki kwa chipukizi mwaka 2018 mjini  Buenos Aires, Argentina, na umeidhinishwa kuwa mchezo wa Olimpiki na baraza kuu la IOC Disemba 7 mwaka huu.

Breakdance imekuwa ikifanyika humu nchini kwa jina la  streetdance ikiendehswa na kundi lijulikanalo  Streetdance Kenya jijini  Nairobi kabla ya kuenea kote nchini ..

Mchezo huo unasimamiwa na shirikisho la dunia la  michezo ya kupiga densi maarufu kama World Dance Sports Federation.

 

 

Categories
Michezo

Nock yazidisha maandalizi kwa michezo ya 32 ya Olimpiki

Matayarisho ya wanaspoti wa Kenya kwa michezo ya Olimpiki yanaendelea vyema licha ya janga la Covid 19.

Kulingana na Rais wa kamati ya Olimpiki nchini Nock Paul Tergat, zaidi ya wanaspoti 80 wamefuzu kwa michezo hiyo ya mwaka ujao mjini Tokyo Japan  huku uteuzi kwa nafasi zilizosalia  ukitarajiwa kuandaliwa mapema mwaka ujao.

“Kufikia sasa tuna takriban wanamichezo 80 waliofuzu wakiwemo wale wa timu za raga kwa wachezaji 7 kila upande  wanuame na wanawake na timu ya akina dada ya Voliboli,na tunatarajia kuteua wanaspoti waliosalia mapema mwaka ujao”akasema Tergat

Kulingana na Tergat janga la Covid 19 limeilazimu kamati ya Olimpiki Nock kuongeza bajeti ya michezo hiyo  kutoka kwa bajeti ya awali.

Hii ni kutokana na baadhi ya mashindano ya  uteuzi  kuahirishwa na pia kwa minaajili ya matayarisho kwa timu zilizofuzu kwa michezo hiyo.

“Kwa sasa itabidi tuongeze kiwango cha bajeti ambayo tumewasilisha kwa Serikali tukisubiri iidhinishwe kwa sababu kila kitu kimebadilika kuliko tulivyopanga awali,kuna uteuzi mwingine ambao tutafanya upya,na pia wanamichezo waliofuzu wanahitaji kujiandaa vyema”akaongeza Tergat

Michezo ya Olimpiki iliyokuwa iandaliwe mwaka huu ,iliahirishwa kutokana na janga la Covid 19 na sasa makala ya 32 ya michezo hiyo yataandaliwa kati ya Julai 23 hadi Agosti 8 mwaka ujao.

Uwanja wa Tokyo utakaondaa michezo ya Olimpiki mwaka ujao

Katika makala yaliyopita ya olimpiki mwaka 2016 huko Rio De Janeiro Brazil  Kenya iliwakilishwa na wanimichezo 89 katika fani 7 za michezo na kuzoa medali 13,dhahabu 6 fedha 6 na shaba 1.

Wanamichezo waliojikatia tiketi kwa michezo hiyo ya mwaka ujao  kufikia sasa ni pamoja na mabondia wawili mshindi wa nishani shaba ya jumuiya ya madola

Christine Ongare  katika uzani wa Fly na Nick Okoth katika uzani wa unyoya  Faith Ogalo, katika  tae kwon-do ,timu za raga kwa wachezaji 7 kila upande kwa wanaume na wanake,timu ya Voliboli ya akina dada pamoja  uogeleaji.

Mabondia Nick Okoth na Cristine Ongare wakipiga zoezi

Tergat pia ameipongeza serikali kwa kuingilia kati na kunusuru jengo la Nock Plaza lililoko Upper Hill  ambalo lilikuwa litwaliwe na wapiga mnada baada ya Nock kushindwa kulipia ada ya ujenzi na gharama nyinginezo.

“Tunafurahia kuwa Serikali iliingilia kati na kunusuru jengo letu la Nock Plaza na kulipa pesa zote  tulizokuwa tunadaiwa ,auctioneers walikuwa wametaka kutwaa jengo hilo mara kadhaa na ingekuwa vibaya kama lingenyakuliwa na waekezaji wa kibinafsi” akasema Tergat

 

 

Categories
Michezo

Baraza la Michezo nchini laweka mikakati ya keundeleza Michezo

Baraza la michezo nchini limeweka mikakati ya kuhakikisha michezo inaendelea nchini na wachezaji wasalie katika hali shwari licha ya janga la Covid 19 ambalo limesitisha michezo yote tangu mwezi Machi mwaka huu.

Mwenyekiti wa baraza hilo Nderitu Gikaria amefichua kuwa wanafanya  kazi kwa karibu na mashirikisho yote  ili kuhakikisha wanamichezo wanasalia katika hali shwari  na pia kubuni mbinu mwafaka za kuruhusu kurejelewa kwa michezo inayoshirikisha wachezaji kugusana.

Gikaria pia amekiri kuwepo kwa changamoto kubwa ya kuendesha michezo nchini kutokana na vipimo vya lazima vya  Covid 19 ambavyo ni ghali kwa mashirikisho yote ya michezo nchini.

Mwenyekiti huyo ameyarai mashirikisho ya michezo kuwasilisha matakwa yao kwa baraza hilo.

Baraza hilo ambalo huandaa michezo ya Afrika mashariki limelazika kuahirisha makala ya mwaka  huu  yaliyopaswa kuandaliwa nchini Uganda kutokana na janga la Covid 19.

 

Categories
Michezo

NOCK yaandaa mafunzo kwa mashirikisho ya Michezo

Seminaa ya Nock kwa wasimamizi wa mashirikisho ya michezo  nchini iliingia siku ya pili Ijumaa  hapa Nairobi huku viongozi kutoka zaidi ya mashirikisho 50 humu nchini wakihudhuria.

Hafla hiyo itakamilika Jumamosi huku washiriki wakipokea mafunzo kuhusu maswala mbalimbali ikiwemo ulaji muku katika michezo.

Viongozi wa mashirikisho wanapokea mafunzo mbalimbali kuhusu ya usimamizi wa wanamichezo wanaoshiirki michezo ya Olimpiki ,mbinu za usimamizi  ,jinsi ya kupata hel kutokana na mauzo  na mipangalio ya shughuli za michezo.

Waakilishi wa mashirikisho ya michezo  wakihudhuria mafunzo

Kulingana na mweka hazina wa  Nock Anthony Kariuki ambaye alikuwa msimamizi wa kikako cha leo  ,seminaa hiyo ya siku tatu tatu iliyofunguliwa jana na rais wa  Nock President Paul Tergat, pia itawawezesha wasimamizi wa michezo kupata habari na fursa ya kujadili masuala muhimu wa michezo ikiwemo ushirkishwaji wa jinsia zote michezoni ,mabadiliko ya utengamano kupitia michezo ,kutumia michezo kulete amani  ,maadili miongoni mwa maswala mengine.

washiriki wa seminaa hiyo

Zaidi ya mashirikisho 50 ya michezo humu nchini wanahudhuria seminaa hiyo wakiwa wenyeviti na makatibu wakuu wa mashirikisho ya michezo.

Warsha hiyo ya siku tatu  itakayokamilika Jumamosi  ni ya mwisho mwaka huu inayoandaliwa na  Nock na inafuata seminaa ya wasimamizi wa kike michezo ambayo iliandaliwa maajuzi.

 

Categories
Michezo

Zaidi ya wanawake 40 wahudhuria Seminaa ya Nock

Seminaa ya siku mbili ya kamati ya  Olimpiki nchini Nock ilianza leo kwa wanawake walio katika usimamizi wa michezo nchini.

Seminaa hiyo iliyoanza Jumatano ,itakamilika Ijumaa huku wanawake kutoka mashisiriisho yanyoshiriki michezo ya jumuiya ya  madola na Olimpiki wakihudhuria.

Mafunzo hayo yanalenga kuwapa washirki mbinu bora za usimamizi  ,sera pamoja na kuongeza uelewa wa haki za akina dada michezoni .

Malengo makuu ya seminaa hiyo ni kuongeza idadai ya uwakilishi na ushiriki wa akina dada katika michezo kupitia usimamizi na uchezaji .

Maafisa wakuu serikalini na wataalamu wa michezo wataongoza mafunzo hayo Mkurugenzi  wa shirika la Sports Connect Africa, Cynthia Mumbo na  meneja wa mauzo ya kidigitli kutoka kampuni ya Saafaricom  Wangui Kibe,Sarah Ochwada, ambaye ni mwanamke wa kwanza mweusi  kuwa na cheti cha shahada ya uzamifu  katika somo laInternational Sports Law, na Kapteni wa timu ya raga ya Kenya kwa wanawake saba upande Kenya Lioness miongoni mwa wengine.

 

Categories
Michezo

Badminton Kenya wapokea msaada kutoka Nock

Chama cha mchezo wa badminton hapa nchini Kenya leo,kimepokea zulia za kufanyia mazoezi kutoka kwa kamati ya olimpiki nchini Nock.

Zulia hizo zinajumuisha nne za kufanyia mazoezi na nyingine nne za mashindano  na ziliwasilishwa maafisa wa Badminton Kenya na Rais wa Nock Paul Tergat.

‘’Tangu kamati kuu ya  Nock iingie ofisini ,imekumbwa na changamoto nyingi  kutokana kwa mashirikisho  ya michezo ikiwemo  Badminton Kenya” akasema Tergat.

Rais wa Nock Tergat akijaribu zulia hiyo na mchezaji wa Kenya Waithera

Mchezaji bora nchini wa Badminton Mercy Mwethya  analenga kufuzu kwa michezo ya olimpiki mwaka ujao na pia alipata msaada wa masomo kutoka kamati ya kimatifa ya olimpiki .

Zulia hizo za badminton ni msaada kutoka kwa shirika la mchezo wa Badminton ulimwenguni na lile la Afrika.