Categories
Michezo

CHAN kuingia siku ya 4 mjini Limbe Tanzania wakifungua pazia na Zambia

Chipolopolo ya Zambia watafungua ratiba ya kundi D ya michuano ya Chan Jumanne usiku dhidi ya Taifa Stars ya Tanzania saa moja usiku katika uwanja wa Limbe Omnisport mjini Limbe Cameroon.

Tanzania wanashiriki michuano ya CHAN kwa mara ya 2 baada kushiriki kwa mara ya kwanza mwaka 2009 walipotoka sare moja ,kushinda mchuano mmoja na kupoteza mmoja.

Upande wao Chipolopolo wanacheza CHAN kwa mara ya 4 na ya 3 mtawalia baada ya kushiriki miaka ya 2016 na 2018 ambapo waliibuka wa tatu mwaka 2009 huku wakicheza hadi robo fainali mwaka 2016 na 2018.

Baadae saa nne usiku Brave Warriors ya Namibia watashuka uwanjani Limbe Omnisport dhidi ya Syli Nationale ya Guinea .

Guinea wanacheza CHAN kwa mara  ta tatu mtawalia  baada ya kukosa makala matatu ya wkanza  na waliibuka wa nne mwaka 2016 kabla ya kuyaaga mashindano katika  hatua ya makundi mwaka 2018.

Namibia wanashiriki CHAN kwa mara ya pili baada ya kubanduliwa na wenyeji Moroko katika robo fainali mwaka 2018 mabao 2-0.

Mechi 6 zimepigwa kufikia sasa  na mabao 4 kufungwa  nazo  mechi mbili kuishia sare tasa.

Mechi za mzunguko wa pili hatua ya makundi kuanza Jumatano ambapo watakaosonga mbele na wale watakaoanza kufunganya virago wakianza kubainika.

 

Categories
Michezo

David Owino Calabar aibwaga manyanga ya Zesco United

Klabu ya Zesco United imemruhusu Difenda wa Kenya  David Owino Odhiambo almaaarufu Calabar,kuondoka baada ya kutamatisha kandarasi yake  ya sasa inayokamilika disemba 31 mwaka 2020.

Kulingana na taarifa iliyochapishwa kwenye tovuti ya Zesco ,klabu hiyo imempongeza beki huyo kwa huduma zake katika kipindi cha miaka 6 akiwa  nao ambapo ameshinda mataji matano ya ligi kuu Zambia mataji matatu ya kombe la Absa na mataji mawili ya ngao ya jamii .

Calabar aliye na umri wa miaka 33  alijiunga na Zesco akitokea Gor Mahia  huku afisa mkuu mtendaji wa Zesco  Richard Mulenga akimpongeza kwa kujitolea na kujituma.

“kwa niaba ya klabu ya soka ya Zesco ,ningependa kuchukua fursa hii kumshukuru Odhiambo kwa kujitolea kwake .                              Kamwe hatutamsahau na mchango wake kwa ufanisi wa timu”akasema Mulenga

Odhimbo alikuwa  mchezaji wa kwanza wa soka kutoka Kenya  kucheza soka ya kulipwa nchini Zambia na pia alikuwa katika kikosi cha Harambee Stars kilichoshiriki michuano ya Afcon mwaka jana nchini Misri.

Wanandinga wengine wa Kenya wanaosakata soka ya kulipwa nchini Zambia ni Jesse Were, John Mark Makwata na Ian Otieno walio Zesco united ,Haron Shakava aliye Nkana Fc  ,na Musa Mohammed aliye Lusaka Dynamos Fc.

 

Categories
Michezo

Mashabiki kurejea uwanjani ligi kuu Zambia

Wasimamizi wa ligi kuu nchini Zambia wameweka mipango ya kuwaruhusu mashabiki kurejea uwanjani kuhudhuria mechi za ligi kuu iliyoanza  mwishoni mwa mwezi uliopita.

Kulingana na chama cha soka nchini Zambia FAZ  serikali tayari imeruhusu mashabiki kurejea viwanjani kushuhudia michuano ya ligi kuu, hii ikiwa afueni kubwa haswa baada ya ligi kusimamishwa  mapema mwaka huu kutokana na ugonjwa wa Covid 19 .

Ligi kuu ya Zambia itaingia mechi za mzunguko  tano wikendi hii huku Forest Rangers wakiongoza jedwali kwa pointi 8 sawa na Buildcon Fc.

Wachezaji wengi wa humu nchini wanasakata soka la kulipwa katika ligi kuu ya Zambia wakiwemo Duncan Otieno,Jessse Were,John Makwata ,Musa Mohammed ,Duke Abuya na Harun Shakava miongoni mwa wengine .

Categories
Michezo

Ligi kuu ya Zambia kuanza wikendi hii

Katibu mkuu wa chama cha soka nchini Zambia  FAZ   Adrian Kasahala ametangaza kuwa msimu mpya wa mwaka 2020/2021 wa ligi kuu ya Zambia utang’oa nanga Jumamosi hii Oktoba 31 baada kupata idhini kutoka kwa baraza kuu.

Kwa mjibu wa Kasahala timu zote zitahitajika kuzingatia itifaki dhidi ya ugonjwa wa Covid 19.

Kulingana na ratiba ya wikendi hii Power Dynamos wataanza nyumbani dhidi ya Young Green Eagles,Kitwe United iwaalike Prison Leopards wakati Buildcon wakianza nyumbani dhidi ya Lusaka Dynamos.

Katika mechi nyingine za kufungua msimu Green Buffaloes watamenyana na Red Arrows,Napsa waliotwaa ubingwa wa ligi hiyo waikabili Zesco United nao Zanaco wamenyane na Indeni wakati Nkana wakiwa ziarani dhidi ya Forest.

Wachezaji kadhaa wa Kenya wanapiga soka ya kulipwa  katika ligi kuu ya Zambia wakiwemo David ‘Calabar’ Owino ,Jesse Were, Anthony Akumu wote wa Zesco United, Musa Mohammed , Harun Shakava wa Nkana FC, Ian Otieno , Duncan Otieno wa Nkana FC, Victor Majid wa Mufulira Wanderers na

 

Categories
Michezo

Kenya yaiduwaza Zambia mechi ya kirafiki Nyayo

Timu ya taifa Harambee Stars ilisajili ushindi wa mabao 2-1 dhidi ya Zambia Chipolopolo katika mechi ya kirafiki iliyochezwa katika uwanja wa Taifa wa Nyayo Ijumaa alasiri.

Wenyeji Kenya walifunga bao la kwanza katika dakika ya  21 baada ya Zambia kujifunga,kupitia kwa beki Tandi Mwape,naye kiungo Cliff Nyakeya anayepiga soka ya kulipwa nchini Misri akaongeza la pili  na la kwanza kwake kwa Kenya  kunako dakika ya 27 ,alipounganisha krosi yake Keneth Muguna, huku Watoto wa nyumbani wakiongoza 2-0 kufikia mapumziko.

Kenya walirejea kipindi cha pili wakinyong’onyea huku Zambia wakionyesha mchezo wa hali ya juu ndiposa  kiungo Kelvin Kampamba akakomboa bao moja katika dakika ya 81 .

Wachezaji wa Harambee Stars wakisherehekea bao la pili lililofungwa na Kiungo Cliff Nyakeya

Hata hivyo palizuka utata baada ya Zambia kufunga bao la kusawazisha lakini likakataliwa na mwamuzi wa mechi kwa kusemakana kutovuka mstari wa langoni.

Timu zote mbili zilitumia pambano hilo la kujinoa kwa mechi ya kufuzu kwenda kombe la Afcon huku Kenya wakiwa na kibarua dhidi ya Comoros katika mechi 2  za mwezi ujao ,nyumbani na ugenini mtawalia .

Zambia kwa upande wao wanajiandaa kukabiliana na Botswana pia mwezi ujao kuwania tiketi kufuzu kwa kombe la Afcon .

Chipolopolo wataondoka nchini kesho kuelekea Afrika Kusini ambapo watapiga mechi ya kirafiki kesho kutwa.

Categories
Michezo

Kikosi cha Zambia kiliwasili Nairobi Alhamisi usiku

Kikosi cha timu ya taifa ya Zambia almaarufu Chipolopolo kilitua Jijini Nairobi usiku wa Alhamisi tayari kukabiliana na wenyeji Harambee Stars katika pambano la kujinoa makali katika uwanja wa taifa wa Nyayo Ijumaa hii kuanzia saa kumi alasiri.     

Chipolopolo wanaofunzwa na mwalimmu  Milutin ‘Micho’ Sredojevic’s wanajumuisha wachezaji 6 wanaopiga soka ya kulipwa waliokosa mechi ya kwanza ya kirafiki nyumbani Jumatano wiki hii wakati Zambia  iliwacharaza Malawi bao 1-0.

Ujumbe wa Zambia ulipotua katika angatua ya Jomo Kenyatta

Wachezaji wa kulipwa waliowasili ni pamoja Fashion Sakala anayepiga soka ya kulipwa KV Oostende nchini Ubelgiji , Lubambo Musonda wa Slask Wraclow-nchini Poland, Evans Kangwa na  Kings Kangwa wote kutoka Arsenal Tula-ya Urusi, Edward Chilufya wa Djurgradens ya Sweeden na  Gamphani Lungu wa SuperSport United ya Afrika Kusini.

Kikosi cha Zambia kililakiwa katika uwanja wa ndege wa Jomo Kenyatta na balozi wa Zambia nchini Kenya Kapambwe Nduna na maafisa wengine wa Zambia.

Kikosi cha Zambia kilichowasili Nairobi ni kama kifuatavyo:-

Makipa

Jackson Kakunta (Power Dynamos), Sebastian Mwange (Green Eagles), Lameck Siame (Kabwe Warriors)

Mabeki

Kabaso Chongo, Tandi Mwape (both TP Mazembe), Zachariah Chilongoshi, Kondwani Chiboni (both Power Dynamos), Luka Banda (Napsa Stars), Dominic Chanda (Kabwe Warriors), Benedict Chepeshi (Red Arrows)

viungo

Kings Kangwa (Arsenal Tula (Russia), Benson Sakala, Godfrey Ngwenya (Power Dynamos), Leonard Mulenga (Green Buffaloes), Kelvin Kapumbu (Zanaco), Amity Shamende, Gozon Mutale (both Green Eagles), Edward Chilufya (Djurgardens IF-Sweden), Lubambo Musonda (Slask Wroclaw-Poland), Kelvin Kampamba, Bruce Musakanya (both Zesco United), Chaniza Zulu (Lumwana Radiants), Collins Sikombe (Napsa Stars)

washambulizi

Evans Kangwa (Arsenal Tula-Russia), Fashion Sakala (K.O Oostende-Belgium), Gamphani Lungu (SuperSport United-RSA), Emmanuel Chabula (Nkwazi), Akakulubelwa Mwachiaba (Kabwe Warriors)

Categories
Michezo

Zambia kuwasili Alhamisi kwa mechi dhidi ya Kenya

Mabingwa wa Afrika mwaka  2012 Zambia maarufu kama Chipolopolo wanatarajiwa kuwasili nchini Alhamisi tayari kwa pambano la kirafiki dhidi ya wenyeji Harambee Stars Ijumaa hii Oktoba 9 katika uwanja wa Taifa wa Nyayo.

Zambia sawa na Kenya itakosa huduma za wachezaji wengi wa kulipwa waliobanwa kusafiri kutokana na masharti makali ya ugonjwa wa Covid 19 na watacheza pambano la Ijumaa jioni na kisha kuabiri ndege hadi Afrika Kusini waliporatibiwa kupiga mchuano wa tatu wa kujinoa makali dhidi ya Bafanabafana Jumapili jioni.

Mkufunzi wa Zambia  Milutin ‘Micho’ Sredojevic aanatarajiwa kwuatumia wachezaji wengi wa nyumbani katika mechi hizo za kirafiki huku wakijiandaa kukabiliana na Botswana katika mechi mbili za kundi H mwezi ujao kufuzu kwa Kombe la Afcon mwaka ujao dhidi ya Botswana.

 

 

Categories
Michezo

Mechi ya Harambee Stars dhidi ya Zambia kuendelea ilivyoratibiwa

Harambee Stars imeruhusiwa kuendelea mbele na matayarisho kwa mchuano wa kujipima nguvu dhidi ya Chipolopolo kutoka Zambia Ijumaa hii.

Akitoa hotuba yake jumatatu jioni ,katibu mwandamizi katika wizara ya afya Dr Rashid Aman amesema kuwa wameafikiana na wizara ya michezo kuwaruhusu wachezaji wa Harambee Stars kuendelea  mbele na maandailizi kwa mchuano huo utakaosakatwa katika uwanja wa taifa wa Nyayo.

Pambano la Ijumaa litakuwa la kwanza kwa Harambee Stars mwaka ingawa wachezaji na maafisa wa timu hiyo watalazimika kuzingatia masharti ya serikali kuhusu ugonjwa wa Covid 19.

Awali mapema Jumatatu wachezaji na maafisa wa Harambee stars walizuiwa kuingia uwanjani Kasarani kuanza mazoezi kufuatia agizo la serikali la kutoruhusu mchezo wa soka kurejelewa.

Stars itakosa huduma za wachezaji wa kulipwa wakiwemo Ayum Timbe Masika,Victor Wanyama,Arnold Origi an mshambulizi Michael Olunga waliozuiwa kusafiri kutokana na masharti makali ya usafiri kwa mataifa wanayopiga soka .

Kwa upande wao Zambia wanaofunzwa na kocha Milutin Sredejovic pia watokosa wachzaji Patson Daka na  Erick Mwepu wanaosakata soka ya kulipwa katika kilabu cha Red Bull Salzburg nchini Austria .