Categories
Michezo

Simba wa Atlas wahifadhi kombe la CHAN baada ya kuwazima Mali

Atlas lions ya Moroko ilifanikiwa kuhifadhi kombe la bara Afrika kwa wachezaji wanaosakata soka katika ligi za Nyumbani maaru kama CHAN baada ya kuwagaragaza Mali mabao 2-0 katika fainali iliyopigwa Jumapili usiku katika uwanja wa Ahmadou Ahidjo mjini Yaounde Cameroon.

Fainli hiyo ilisimamiwa na refarii wa Kenya Dkt Peter Waweru ambaye ni mhadhiri  katika chuo kikuu cha JKUAT akisaidiwa na mwenzake Gilbert Cheruiyot huku pia akiandikisha historia kuwa Mkenya.

Baada ya kipindi cha kwanza kumalizikia sare tasa kipindi cha pili timu zote zilirejea kwa lengo la kusaka magoli lakini kipa Anas Zniti wa Moroko alikuwa ange na kuzima mashambulizi yote ya Mali.

Soufiane Bouftini aliwaweka Moroko uongozini kwa bao la dakika ya 69 akiunganisha mkwaju wa kona naye Ayoub El Kaabi akaongeza la pili dakika ya 79.

Moroko waliokuwa wamenyakua kombe hilo kwa mara ya kwanza mwaka 2018 wakiwa wenyeji, ndiyo timu ya kwanza kuhifadhi kombe hilo huku ikiwa mara ya pili kwa Mali kupoteza katika fainali baada ya kushindwa na DR Congo mwaka 2016 nchini Rwanda.

Soufiane Rahimi wa Moroko aliibuka mfungaji bora kwa mabao 5,lakini Yakoub El Kaabi  pia kutoka Moroko akaweka rekodi ya kuwa mfungaji bora tangu kuanza kwa mashindano ya CHAN  mwaka 2009 akifunga mabao 12 kwa jumla.

Rahimi pia alituzwa kuwa mchezaji bora wa michuano ya mwaka huu nchini Moroko .

Makala ya mwaka 2022 ya CHAN  yataandaliwa nchini Algeria.

Categories
Michezo

Moroko walenga kuhifadhi kombe la CHAN

Moroko inadhamiria kuwa timu ya kwnaza kihifadhi kombe la CHAN  itakaposhuka uwanjani  Ahmadou Ahidjo  mjini Yaounde kwenye  fainali ya makala ya 6 ya kombe hilo dhidi ya Mali.

Timu zote zinajivunia kutopoteza mechi tangu kuaza kwa kinyang’anyoro hicho  wakati Mali wakiwinda kombe la kwanza nao Moroko wakisaka kombe la pili baada ya kutwaa ubingwa mwaka 2018.

Moroko wamekuwa wakitisha tangu mechi ya mwisho ya kundi lao  ikiwemo kuwacharaza Uganda mabao 5-2,kuilima  Cameroon mabao 4-0 katika nusu fainali wakati Mali wakishinda kupitia penati katika robo na nusu fainali.

Mchuano huo utasimamiwa n refarii wa Kenya Dkt Peter Waweru ikiwa fainali ya kwanza ya kombe hilo kusimamia ,na mchuano wa tatu kwenye mashindano ya CHAN mwaka huu.

Waweru atasaidiwa na Mkenya mwenza Gilbert Cheruiyot.

Categories
Michezo

Sogora wawili watakaomenyana fainali ya CHAN kubainika Jumatano Cameroon

Mataifa mawili yatakayopambana katika fainali ya makala ya 6 ya michuano ya CHAN nchini Cameroon  yatabainika Jumatano usiku wakati nusu fainali.

Nusu fainali ya kwanza itang’oa nanga saa kumi na mbili jioni ikiwa debi ya Afrika Magharibi kati ya Guinea  maarufu kama Syli Nationale na Mali  ukipenda Eagles  katika uwanja wa Japoma mjini Doula  Cameroon.

Timu zote mbili zitakuwa zikipiga nusu fainali ya CHAN kwa mara ya pili na sadfa kubwa ni kwamba ilikuwa kwenye makala ya mwaka 2016 nchini Rwanda ,Guinea wakipoteza kwa DR Congo  nao Mali wakamaliza nafasi ya pili baada ya kushindwa na DR Congo.

Kocha wa Mali  Nouhoum Diane amesema atajaribu kila mbinu kuhakisha timu yake imetinga fainali ya Jumapili.

“Tunataka kucheza fainali ya Jumapili kwa kila hali,tutafanya kila tuwezalo kufika hapo”akasema Diane

Kwa upande wake, kocha wa Guinea Mohammed Bangoura amesema itahitaji ufundi wa hali ya juu na wachezaji kufuata maagizo,kucheza dhidi ya Mali tunahitaji  ujasiri  wa mkubwa ” akasema Bnagoura

Nusu fainali ya pili itasakatwa saa nne usiku baina ya Simba wa Atlas kutoka Moroko ambao ni mabingwa watetezi  dhidi ya Indomitable Lions ya Cameroon katika uwanja wa Limbe Omnisports.

Moroko wanalenga kuwa timu ya kwanza kuhifadhi kombe hilo  huku wakijivunia mfungaji hodari Soufiane Rahimi wakati Cameroon wanaochez nusu fainali kwa mara ya kwanza wakijipiga kifua kwa kuwa na wachezaji wengi wenye tajriba na Salomon Banga .

Washindi wa leo  wataweka miadi ya kujuliana hali katika fainali ya Jumapili mjini Yaounde huku watakaopoteza wakikumbana katika mechi ya kusaka nafasi ya tatu na nne Jumamosi usiku.

Hadi sasa mechi 28 zimechezwa tangu kuanza kwa dimba hilo huku magoli 54 yakifungwa.

 

 

Categories
Michezo

Simba wa Moroko kukabana koo na simba wa Cameroon semi faini CHAN

Mabingwa watetezi Atlas Lions ya Moroko waliweka miadi ya kupimana ubabe na wenyeji Indomitable Lions ya Cameroon katika nusu  fainali ya kombe la CHAN  baada ya kuwalima Zambia mabao 3-1 katika kwota fainali uwanjani Reunification mjini Doula.

Sofiane Rahimi alipachika bao la dakika ya 1  dhidi ya Chipolopolo ya Zambia  kwenye robo fainali hiyo ya Jumapili likiwa pia bao la mapema zaidi katika historia  ya michuano hiyo .

Mohammed Bermamar aliongeza bao la  pili kwa Moroko dakika ya 8 ya mchezo huku Ayoub El kaabi  akipachika bao la 3 dakika ya 39 kupitia mkwaju wa penati baada ya Paul Katema  wa Zambia kuunawa mpira.

Zacharia Chilongoshi wa Zambia  alikuwa mchezaji wa kwanza kupigwa kadi nyekundu kwa mchezo wa rafu.

Moroko walibadilisha mchezo kipindi cha pili wakicheza na kuanza kumiliki mpira lakini Zambia wakapata bao la kufutia machozi dakika ya  79 kupitia kwa Moses Phiri .

Moroko sasa watashuka uwanjani Limbe Jumatano kucheza na wenyeji Cameroon kwa nafasi ya fainali ya Jumapili mjini Younde.

Categories
Michezo

Guinea waipiga kumbo Rwanda na kutinga nusu fainali CHAN

Guinea walihitaji bao la mkwaju  wa adhabu wa dakika ya 60 kupitia kwa Morlaye Sila kuwashinda Rwanda 1-0 na kufuzu kwa nusu  fainali kwa ya CHAN kwa mara ya pili.

Timu zote zilimaliza mechi zikisalia na wachezaji 10 uwanjani baada ya  Mori Kante  wa Guinea kupigwa kadi nyekundu kipindi cha kwanza kabla ya kipa wa Rwanda Olivier Kwizera pia akipigwa umeme kwa mchezo mbaya kipindi cha pili.

Guinea sasa watachuana na Mali kwenye nusu fainali ya kwanza Jumatano kabla ya Cameroon kufunga kazi na Moroko.

Categories
Michezo

Cameroon yaitema DR Congo na kuingia nusu fainali ya CHAN kwa mara ya kwanza

Waandalizi Cmaeroon walifuzu kwa nusu fainali ya makala ya 6 ya mashindano ya kuwania kombe la CHAN baada ya kuwazidia maarifa mabingwa mara mbili  DR Congo magoli 2-1 katika kwota fainali ya pili iliyosakatwa ugani Japoma mjini Doula Jumamosi usiku.

Majirani DR Congo maarufu kama leopards walichukua uongozi wa mchuano huo kupitia kwa bao la kichwa lililotingwa na Makabi Lilepo,katika dakika ya 22 na kuwanyamazisha mashabiki wa nyumbani.

Hata hivyo Indomitable Lions waliendelea kujituma na dakika 7 baade mshambulizi mzoevu Yannick Ndjeng akasawazisha  kufuatia makosa ya kipa wa Leopards Ley Matampi.

Dakika 3 kabla ya kukamilika kwa kipindi cha kwanza mshambulizi wa Cameroon Felix Oukine  alivurumisha kombora lililomkanganya beki wa Congo na kumhadaa kipa Matampi na kuwanyanyua mashabiki wa nyumbani kwa goli la pili.

Kipindi cha pili timu zote ziliendelea kuviziana na kucheza kwa tahadhari kuu na hadi kipenga cha mwisho Cameroon wakafuzu nusu fainali ambapo watapambana na mshindi wa kwota fainali ya tatu itakayosakatwa Jumapili kati ya mabingwa watetezi Moroko na Zambia.

 

Categories
Michezo

CHAN kuingia robo fainali huku VAR ikianza kutumika

Makala ya 6 ya michuano ya kuwania kombe la Afrika kwa wanasoka wa nyumbani maarufu kama CHAN itaingia raundi ya robo fainali Jumamosi jioni huku shirikisho la kandanda Afrika CAF likianza kutumia mtambo wa VAR yaani Video Assistan Referees.

Kwota fainali ya kwanza itasakatwa  katika uwanja wa Ahmadou Ahidjo katika jiji la Younde kuanzia saa moja usiku wa Jumamosi kati ya Flying Eagles ya Mali dhidi ya Red Devils ya Congo.

Baade saa nne usiku itakuwa zamu ya wenyeji Cameroon ukipenda Indiomitable Lions kupimana ubabe ba Leopards ya DR Congo   uwanjani Japoma mjini Douala.

Robo fainali mbili za mwisho kuchezwa Jumapili mabingwa watetezi Moroko wakianza dhidi ya Zambia  kabla ya Rwanda kufunga kazi kukabana koo na Guinea.

CAF ilianza kutumia mtambo wa VAR mwaka 2018 kwenye fainali ya kombe la Super kati ya Wydad Casablanca ya Moroko dhidi ya TP Mazembe ya jamhuri ya demokrasia ya Congo.

Categories
Michezo

Ratiba ya robo fainali CHAN2020 yakamilika

Mechi za makundi kuwania kombe la CHAN katika makala ya 6 ya fainali hizo nchini Cameroon zilikamilika Jumatano usiku .

Alhamisi na Ijumaa zitakuwa siku za mampumziko kabla ya kipute hicho kurejea mwa mikwangurano ya robo fainali Jumamosi na Jumapili hii.

Robo fainali ya kwanza itapigwa saa moja usiku wa Jumamosi ikiwakutanisha Mali  ukipenda flying eagles walioongoza kundi A  dhidi Congo maarufu kama Red Devils  waliomaliza katika nafasi ya pili kundi B katika uchanjaa wa Ahmadou Ahidjo mjini Younde .

Baadae saa nne usiku wa Jumamosi wenyeji Cameroon maarufu kama Indomitable Lions waliochukua nafasi ya pili kundi A watashuka katika kiwara cha Japoma mjini Douala kwa kwota fainali ya pili dhidi ya mabingwa mara mbili  DR Congo ijulikanayo kama Leopards  waliomaliza katika nafasi ya kwanza kundini B.

Jumapili mabingwa watetezi Atlas Lions ya Moroko walioongoza  kundi C watakabana koo dhidi ya Chipolopolo kutoka Zambia walionyakua nafasi ya pili kutoka kundi D katika uchanjaa wa Reuinification mjini Doula.

Saa nne usiku wa Jumapili shughuli pevu itapigwa katika dimba la Limbe waakilishi wa pekee kutoka East Africa waliosalia Amavubi ya Rwanda waliochukua nafasi ya pili kutoka kundi C wakifunga kazi dhidi ya Syli Nationale ya Guinea viongozi wa kundi D.

Kufikia sasa mechi 24 zimesakatwa kwenye kipute hicho na magoli 46 yakifungwa wastani wa bao 1.92 katika kila mchuano,huku Yakhouba Yakhouba Gnagna Barry kutoka Guinea akiongoza chati ya upigaji magoli akiwa amebusu nyavu mara tatu.

Wanandinga Salomon Charles Banga wa Cameroon,Masasi Obenza wa DR Congo,Sofiane Rahimi wa Moroko,Mossi Issa Mousa wa Niger,Richard Nane kutokea Togo,Saidi Kyeune na Victor Kantabaduono wa Guinea wametikisa nyavu mara mbili kila mmoja.

Mechi za kwota fainali zitashuhudia matumizi ya mtambo wa VAR kinyume na mechi za makundi.

Categories
Michezo

Tanzania yagura CHAN baada ya kuwahemesha Guinea

Taifa Stars ya Tanzania iligura michuano ya CHAN mwaka 2020 nchini Cameroon kifalme baada ya kuwahemesha vigogo wa Afrika magharibi Guinea na kulazimisha sare ya magoli 2-2 katika mechi ya mwisho ya kundi D jumatano usiku katika uwanja wa Reunification mjini Doula.

Yakhouba Barry aliwaweka Syli Nationale ya Guinea uongozini kwa bao la penati ya dakika 4 kabla ya Taifa Stars kujibu kupitia kwa Baraka Majogoro aliyefyatua fataki kutoka umbali wa miguu 20  iliyomduwaza kipa wa Guinea kunako dakika ya 23 na kipindi cha kwanza kuishia sare ya 1-1.

Kipindi cha pili Tanzania waliendelea kucheza mchezo wa kuridhisha na pasi za kuonana ndiposa Edward Manyama akapachika goli la pili  kupitia kichwa dakika ya 68 ,bao lililopangua mchezo wa Guinea walionusia hatari ya kubanduliwa.

Hata hivyo mabadiliko ya kiufundi kutoka kwa kocha wa Guinea yaliongeza makali huku vijana hao kutoka Afrika magharibi wakiongeza mashambulizi yaliyozaa matunda pale Victor Kantabadouno alipouchupia mpira na kupiga bao la pili  dakika ya 82 ,goli ambalo liliwahakikishia uongozi wa kundi D na kuwabandua Tanzania.

Katika mechi nyingine ya kundi D uwanjani Limbe Namibia walitoka sare tasa dhidi ya Zambia.

Guinea waliongoza kundi hilo kwa pointi 5 wakifuatwa na Zambia pia kwa alama 5 wakati Tanzania ikiibuka ya tatu kwa alama 4 nayo Namibia ikashika nanga kwa pointi moja.

Categories
Michezo

Rwanda na Moroko wafuzu kwota fainali ya CHAN

Amavubi ya Rwanda iliandikisha historia kwa kufuzu kwa robo fainali ya  kombe la CHAN nchini Cameroon baada ya kutoka nyuma mara mbili na kuwacharaza Togo magoli 3-2 katika pambano la kundi C uwanjani Limbe Omnisport Jumanne usiku.

Kapteni wa Rwanda Jaques Tuyisenge alipoteza nafasi nyingi za wazi mwanzoni mwa mchuano huo ,huku pia Togo wakipoteza nafasi za wazi kupachika magoli kupitia kwa Kokouvi Amekoudi .

Nahodha wa Togo Yendoutie Nane aliunganisha mkwaju wa Ismail Ouro katika dakika ya 38 na kuwaweka Sparrow Hawks uongozini, lakini Olivier Niyonzima akajibu kwa  kichwa free kick iliyochongwa na  na Emery Bayisenge na kuhakikisha kipindi cha kwanza kinakamilika kwa sare ya 1-1.

Rwanda walizembea mwanzoni mWa kipindi cha pili na kumpa Bilal Akoro fursa ya kuongeza bao la pili kwa Togo lakini kapteni wa Rwanda  Tuyisenge akapachika bao la kusawazisha kwa kichwa dakika ya 60,  huku nguvu mpya Ernest Sugira akiongeza la tatu kwa Wanyarwanda waliofuzu kwa kwota fainali kwa mara ya kwanza tangu mwaka 2016 wakiandaa michuano hiyo.

Rwanda iliibuka ya pili kwa pointi 5 nyuma ya viongozi Moroko waliozoa alama 7 baada ya kuwatitiga Uganda Cranes magoli 5-2 katika mechi ya  nyingine Jumanne usiku.

Timu mbili za mwisho kutinga robo fainali zitabainika Jumatano usiku wakati wa kumalizika wka mechi za kundi D Zambia wakikumbana na Namibia nao Tanzania wamalize udhia na Guinea.

Guinea na Zambia wanaongoiza kundi hilo kwa pointi 4 kila moja wakati Tanzania ikiwa na alama 3 nao Namibia ambao wamebanduliwa mashindanoni wakiwa bila alama.