Categories
Uncategorised

Hamisa Mobeto na Rayvanny waachiliwa huru

Wasanii wa Tanzania Hamisa Mobeto na Rayvanny wameachiliwa huru baada ya kulala usiku mmoja katika kituo cha polisi cha Oyster bay.

Kaimu Kamanda wa Polisi katika Mkoa wa Kinondoni Japhet Kibona, alisema ni kweli wasanii hao Hamisa Mobetto na Rayvanny walikuwa wameshikwa na polisi wa kituo cha Oyster Bay lakini wameachiliwa kwa dhamana huku uchunguzi ukiendelea.

Hamisa na Vanny boy wanasemekana kuitwa na polisi wa kituo hicho jana jioni kutokana na majukumu yao kwenye sakata inayohusu mtoto kwa jina Paula Majani ambaye anajiita Paula Kajala kwenye mitandao ya kijamii.

Rayvanny alichapicha video ambazo zilimwonyesha akibusu mtoto huyo ambaye anastahili kuwa katika kidato cha tano sasa.

Ni kweli kwamba amezidi umri wa miaka 18 lakini anachukuliwa kama mali ya serikali ya muungano wa Tanzania hadi atakapotimiza umri wa miaka 21 na kukamilisha elimu ya shule ya upili.

Inasemekana kwamba polisi walivutiwa na sakata hiyo kwenye mitandao ya kijamii na ndipo wakamwita muigizaji Frida Kajala na mtoto wake Paula ambao walisindikizwa na Harmonize ambaye ni mpenzi wa Frida na baadaye Hamisa Mobeto na Rayvanny wakaitwa.

Watu wengi maarufu nchini Tanzania wamelaani kitendo cha Rayvanny cha kuvujisha video zake na Paula huku Frida Kajala naye akinyoshewa kidole cha lawama kuhusu jinsi anamlea mwanawe.

Hamisa Mobeto naye ameonywa dhidi ya kuchapisha picha na video za mtoto huyo kwenye mitandao ya kijamii.

Categories
Burudani

“Nashukuru Mungu kwa kunipa mzazi mwenza kama Zari” Diamond

Mwanamuziki wa Tanzania Diamond Platnumz au ukipenda Simba au Chibu Dangote amemsifia sana mzazi mwenza kwa jina Zari Hassan.

Akizungumza jana katika kituo cha redio cha Wasafi Fm kwenye kipindi cha ‘The Switch’, mmiliki huyo wa Wasafi Media alifichua kwamba hana uhusiano wa kimapenzi na Zari mzaliwa wa Uganda anayeishi na kufanya biashara nchini Afrika Kusini.

Diamond alikuwa amekwenda kituoni humo jana kwa ajili ya kuzindua kibao walichoshirikiana na Koffi Olomide.

Alisema wanasaidiana tu katika malezi ya wanao wawili na alikuwa amekuja kumletea watoto kwani hakuwa ameonana nao kwa muda wa miaka miwili.

“Miongoni mwa watu ama wazazi wenzangu ambao ninaweza nikawasifia, yaani nasifia katika namna tunajua namna gani ya kuishi kama wazazi ni Zari.” ndiyo baadhi ya maneno aliyasema Diamond.

Alisema pia kwamba anafarijika kuona kwamba watoto wake wana mama kama Zari na alibahatika kuzaa naye na anashukuru Mungu.

Kuhusu wanawe kulelewa na baba mwingine Diamond alisema hakuna tatizo bora aruhusiwe kutagusana na watoto wake anavyotaka.

Wanawe wakiwa nchini Tanzania, Diamond alipata fursa ya kurekodi kibao na mtoto wake wa kike Tiffah na amesema kibao chenyewe kitazinduliwa kabla ya mwisho wa mwaka.

Zari anasemekana kuwa ana mahusiano mengine ya mapenzi naye Diamond akasema bado yuko peke yake hajapata mpenzi.

Sifa alizomimina Diamond kwa Zari zinafanya wanawake wengine ambao ana watoto nao kuonekana vibaya sana. Bwana huyo ana mtoto wa kiume na mwanamitindo wa Tanzania Hamisa Mobeto na mwingine wa kiume na mwanamuziki wa Kenya Tanasha Donna.