Categories
Kimataifa

Baba Mtakatifu ataja itikadi kali kuwa ‘usaliti wa dini’

Baba mtakatifu Francis amelaani kile ametaja kuwa itikadi kali kwa kisingizio cha dini katika ziara yake ya kihistoria nchini Iraq ambapo alizungumzia shida za Wakristo walio wachache nchini humo.

Iraq imegubikwa na vurugu za kidini, sio tu dhidi ya wachache lakini pia kati ya makundi ya Waislamu wa Shia na Sunni.

Akiwa nchini Iraq,Baba mtakatifu pia alitembelea mmoja wa viongozi wa waislamu wa Shia mwenye ushawishi mkubwa.

Akihutubia mkutano wa viongozi mbali mbali wa kidini, alikashifu ghasia ambazo zimeghubika Iraq katika muda wa miaka kadhaa huku akitoa wito wa urafiki na ushirikiano miongoni mwa dini mbali mbali.

Jamii zote za kikabila na kidini zimeteseka. Haswa ningependa kutaja jamii ya Yazidi ambayo imeomboleza vifo vya wanaume wake na kushuhudia maelfu ya wanawake, wasichana na watoto wakitekwa nyara, kuuzwa kama watumwa na kupigwa,” alisema kiongozi huyo wa kanisa katoliki.

Akipokea kiongozi huyo wa dini ya katoliki duniani nyumbani kwake katika mji wa Najaf, Ayatollah Ali al-Sistani alisema Wakristo pia wanapaswa kuishi kwa amani na usalama sawa na raia wengine wa Iraq.

Mkutano huo ulikuwa na umuhimu mkubwa ikizingatiwa kwamba hiyo ndiyo ziara ya yake ya kwanza ya kimataifa tangu kuzuka kwa janga la korona ,mwaka moja uliopita.

Categories
Kimataifa

Trump aonywa dhidi ya kutumbukia mtegoni kuhusu madai ya vita kati ya Marekani na Israeli

Waziri wa mashauri ya kigeni wa Iran Mohammad Javad Zarif amemhimiza Rais wa Marekani Donald Trump asiangukie mtego kuhusu madai ya njama ya Israeli ya kuzusha vita kwa kushambulia vikosi vya Marekani nchini Iraq.

Alitoa onyo hilo wakati wa maadhimisho ya mauaji yaliyotekelezwa na Marekani nchini Iraq ya Jenerali Qassem Soleimani wa Iran kwa shambulizi la ndege isiyoendeshwa na rubani.

Israeli haikutoa maoni mara moja kuhusu madai hayo.

Marekani inawalaumu wanamgambo wanaoungwa mkono na Iran kwa mashambulizi ya mara kwa mara ya mizinga katika vituo vya Marekani nchini Iraq, ikiwa ni pamoja na shambulizi lililotekelezwa karibu na Ubalozi wa Marekani.

Ujasusi wa hivi punde kutoka Iraq unadokeza kuwa maajenti wa Israeli wanapanga njama ya kutekeleza mashambulizi dhidi ya vikosi vya Marekani ili kuchochea vita na Marekani.

Afisi ya Waziri Mkuu wa Israeli Benjamin Netanyahu na wizara ya mashauri ya kigeni ya Israeli hazijatoa maoni kuhusu madai hayo.