Tag: Kirinyaga

Categories
Habari

Mwanaume aliyewabaka bintize ahukumiwa miaka 140 gerezani

Mwanaume ambaye aliwabaka bintize wawili katika kaunti ya Kirinyaga, amehukumiwa kifungo cha miaka 140 gerezani.

Akitoa hukumu hiyo, hakimu mkuu Anthony Mwicigi alidokeza kwamba mshakiwa huyo  ameharibu maisha ya wasichana hao wawili pamoja na ya watoto wao akisema anapaswa kuondolewa kabisa katika jamii.

Kwa mujibu wa Mwicigi, wasichana hao wamepokonywa usalama na dhamani yao ya maisha na mtu ambaye alipaswa kuhakikisha siku zao za usoni ni salama.

Mshatikiwa huyo kwa jina John Gichira ambaye ni wa dini ya Akorino kutoka kijiji cha Kathaka, alitiwa nguvuni mwezi uliopita baada ya shangazi mmoja wa wasichana hao wawili kuripoti kisa hicho katika kituo cha polisi cha Sagana.

Mmoja wa wasichana hao  ana mtoto wa miezi saba na huyo mwingine ama uja uzito wa miezi sita.

Alipokuwa akijitetea mbele ya mahakama hiyo, mshtakiwa huyo John Gichira Gichini aliomba msamaha kutoka kwa mahakama hiyo pamoja na familia yake kutokana na kitendo hicho, akilaumu shetani kwa kumpotosha.

“Ninasikitika sana kwa jinsi nimekosea familia yangu na ninaomba mahamaka hii inisamehe kwani kila binadamu anaweza kosea,” alisema Gichini.

Awali kiongozi wa mashtaka aliwasilisha fomu ya P3, ripoti za ukaguzi wa kimatibabu na kadi za ubatizo kuunga mkono kesi hiyo.

Categories
Habari

Baba mbakaji amlaumu shetani kwa kumpotosha

Mwanamume ambaye aliwabaka bintize wawili katika kaunti ya Kirinyagah atajua hatima yake wiki ijayo baada ya hakimu wa Baricho kuagiza ofisi ya urekebishaji tabia kuchunguza kisa hicho.

Hakimu mkuu Anthony mwicigi alimuagiza afisa wa urekebishaji tabia kuchunguza kisa hicho kutoka kwa bintize wawili wa mwanamume huyo.

Mmoja wa bintize  ana mtoto wa miezi saba na huyo mwingine ama ujaa uzito wa miezi sita.

Huku akijitetea mbele ya mahakama hiyo, mshtakiwa John Gichira Gichini aliomba msamaha kutoka kwa mahakama hiyo pamoja na familia yake kutoka na kitendo hicho, akilaumu shetani kwa kumpotosha.

“Ninasikitika sana kwa jinsi nimekosea familia yangu na ninaomba mahamaka hii inisamehe kwani kila binadamu anaweza kosea,” alisema Gichini.

Kesi hiyo ilikuwa imeratibiwa kuamuliwa Alhamisi baada ya upande wa mashtaka kusema unahitaji kukabidhiwa vyeti vya kuzaliwa ili kubaini umri wa wasichana hao.

Kiongozi wa mashtaka aliwasilisha fomu ya P3, ripoti za ukaguzi wa kimatibabu na kadi za ubatizo kuunga mkono kesi hiyo.

Hakimu alipomwambia mshtakiwa kwamba kitendo hicho kina hukumu ya maisha na kwamba alistahili kujitetea, mshtakiwa alidai kuwa alipotoshwa na shetani kuwabaka bintize.

Kesi hiyo itaamuliwa tarehe 14 mwezi huu.

Categories
Habari

Mtu mmoja akiri kuwabaka na kuwapachika mimba mabinti wake wawili

Mwanaume mmoja anayatuhumiwa kwa kuwabaka mabinti wake wawili wa kambo huko Ndia, kauntyi ya Kirinyaga amekiri kosa hilo.

John Gichira Gichini aliye na umri wa miaka 51 alikiri mashtaka mawili ya kuwabaka binti hao wawili wa umri wa miaka 16 na 14.

Mshukiwa alikiri mashtaka hayo mbele ya hakimu Antony Mwicigi, aliyeandaa kikao cha mahakama kwenye kituo cha polisi cha Baricho.

Mshukiwa alitenda kisa cha kwanza kati ya tarehe moja na 30 mwezi june mwaka 2019 na kutenda cha pili kati ya tarehe 1 na 31 mwezi agosti mwaka jana katika kijiji cha  Kinyakiru eneo bunge la  Ndia.

Kiongozi wa mashtaka Patricia Gikunju aliiomba mahakama muda hadi tarehe saba mwezi huu kutafuta vyeti vya kuzaliwa vya watoto hao ili kubaini umri wao.

Mshukiwa huyo atasalia korokoroni katika kituo cha polisi cha Sagana. Gichira anayeaminika kuwa mshirika wa dhehebu la ‘Akorino’ alitiwa mbaroni siku ya Jumapili huko Mbeere kusini akiwa mafichoni.

Anashukiwa kumpachika mimba binti wake wa kwanza wa kambo ambaye kwa sasa ana mtoto wa miezi saba huku wa pili akiwa na mimba ya miezi mitano sasa.

Categories
Habari

Maafisa wa matibabu waliofutwa katika kaunti ya Kirinyaga hawatarejeshwa kazini

Gavana wa kaunti ya Kirinyaga Anne Mumbi Waiguru amesema maafisa wa afya ambao walikuwa wameachishwa kazi na serikali ya kaunti hiyo hawatarejeshwa kazini.

Akiongea kwa njia ya video wakati wa mkutano na kamati ya bunge kuhusu maswala ya afya, gavana huyo alisema nafasi za wahudumu hao tayari zimechukuliwa na wengine.

Alisema kuwa hakuna bajeti ya ziada iliyotengwa kuwaajiri upya huku akiongeza kuwa hawakutuma maombi ya kazi wakati nafasi za ajira kwenye mpango wa huduma ya afya kwa wote zilipotangazwa.

Gavana huyo ,aliongeza kuwa kesi zote zilizowasilishwa mahakamani na chama cha madaktari na wataalam wa meno (KMPDU) pamoja na muungano wa wauguzi nchini  (KNUN) dhidi ya kaunti hiyo hazikufaulu.

Lakini kwenye ujumbe wakati wa kikao hicho,kaimu naibu katibu mkuu wa chama cha madaktari nchini Dennis Miskellah alishinikiza kuzingatiwa kwa utaratibu wa bodi ya tume ya kuwaajiri watumishi wa umma kuhusu swala hilo.

Alihimiza tume hiyo kuingilia kati swala hilo.

Pia alitoa wito wa kubuniwa kwa tume ya kuwaajiri watumishi wa afya ili itakayoshughulikia maswala ya sekta ya afya.

Categories
Habari

Maafisa wa afya waliofutwa katika kaunti ya Kirinyaga hawatarejeshwa kazini

Gavana wa kaunti ya Kirinyaga Anne Mumbi Waiguru amesema maafisa wa afya ambao walikuwa wameachishwa kazi na serikali ya kaunti hiyo hawatarejeshwa kazini.

Akiongea kwa njia ya video wakati wa mkutano na kamati ya bunge kuhusu maswala ya afya, gavana huyo alisema nafasi za wahudumu hao tayari zimechukuliwa na wengine.

Alisema kuwa hakuna bajeti ya ziada iliyotengwa kuwaajiri upya huku akiongeza kuwa hawakutuma maombi ya kazi wakati nafasi za ajira kwenye mpango wa huduma ya afya kwa wote zilipotangazwa.

Gavana huyo ,aliongeza kuwa kesi zote zilizowasilishwa mahakamani na chama cha madaktari na wataalam wa meno (KMPDU) pamoja na muungano wa wauguzi nchini  (KNUN) dhidi ya kaunti hiyo hazikufaulu.

Lakini kwenye ujumbe wakati wa kikao hicho,kaimu naibu katibu mkuu wa chama cha madaktari nchini Dennis Miskellah alishinikiza kuzingatiwa kwa utaratibu wa bodi ya tume ya kuwaajiri watumishi wa umma kuhusu swala hilo.

Alihimiza tume hiyo kuingilia kati swala hilo.

Pia alitoa wito wa kubuniwa kwa tume ya kuwaajiri watumishi wa afya ili itakayoshughulikia maswala ya sekta ya afya.

Categories
Habari

Mudavadi ajitosa rasmi ulingoni huku mwangwi wa BBI ukivuma kote nchini

Kiongozi wa chama cha Amani National Congress, ANC, Musalia Mudavadi ametangaza rasmi kuunga mkono ripoti ya BBI.

Kulingana na Mudavadi chama cha ANC kitaongoza shughuli ya ukusanyaji sahihi kote nchini na kuanzisha kampeni yake kupigia debe ripoti hiyo sambamba na ile inayoongozwa na Rais Uhuru Kenyatta na kiongozi wa upinzani Raila Odinga.

“Baada ya mashauriano na wanachama, chama cha ANC kitaunda mpango wake wa kuipigia debe ripoti hiyo,” ametangaza Mudavadi.

Mudavadi amesema ripoti ya mwisho ya BBI iliyozinduliwa na Rais Uhuru Kenyatta na kiongozi wa ODM Raila Odinga wiki iliyopita imefanyiwa marekebisho na inajumuisha matakwa ya Wakenya wote.

“Chama cha ANC kinawahimiza Wakenya wote kushiriki katika mchakato huu kwa nia ya kuwa na kura ya maamuzi isiyo na upinzani,” ameongeza Mudavadi.

Hayo yanajiri huku Mbunge wa Ruiru Simon King’ara akiwahimiza wakazi wa Eneo Bunge lake kuweka sahihi fomu za BBI zinazosambazwa katika sehemu hiyo.

Hata hivyo mbunge huyo amefafanua kwamba kuweka sahihi kwenye fomu hizo hakumaanishi wanaunga mkono kura ya maamuzi, bali ni mwanzo wa shughuli ya marekebisho ya katiba.

Akiongea katika wadi ya Gitothua katika eneo bunge lake ambako alitoa msaada wa mablanketi, magodoro na nguo kwa zaidi ya waathiriwa 20 wa moto ulioteketeza nyumba zao, King’ara amesema mchakato wa BBI ndio suluhisho la ugavi sawa wa raslimali za kitaifa.

“Kuweka saini si kusema umeamua, ni kusema umekubali mambo yaendelee na wakati wa kupiga kura utatoa uamuzi wako,” ameeleza King’ara.

Ruiru ni miongoni mwa maeneo bunge sita yaliyopendekezwa kugawanywa katika kaunti ya Kiambu iwapo katiba itafanyiwa marekebisho.

Naye Mwenyekiti wa chama cha Jubilee katika Kaunti ya Kirinyaga Mureithi Kang’ara amewahimiza wakazi wa kaunti hiyo kujitokeza kwa wingi kwenye zoezi la ukusanyaji saini za BBI.

Akiongea mjini Kagio muda mfupi baada ya kuweka saini yake, Kangara amesifia mapendekezo ya ripoti hiyo iliyoorodhesha Kaunti ya Kirinyaga kuwa mojawapo ya kaunti zitakazonufaika na eneo bunge jipya.

Kang’ara amesema chama cha Jubilee kinafanya kazi kwa pamoja kwenye shughuli ya kukusanya saini za marekebisho ya katiba.

Shughuli ya kukusanya saini ilizinduliwa na Rais Uhuru Kenyatta na kiongozi wa chama cha ODM Raila Odinga.

Categories
Habari

Kaunti ya Kirinyaga yajizatiti kudhibiti ugonjwa wa kifua kikuu

Serikali ya kaunti ya Kirinyaga imeimarisha juhudi za kuzuia na kudhibiti ugonjwa wa kifua kikuu unaoendelea kuenea miongoni mwa wakazi wa kaunti hiyo.

Takwimu za idara ya afya ya kaunti hiyo zinaonyesha kwamba kaunti hiyo ina visa vingi vya ugonjwa wa kifua kikuu, ambapo watu 245 kati ya laki-1 walikuwa na ugonjwa huo kufikia mwaka 2018.

Visa vya ugonjwa huo kutoweza kuponywa na dawa viliongezeka kwa asilimia 50 kati mwaka   2016 na 2018, hali ambayo imetokana na kutozingatiwa vyema kwa maagizo ya utumizi wa dawa.

Gavana Anne Waiguru amesema kwamba idara ya afya imekuwa ikiwahamasisha wahudumu wa afya na wale wa kijamii ambao kisha huelimisha wananchi kuhusu kuzuia ugonjwa wa kifua kikuu, kupimwa kwa wakati ufaao na kutafuta huduma za matibabu.

Waiguru alisema serikali ya kaunti hiyo imekamilisha ujenzi wa kituo cha kuwatenga na kuwatibu wagonjwa wa kifua kikuu kilicho na vitanda 24 katika hospitali ya Kerugoya.

‘Kituo hicho cha kuwatenga wagonjwa wa kifua kikuu kitasaidia katika uangalizi na pia  kuwatibu wagonjwa wa kifua kikuu,”alisema Waiguru.

Kwa upande wake waziri wa afya wa kaunti hiyo Gladys Kimingi alisema wagonjwa wa kifua kikuu wamekuwa wakipokea matibabu yanayofaa licha ya kuwepo kwa janga la Covid-19.

Alitoa wito kwa wakazi wa eneo hilo walio na dalili za kifua kikuu  zinazojumuisha kukohoa kwa muda mrefu kutembelea kituo hicho ili wapimwe na pia kupokea matibabu.

Categories
Habari

COVID-19: Afisi za Kaunti ya Kirinyaga zafungwa kwa muda

Afisi za Serikali ya Kaunti ya Kirinyaga zimefungwa kwa siku 14 baada ya baadhi ya wafanyikazi kuambukizwa virusi vya Corona.

Akitangaza hatua hiyo, Gavana wa Kaunti hiyo Ann Waiguru amesema afisi hizo zitafungwa kuanzia leo ili kuwalinda wafanyikazi na maambukizi ya virusi hivyo.

Waiguru ameongeza kuwa maambukizi ya ugonjwa huo yameongezeka miongoni mwa maafisa wa serikali ya kaunti licha ya juhudi za kuudhibiti msambao huo.

Waiguru amesema ongezeko la vifo vinavyotokana na ugonjwa huo Kauntini humo pia ni swala la kufadhaisha.

Gavana hiyo pia amemuagiza Afisa Mkuu wa Afya wa serikali ya kaunti hiyo kuwafanyia upimaji wa jumla wafanyikazi wa idara zilizoathirika na kuharakisha utoaji wa matokeo ya vipimo hivyo ili kuwezesha familia za watakaopatikana na ugonjwa huo zijitenge.

Amesema juhudi za kuendelea na shughuli za serikali ya kaunti afisini huku wafanyikazi wakitangamana kwa kuzingatia masharti ya kudhibiti Korona hazijafua dafu na akatoa wito kwa wafanyakazi hao kuandaa vikao vyao ‘kidijitali.’

“Wakati wa kufanyia kazi nyumbani, maafisa wa kaunti watafanya mikakati ya kuhakikisha idara za kutoa huduma muhimu zinaendeshwa kwa kuzingatia kanuni za Wizara ya Afya za kuzuia maambukizi,” akasema Waiguru.

Amesema mawasiliano yatafanywa kwa njia ya simu au barua-pepe.

Categories
Habari

Watu watatu wafariki katika ajali ya barabara Kirinyaga

Watu watatu waliaga dunia na wengine saba wakajeruhiwa vibaya kwenye ajali iliyotokea Jumamosi baada ya lori kugonga matatu aina ya Nissan katika sehemu ya Wamumu kwenye barabara ya Embu-Mwea, kaunti ya Kirinyaga.

 

Akithibitisha kisa hicho, kamanda wa polisi huko Mwea Magharibi Aden Alio alisema matatu hiyo ilikuwa ikielekea Ngurubani kutoka Makutano nalo lori hilo lilikuwa likielekea makutano ajali hiyo ilipotokea.

 

Majeruhi walipelekwa katika hospitali ya Rose Medical Centre ambako wamelazwa.

 

Dereva wa lori hilo ambaye alitoroka baada ya ajali hiyo anasakwa.

 

Miili ya waathiriwa imepelekwa katika chumba cha hifadhi ya maiti ya hospitali ya misheni ya Mwea.

Categories
Habari

Wakazi wa Kirinyaga washauriwa kufanyiwa uchunguzi wa kila mara wa Saratani

Wakazi wa kaunti ya Kirinyaga wameshauriwa kuhimiza uchunguzi wa mara kwa mara wa ugonjwa wa saratani ili kugundua ugonjwa huo mapema na kupata matibabu kwa wakati ufaao. 

Serikali ya kaunti hiyo imesema hospitali kuu ya  kaunti huko Kerugoya ina vifaa vya kufanya uchunguzi wa aina kadhaa ukiwemo uchunguzi wa saratani ya matiti ili kufanikisha matibabu ya wagonjwa wa ugonjwa huo.

Wakati wa matembezi ya uhamasishaji kuhusu saratani ya matiti mjini Kerugoya, afisa mkuu wa afya katika kaunti ya Kirinyaga Dkt. Stanley Muriithi Nyaga aliwahimiza wakazi kuzuru kituo chochote cha afya katika kaunti hiyo ili kufanyiwa uchunguzi.

“Nawahimiza wakazi wote wa Kirinyaga kufanyiwa uchunguzi wa saratani kwani ugonjwa huo unapogunduliwa mapema unaweza tibiwa asilimia 100,” alishauri Dkt. Nyaga.

Alisema wanawake wanaokisiwa kuwa  250 katika eneo hilo wanaugua saratani na takriban asilimia 10 ya idadi hiyo hawana ufahamu kuwa wana ugonjwa huo.

Nyaga alisema serikali ya kaunti ya  Kirinyaga iko katika harakati za kujenga kituo cha kushughulikia ugonjwa wa saratani ambacho kitatoa huduma bora kwa wagonjwa wa saratani katika kaunti hiyo.

Ili kuzuia ongezeko la visa vya magonjwa yasiyoambukizwa , wakazi hao wametakiwa kuhimiza masharti ya afya ambayo yanajumuisha ulaji wa vyakula vyenye afya njema na kufanya mazoezi ya kimwili mara kwa mara.