Categories
Habari

Kijana aliyemkata kichwa nyanyake kuzuiliwa korokoroni kwa siku saba zaidi

Mshukiwa wa miaka 19 ambaye anadaiwa kumkata kichwa nyanya yake katika mtaa wa  Nyalenda kaunti ya Kisumu, atazuiliwa kwa siku saba akisubiri kukamilika kwa uchunguzi wa polisi.

Mahakama iliamua kuwa mshukiwa huyo kwa jina Kelvin Akal, anapaswa kufanyiwa uchunguzi wa kiakili kabla yake kufunguliwa mashtaka ya mauaji.

Mshukiwa huyo mwenye umri wa miaka 19 anadaiwa kumkata kichwa nyanya yake baada yao kuzozana. Baadaye alipeleka kichwa hicho katika kituo cha polisi cha Central Kisumu

Maiti ya mwanamke huyo mwenye umri wa miaka 70 ilipelekwa katika chumba cha kuhifadhi maiti cha hospitali ya  Jaramogi Oginga Odinga teaching and referral.

Mwanaume huyo ambaye anasemekana kuachiliwa maajuzi kutoka gereza moja la watoto huko  Kakamega anazuiliwa katika kituo cha polisi cha  Kisumu Central huku uchunguzi wa kubaini lengo la mauaji hayo ukiendelea.

Categories
Habari

Mwanaume ampokonya polisi bastola na kuwaua watu wawili Kisumu

Mwanamume mmoja wa umri wa makamo Ijumaa asubuhi alimpokonya bastola afisa wa polisi, na kuwaua kwa kuwapiga risasi watu wawili katika kituo cha mabasi cha Kisumu, na kuwajeruhi wengine kadhaa.Kulingana na polisi,bastola hiyo ya aina Ceska ilikuwa na risasi 14.

Kamanda wa polisi katika kaunti ya Kisumu Samuel Anampiu amesema watu hao wawili waliopigwa risasi kifuani walifariki wakipelekwa hospitali ya rufa na mafunzo ya Jaramogi Oginga Odinga.

Watu wengine wanne pia wamelazwa katika hospitali hiyo,mmoja wa akiwa katika hali mahututi.

Komanda huyo polisi amesema mwanamume huyo alikuwa na watu wengine wawili alipomshambulia polisi huyo, aliyekuwa akiyaelekeza magari katika mzunguko wa barabara wa Kisumu Boys.

Wakazi waliokuwa na ghadhabu walimuua mwanamume huyo kwa kumpiga kwa mawe.

Anampiu amesema polisi wameanzisha uchunguzi kuhusu tukio hilo na kutoa wito kwa wakazi kutoa kwa polisi habari zitakazowawezesha kuwatia nguvuni washukiwa wengine wawili ambao wametoroka.