Categories
Habari

KRA yaboresha mfumo wake wa ukusanyaji ushuru

Halmashauri ya ukusanyaji ushuru nchini, imezindua kampeni ya kuimarisha ulipaji ushuru kwa kuzindua mpango wa ulipaji ushuru kwa hiari-VTDP.

Mpango huo unatoa jukwaa kwa mlipa ushuru kufichua ushuru ambao hajalipa na ambao hapo awali haukuwa umefahamishwa kamishna wa ushuru kwa minajili ya kupunguziwa adhabu na riba ya ushuru huo.

Mpango huu unadhamiriwa kuimarisha ulipaji ushuru kupitia uzingativu wa zoezi hilo.

Akiongea jijini Nairobi baada ya uzinduzi wa mpango huo, kamishna wa halmashauri ya KRA wa ulipaji ushuru wa humu nchini, Rispah Simiyu, aliwahimiza walipaji ushuru kutumia vyema fursa ya kuzinduliwa mpango huo.

Alisema mara ufichuzi kamili wa ushuru ambao haujalipwa utafanywa na ushuru usio na riba kulipwa, walipa ushuru kama hao watafurahia kuondolewa riba na adhabu za ushuru ambao ulikuwa haujalipwa.

Alisema serikali kupitia halmashauri ya KRA imeanzisha mikakati kabambe za kuimarisha ukusanyaji ushuru na kukabilaiana na athari za janga la COVID-19.

Categories
Habari

Watu 277 zaidi waambukizwa Covid-19 hapa nchini

Watu wanane zaidi wamefariki kutokana na makali ya virusi vya Covid-19 hapa nchini katika muda wa saa 24 zilizopita na kufikisha idadi jumla ya maafa kutokana na virusi hivyo humu nchini kuwa1,847.

Hayo yanajiri huku watu wengine 277 wakiambukizwa Covid-19 hapa nchini baada ya kupimwa kwa sampuli 4,599 katika muda wa saa 24 zilizopita.

Idadi jumla ya visa vilivyothibitishwa vya covid-19 hapa nchini tangu mwezi Machi mwaka jana ni 105,057 kutoka kwa idadi jumla ya sampuli 1,282,799 zilizofanyiwa uchunguzi.

Kati ya visa hivyo vipya 277 vilivyonakiliwa, 221 ni raia wa Kenya huku 56 wakiwa raia wa kigeni. Watu 173 ni wa kiume nao 104 wakiwa wa kike huku mchanga zaidi akiwa mtoto wa umri wa miaka mitatu na mkongwe zaidi akiwa na umri wa miaka 89.

Wagonjwa 336 wamelazwa katika vituo mbali mbali vya afya kote nchini huku wengine 1,397 wakiuguzwa nyumbani.

Wagonjwa 61 wamelazwa katika chumba cha wagonjwa mahututi ICU, 25 kati yao wakitumia vipumulio na 27 wakipokea hewa ya ziada ya oxygen nao wagonjwa 9 wangali wanachunguzwa.

Hata hivyo wagonjwa 119 wamepona virusi hivyo vya Corona, 79 kutoka mpango wa utunzi wa wagonjwa nyumbani na 40 waliruhusiwa kuondoka katika vituo mbali mbali vya afya. Idadi jumla ya walipona ugonjwa wa Covid-19 hapan nchini sasa ni 86,497.

Kaunti ya Nairobi ingali inaongoza katika visa vipya huku ikinakili visa 194. Nakuru ilifuata kwa visa 18, Kiambu 17,Mombasa 11, Laikipia 8, Kajiado 7, Machakos 6 na Uasin Gishu visa 5.

Kaunti ya Siaya na Makueni zilinakili visa 2 kila kaunti huku Meru, Nandi, Narok, Nyandarua, Nyeri, Taita Taveta na Kisumu zikinakili kisa kimoja kila kaunti.

Categories
Habari

Wizara ya afya yaitisha shilingi bilioni 1.4 kuboresha uhifadhi wa chanjo ya covid-19

Wizara ya Afya imeomba Shilingi bilioni 1.4 kutoka Wizara ya Fedha kupanua vituo vya kuhifadhi chanjo kote nchini na kununua vifurushi ambavyo vinaweza kuhifadhi chanjo hizo katika kiwango cha nyuzi kinachokubalika.

Mkuu wa jopo la kusambaza chanjo za kukabiliana na maradhi ya Covid-19 Willis Akhwale, alisema vituo vinavyopatikana vinaweza kuhifadhi chanjo hizo kwa kiwango cha nyuzi kinachokubalika na pia kuhifadhi hadi chanjo milioni 20.

Akihutubia mkutano ulioandaliwa kwa njia ya mtandao na Chama cha Madaktari nchini, Dkt Akhwale alisema vifaa vyenye uwezo wa kudumisha kiwango cha joto kinachokubalika vinapatikana katika Taasisi ya Utafiti wa Matibabu Nchini (KEMRI) na vituo vingine vichache.

Aliongeza kuwa wizara inachukua tahadhari za kutochafua chanjo hizo.

Akhwale alisema ingawa Kenya imeagiza chanjo aina ya AstraZeneca-Oxford, bado inaweza kununua chanjo ya Pfizer, mara tu itakapopatikana na nafasi ya kuihifadhi kuwepo.

Akhwale alisema mpango huo utagharimu shilingi bilioni 34, ili kuchanja asilimia 30 ya idadi ya watu nchini kuanzia mwezi Machi mwaka huu hadi Juni 2023

Categories
Habari

Wizara ya Afya yatangaza visa vyengine 280 vya COVID-19 na vifo vya wagonjwa wawili

Kenya imenakili kiwango cha maambukizi cha zaidi ya asilimia tano baada ya visa 280 vipya vya maambukizi ya ugonjwa wa COVID-19 kuthibitishwa kutoka kwa sampuli 4,919 zilizopimwa.

Visa hivyo vipya vimetokana na Wakenya 221 na raia 59 wa nchi za kigeni ambapo 173 ni wanaume na 107 ni wanawake, kati ya umri wa miaka mitatu hadi 89.

Jumla ya visa vilivyothibitishwa humu nchini sasa ni 104,780 na vimetokana na upimaji wa jumla ya sampuli 1,278,200.

Watu 713 wamepona kikamilifu, idadi hiyo ikiwa ndiyo kubwa zaidi ya watu waliopona kunakiliwa katika siku za hivi majuzi.

Wagonjwa 676 wamepona walipokuwa wakitibiwa nyumbani na 37 wakaruhusiwa kuondoka kutoka vituo vya afya. Jumla ya watu waliopona sasa imefikia 86,378.

Idadi ya watu waliofariki imefikia

1,839 baada ya wagonjwa wawili zaidi kufariki kutokana na ugonjwa huo.

Kwa sasa wagonjwa

1,495 wanashughulikiwa nyumbani huku 344 wakiwa wamelazwa hospitalini ambapo 55 wako katika kitengo cha wagonjwa mahututi.

Categories
Kimataifa

Uganda yakana madai kwamba viongozi wakuu serikalini wamechanjwa kisiri dhidi ya COVID-19

Waziri wa Afya nchini Uganda Jane Aceng amekanusha taarifa kwamba viongozi wa juu wa serikali wamepata chanjo dhidi ya COVID-19 hata kabla ya taifa hilo kupokea rasmi chanjo hizo.

Kwenye ujumbe wa Twitter, Aceng amesema rais na wandani wake wa karibu hawajapokea chanjo hizo jinsi ilivyodaiwa.

Uganda inatarajiwa kupokea dozi laki moja za chanjo kutoka kampuni ya India, AstraZeneca na nyingine 300,000 kutoka kampuni ya Sinopharm ya Uchina.

Hata hivyo, haijathibitishwa ikiwa chanjo hizo zimewasili katika taifa hilo ambalo kufikia sasa limethibitisha visa 40,221 vya COVID-19.

Kumekuwa na mgogoro katika usambazaji wa chanjo hizo duniani, huku Rais wa Rwanda Paul Kagame akikerwa na unafiki na hujuma kwenye usambazaji wa chanjo hizo hasa kwa mataifa yenye kipato cha chini.

Rais Kagame alisema hayo kwenye ujumbe wake baada ya Mkurugenzi Mkuu wa Shirika la Afya Duniani (WHO) Tedros Adhanom Ghebreyesus kusema kuwa makubaliano kati ya nchi tajiri na watengenezaji wa chanjo hizo yametatiza ununuzi na usambazaji wa chanjo hizo kupitia mpango wa Covax.

Mpango wa Covax unanuia kuhakikisha usawa katika usambazaji wa chanjo dhidi ya COVID-19 miongoni mwa mataifa yote duniani.

Mnamo mwezi Disemba, vuguvugu la People’s Vaccine Alliance lilionya kwamba asilimia 70 ya mataifa ya kipato cha chini yataweza kutoa chanjo kwa asilimia kumi pekee ya raia wake.

Lilitoa wito kwa kampuni zinazotengeneza chanjo hizo kutoa habari kuhusu teknolojia inayotumika ili kurahisisha utengenezaji na kuwawezesha watu wengi zaidi kupata chanjo hizo.

Categories
Habari

Watu 10 wafariki hapa nchini kutokana na Covid-19

Wagonjwa kumi wamefariki kutokana na virusi vya Covid-19 katika muda wa saa 24 zilizopita na kufikisha idadi jumla ya waliofariki kutokana na virusi hivyo hapa nchini kuwa watu 1,837. 

Hata hivyo idadi jumla ya waliopata nafuu baada ya kupona covid-19 sasa ni watu 85,665 baada ya wagonjwa 39 kupona. Katika muda wa saa 24 zilizopita.

Wagonjwa 36 waliruhusiwa kuondoka katika hospitali mbalimbali nchini huku watatu wakipona kutoka mpango wa kuwatunza wagonjwa nyumbani.

Haya yanajiri huku nchi hii likinakili visa vipya 194 vya virusi hivyo baada ya kupimwa kwa sampuli 3,935 katika muda wa saa 24 zilizopita

Haya ni kwa mujibu wa taarifa kutoka wizara ya afya kuhusu hali ya virusi vya corona nchini.

Idadi jumla ya visa vya maambukizi vilivyodhibitishwa nchini kufikia sasa ni watu 104,500. 

Katika visa vilivyodhibitishwa, watu 146 ni raia wa Kenya huku 48 wakiwa raia wa kigeni. Wagonjwa 108 ni wanaume huku 86 wakiwa wanawake.

Mgonjwa mchanga zaidi alikuwa na umri wa miaka sita huku mkongwe zaidi akiwa na umri wa miaka 95. 

Kaunti ya Nairobi ingali inaongoza kwa visa 32 ikifuatwa na kaunti ya Kiambu kwa visa tisa.

Kaunti ya Meru ilikuwa na visa saba huku Kisumu na Kilifi zikiandikisha visa sita kilamoja.

Kaunti ya Laikipia ilinakili visa vitano huku kaunti ya Mombasa na Kajiado zikinakili visa vinne kila moja.

Kaunti za Nakuru, Turkana, Uasin Gishu na Machakos zilikuwa na visa vitatu kila moja.

Wagonjwa 565 wamelazwa katika vyumba vya wagonjwa mahututi. Wagonjwa sita wanafanyiwa uchunguzi.

Categories
Habari

COVID-19: Visa vingine 105 vyathibitishwa Kenya, wagonjwa 4 wafariki

Wizara ya Afya imetangaza visa vipya 105 vya maambukizi ya COVID-19 vilivyotokana na upimaji wa sampuli 3,573 katika muda was aa 24 zilizopita.

Visa 88 ni vya Wakenya na 17 ni vya raia wa kigeni. Kijinsia, 72 walikuwa wanaume huku 33 wakiwa wanawake, wote wakiwa na umri wa kati ya miaka 11 na 82.

Jumla ya visa vya maambukizi ya virusi vya korona humu nchini imefikia 104,306 kutokana na jumla ya sampuli 1,269,346. zilizopimwa tangu mwezi Machi mwaka uliopita.

Visa hivyo vimenakiliwa katika kaunti mbali mbali kama ifuatavyo:  Nairobi 68, Kiambu 12, Laikipia 5, Kajiado 4, Mombasa 3, Machakos 3, Nakuru 2, Nyeri 2, Uasin Gishu 2, Kericho 1, Kisumu 1, Kwale 1 and Mandera 1.

Kulingana na taarifa ya Wizara ya Afya, wagonjwa 49 wamethibitishwa kupona, 34 kutoka mpango wa kutunzwa nyumbani na 15 kutoka vituo vya afya, hivyo kufikisha jumla ya waliopona hadi 85,626.

Hata hivyo, wagonjwa wanne wamefariki kutokana na COVID-19 na kuongeza idadi ya maafa humu nchini hadi kufikia 1,827.

Taarifa hiyo pia imefichua kwamba jumla ya wagonjwa 333 wa COVID-19 wanazuiliwa katika vituo mbali mbali vya afya humu nchini na wengine 1,281 wanatunzwa nyumbani.

Waziri wa Afya Mutahi Kagwe aidha amesema wagonjwa 51 kati ya walio hospitalini wako kwenye vitengo vya wagonjwa mahututi, 23 kati yao wakiwa kwenye mashine za kusaidia kupumua na 24 wakiwa wanapokea hewa ya ziada ya oksijeni.

Categories
Habari

Visa 208 vipya vya Covid-19 vyanakiliwa hapa nchini

Watu 208 wamepatikana na maambukizi ya ugonjwa wa korona humu nchini kutoka sambuli 3,415 zilizofanyiwa uchunguzi chini ya saa 24 iliopita .

Kwenye taarifa, waziri wa afya Mutahi Kagwe amesema wale waliopatikana na ugonjwa huo ni wakenya 173 na raia 35 wa kigeni.

Waziri huyo amesema jumla ya visa vya maambukizi hayo hapa nchini sasa ni 104,201.

Waziri huyo alisema sampuli zilizofanyiwa uchunguzi kufikia sasa ni ya jumla ya watu 1,265,773.

Nairobi inaendelea kuongoza kwa visa 128 , Kiambu 27, Mombasa 14, Nakuru 6, Machakos, Kajiado 4, Laikipia na Meru visa 4 kila moja.

Kaunti ya Uasin Gishu iliandikisha visa 3 huku  Busia, Garissa, Kisii, na Kwale zikiwa na visa 2 kila moja.

Embu, Murang’a, Homa Bay, Kilifi, Kirinyaga, na Bungoma nazo zikarekodi kisa kimoja kila kaunti.

Wagonjwa 37 wamepona kutokana na ugonjwa huo, 35 wakitoka katika vituo mbali mbali vya afya na 2 wakipona baada ya kupokea matibabu wakiwa nyumbani.

Idadi jumla ya waliopona kutokana na ugonjwa huo hadi sasa  ni 85,577.

Hata hivyo  taifa hili liliwapoteza wagonjwa sita kutokana na ugonjwa wa COVID-19.

Idadi hiyo inafikisha 1,823 waliofariki kutokana na ugonjwa huo hapa nchini.

Wagonjwa 328 kwa wakati huu wanapokea matibabu katika vituo mbali mbali vya afya huku 1,160 wakipokea huduma za matibabu wakiwa nyumbani.

Categories
Habari

Watu 152 zaidi waambukizwa Covid-19 hapa nchini

Watu 152 wamepatikana na maambukizi ya ugonjwa wa Covid-19 hapa nchini kutoka kwa  sambuli 3,734 zilizofanyiwa uchunguzi katika muda wa saa 24 ziliopita.

Idadi jumla ya maambukizi ya corona humu nchini sasa imefika 103,993 huku Idadi jumla ya sampuli zilizopimwa humu nchini tangu mwezi Machi mwaka jana ikiwa  1,262,358.

Kati ya visa hivyo vipya, 139 ni wakenya, huku 15 wakiwa raia wa kigeni huku 104 wakiwa wa kiume na 48 wakiwa wa like.

Hata hivyo, wagonjwa 28 wamepona kutokana na ugonjwa huo, na kuruhusiwa kwenda nyumbani kutoka hospitali mbali mbali nchini.

Idadi jumla ya waliopona humu nchini kutokana na covid-19 sasa ni  85,540.

Wagonjwa wanne wamefariki kutokana na ugonjwa huo wa COVID-19 na kuongeza idadi ya jumla ya waliofariki hadi 1,817.

Kulingana na wizara ya afya, wagonjwa 47 wamelazwa katika chumba mahututi ICU,18 wanatumia vipumulii na 24 wanatumia hewa ya oxygen ya ziada huku wagonjwa wawili wakifanyiwa uchunguzi.

Kaunti ya Nairobi imerekodi visa vipya 105 vya maambukizi , Nakuru na Mombasa 8 visa vinane kila moja , Kiambu na Uasin Gishu visa 7 kila moja huku Machakos na Taita Taveta zikirekodi visa 3 vya maambukizi hayo.

Kajiado, Nyeri, na Kisumu zina visa 2. Makueni, Meru, Murang’a, Nandi, na Kakamega zilirekodi kisa kimoja kila moja

Categories
Habari

Kaunti tano zachunguzwa kwa ufujaji wa fedha za kukabiliana na Covid-19

Tume ya kukabiliana na ufisadi nchini inazichunguza kaunti tano kuhusiana na matumizi ya mamilioni ya pesa kwenye juhudi za kukabiliana na janga la COVID 19.

Tume hiyo imesema inachuguza jinsi zabuni zilivyotolewa na uajiri wa wafanyakazi wakati wa kipindi cha janga la COVID 19.

Tayari,mkaguzi mkuu wa matumizi ya pesa za umma ametaja baadhi ya kaunty ambazo zimetumia vibaya mamilioni ya pesa za unuuzi wa dawa na vifaa vya kujikinga dhidi ya maambukizi.

Kulingana na afisa mkuu mtendaji wa tume ya EACC Twalib Mbarak, uchunguzi wa mwanzo unaonyesha kwamba zabuni hizo zilitolewa bila kuzingatia utaratibu uliowekwa, jambo lililosababisha matumizi mabaya ya pesa za umma.

Hata hivyo, Mbarak hakuwataja magavana wanaochunguzwa lakini alisema uchunguzi huo uko karibu kukamilishwa.

Alikuwa akiongea wakati wa kufungwa kwa mkutano wa maafisa wakuu wa jeshi ulioandaliwa Naivasha.