Categories
Michezo

AFCON U 20 kuingia semi fainali Jumatatu

Mashindano ya kuwania kombe la AFCON kwa chipukizi wasiozidi umri wa miaka 20 yatarejelewa Jumatatu usiku kwa mechi za nusu fainali nchini Mauritania.

Ghana watashuka uwanjani dhidi ya Gambia kwa mechi ya kwanza ya nusu fainali saa moja usiku ikiwa marudio baada ya Gambia kuwashinda Ghana mabao 2-1 katika mechi ya kundi C na sasa itakuwa aidha mchuano wa kulipiza kisasi au kudhihirisha ubabe.

Gambia iliibuka ya pili kundi C kwa alama 4 nyuma ya viongozi Moroko wakishindwa na Moroko bao 1-0,kabla ya kutoka sare ya 1-1 na Tanzania .

Upande wa pili wa sarafu Ghana ukipenda black satelites iliibuka ya tatu kundi C ikiichabanga Tanzania 4-0 kabla ya kutoka sarea tasa dhidi ya Moroko na kupoteza kwa Gambia 1-2.

Nusu fainali ya pili itapigwa saa nne usiku ikiwa baina ya limbukeni na mabingwa wa CECAFA uganda dhidi ya Tunisia mjini Nouakchott.

Uganda maarufu kama Hippos waliizaba Msumbiji magoli 2-0 kabla ya kulimwa na Cameroon 0-1 na kuwabwaga wenyeji Mauriritania 2-1 na kumaliza kwa pointi 6 katika kundi A.

Tunisia ilitoka sare tasa na Burkina Faso katika kundi B kwa alama 4 ,ikitoka sare tasa na Burkina Faso kabla ya kuipiga Namibia 2-0 na kushindwa Afrika ya kati 1-2.

Categories
Michezo

Gambia na Tunisia watinga semi fainali AFCON U 20

Gambia iliwazidia maarifa Afrika ya kati ilipowaadhibu mabao 3-0 katika robo fainali ya mwisho iliyopigwa Ijumaa usiku mjini Nouakchott Mauritania na kufuzu kwa semi fainali ambapo watarudiana na Ghana maarufu kama Black Satelites .

Wally Fofana, Momodou Bojang na nguvu mpya Alieu Barry walipachika mabao ya Young Scorpions na kuibuka kidedea.

Awali Tunisia iliwapiku Moroko penati 4-1 katika robo fainali kufuatia sare tasa baada ya dakika 120 na kufuzu semi fainali .

Gambia watashuka uwanjani katika nusu fainali ya kwanza Jumatatu Machi mosi kuanzia saa moja usiku,kabla ya Uganda inayoshiriki mara ya kwanza kumenyana na Gambia katika nusu fainali ya pili.

Fainali itapigwa tarehe 6 mwezi ujao.

Categories
Michezo

Uganda Hippos waing’ata Burkina Faso na kutinga nusu fainali AFCON U 20

Uganda Hippos waliandikisha historia Alhamisi usiku walipoibwaga Burkina Faso penati 5-4 na kufuzu kwa nusu fainali ya kombe la bara Afrika kwa chipukizi wasiozidi umri wa miaka 20 mjini Nouakchott Mauritania.

Burkina Faso maarufu kama Young Stallions walianza vyema mechi kwa mashambulizi mengi lakini kipa wa Uganda Komakach alikuwa mwiba na kupangua matobwe yote.
Ugand pia walishuhudia mikwaju yao kupitia kwa Steven Sserwadda ,Ivan Bogere na Isma Mugulusi ikipanguliwa.

Mechi ilimalizikia kwa sare tasa baada ya dakika 120 na kuamuliwa kupitia matuta ya penati Uganda wakiunganisha zote 5 huku kipa wa Hippos Komakach akipangua

penati ya kwanza iliyochongwa na Naser Djiga Yacouba .

Uganda wanaoshiriki michuano hiyo kwa mara ya kwanza watacheza nusu fainali na mshindi kati ya Tunisia na Moroko watakaomenyana kwenye robo fainali ya Ijumaa.

Ghana wakimenyana na Cameroon

Ghana waliibandua Cameroon pia kupitia penati 5-3 kufuatia sare tasa dakika 120 katika kwota fainali ya kwanza.

Ghana ukipenda Black Satelites watamenyana na mshindi wa robo fainali ya Ijumaa baina ya Afrika ya kati na Gambia katika hatua ya nusu fainali.

Categories
Michezo

Simba amrarua mwarabu na kuongoza kundi A ligi ya mabingwa

Simba Sports club wameweka hai matumaini ya kutinga robo fainali ya kombe la ligi ya mabingwa Afrika baada ya kuwachuna mabingwa watetzi Al Ahly bao 1-0 katika mkwangurano uliosakatwa Jumanne alasiri katika uwanja wa Benjamin Mkapa jijini Daresalaam Tanzania.

Bao la pekee na la ushindi kwa mnyama simba lilipachikwa kimiani na kiungo wa Msumbiji Luis Muquissone kunako dakika ya 39 na kudumu hadi kipenga cha mwisho.

Kichapo cha Al Ahly kilikuwa cha kwanza katika ligi ya mabingwa Afrika baada ya zaidi ya msimu mmoja .

Uwanja wa Mkapa ulifurika hadi pomoni wakati wa mechi hiyo baada ya tiketi zote za mechi kuuzwa .

Ushindi huo unaweweka Simba uongozini pa kundi A kwa alama 6 baada ya mechi 2 kufuatia ushindi wa goli 1-0 ugenini mjini Kinsasha dhidi ya As Vita katika pambano la ufunguzi .

Mnyama Simba ataanza matayarisho kwa ziara ya Khartoum mwishoni mwa juma hili dhidi ya El Merreikh ya Sudan huku wakihitaji angaa ushindi katika mechi mbili kati ya 4 zilisozalia ili kutinga kwota fainali kwa mara ya kwanza.

Categories
Michezo

Gambia yawagutusha Ghana huku Tanzania wakitimuliwa AFCON U 20

Gambia ilitoka nyuma na kuwabwaga Ghana magoli 2-1 katika mchuano wa kundi C uliosakatwa Jumatatu usiku nchini Mauritania.
Abdul Fatawualikuwa ameiweka Ghana uongozini baada ya dakika 8 za mchezo ,kabla ya Kajally Drammeh na Lamarana Jallow kuwafungia Young Scorpions magoli 2 na kuwaweka Limbukeni Gambia uongozini kufikia mapumzikoni .

Licha ya kupewa kadi nyekundu Gambia walijizatiti na kutwaa ushindi huo mhimu uliowafuzisha kwa robo fainali wakimaliza wa pili kwa alama 4.

Katika mechi nyingine Moroko waliikomoa Tanzania mabao 3-0 na kuongoza kundi hilo la C El Mehdi El Moubarik, Mohammed Amine Essahel na Ayoub Mouloua wakipachika magoli ya Moroko katika kipindi cha kwanza na kuongoza kundi kwa pointi 7.

Categories
Michezo

Mamelodi na Belouizdad kuchuana Benjamin Mkapa jijini Dare salaam

Shirikisho la kandanda Afrika limetangaza kuwa mechi ya pili ya kundi B kuwania kombe la ligi ya mabingwa Afrika kati ya mabingwa wa Ageria CR Belouizdad ya Algeria na mabingwa wa Afrika Kusini Mamelodi Sundowns itachezwa katika uwanja wa Benjamin Mkapa mjini Daresalaam Tanzania tarehe 28 Februari.

Mchuano huo ulikuwa upigwe mjini Algiers Algeria lakini ukalazimika kuhamishwa baada ya serikali ya Algeria kupiga marufuku safari zote za kuingia nchini humo kama njia ya kuzia msambao wa ugonjwa wa Covid 19.

Shirikishp la soka Tanzania TFF limeidhinisha pambano hilo kuandaliwa nchini humo.

CAF pia imengaza kuwa mechi ya kundi C kati ya Wydad Casablanca ya Moroko na Kaizer Chiefs kutoka Afrika Kusini itachezwa tarehe 28 mwezi Februari katika uwanja wa 4TH August mjini Ouagadogou Burkina Faso baada ya kuidhinishwa na shirikisho la kandanda nchini Burkina Faso.

Mechi za mzunguko wa pili hatua ya makundi kuwania ligi ya mabingwa Afrika zitapigwa kati ya Ijumaa na Jumamosi hii.

Categories
Michezo

Mabingwa watetezi RS Berkane kuzindua uhasama na Kabylie ya Algeri kombe la shirikisho

Mabingwa watetezi wa kombe la shirikisho la Soka Afrika RS Berkane kutoka Moroko wamejumuishwa kundi B pamoja na vigogo wa Algeria Js Kabylie kwenye droo ya kombe hilo iliyoandaliwa Jumatatu alasiri mjini Cairo Misri.

Timu nyingine kundi hilo ni Cotton Sport ya Cameroon na NAPSA Stars ya Zambia iliyoibandua Gor Mahia.

Berkane wataanza kutetea kombe hilo tarehe 10 mwezi Machi wakiwaalika NAPSA Stars,kabla ya kuzuru Yaounde kupimana nguvu na Cotton Sport ya Cameroon tarehe 17 Machi,kisha iwaalike Js Kabylie ya Algeria April 4, kuzuru Algeria kwa mechi ya marudio tarehe 11 mwezi wa nne na kisha kupiga ziara ya Lusaka kuchuana na NAPSA tarehe 25 na kuhitimisha ratiba tarehe 28 April kwa kuwaalika NAPSA.

Kundi A linajumuisha vilabu vya Enyimba kutoka Nigeria,Entete Setif ya Algeria,Orlando Pirates ya Afrika Kusini na Ahli Bengazi ya Libya.

Asc Jaraaf kutoka Senegal imejumuishwa kundi C pamoja na Salitas ya Burkina Faso,CS Faxien ya Tunisia na mshindi wa mechi ya mchujo baina ya Etoile Du Sahel ya Tunisia na Young Buffaloes ya Swaziland.

Pyramids ya Misri iliyoshindwa kwenye fainali ya mwaka uliopita imo kundi D pamoja na Raja Casablanca ya Moroko,Nkana Rangers kutoka Zambia na mshindi wa pambano la mchujo kati ya Premeiro de Agosto ya Angola na Namungo kutoka Tanzania.

Kombe la shirikisho Afrika

Droo kamili:-

Kundi A
Enyimba-Nigeria
Entete Setif-Algeria
Orlando Pirates-South Africa
Ahli Bengazi-Libya

Kundi B
RS Berkane-Morocco
NAPSA Stars-Zambia
JS Kabylie-Algeria
Cotton Sport-Cameroon

Kundi C
Asc Jaraaf-Senegal
Salitas – Burkina Faso
CS Faxien – Tunisia
Mshindi kati ya Etoile Du Sahel ya Tunisia na Young Buffaloes ya Swaziland.

Kundi D
Pyramids – Egypt
Raja Casablanca – Morocco
Nkana Rangers-Zambia
mshindi wa pambano la mchujo kati ya Premeiro de Agosto ya Angola na Namungo kutoka Tanzania.

Mshindi wa kombe hilo atatuzwa dola milioni 1 nukta 25.

Categories
Michezo

Burkina Faso na Tunisia wasajili ushindi AFCON U 20

Timu za Burkina Faso na Tunisia zilisajili ushindi wa kwanza  katika kundi B  katika mashindano ya kuwnaia kombe la Afrika kwa chipukizi walio chini ya umri wa miaka 20 yanayoendelea nchini Mauritania.

Tunisia walisajili ushindi wa mabao 2-0  dhidi ya Namibia katika mechi ya kwanza uwanjani Cheikh Ould Boidiya   mjini Nouakchott Mauritania na kuweka hai matumaini ya kufuzu hatua ya mwondoano  .

Marc Martin Lamti na Hassan Ayari walipachika mabao yote moja kila kipindi  na kuiweka Tunisia katika nafasi nzuri ya kutinga robo fainali  wakiwa wamezoa pointi 4 kutokan an mechi 2 nao Namibia wananing’inia kubanduliwa wakiwa na alama 1.

Katika mkwangurano mwingine  wa pili kundini B ,Burkina Faso walitoka nyuma na kulazimisha ushindi wa magoli 3-1 dhidi ya Jamhuri ya Afrika ya Kati .

Isaac Ngoma aliwaweka Afrika ya kati uongozini kufutia kosa la  dakika ya 32 ,lakini Burkina Faso wakarejea mchezoni kwa goli la dakika ya 2 ya ziada ya Joefrey  Bazie na timu zote kwenda mapumzikoni wakiwa sara ya 1-1.

Eric Chardey aliongeza bao la pili kwa  Burkina Faso dakika ya 52  naye Pindwinde Beleme  akakongomelea msumari wa mwisho kwa jahazi la Afrika ya Kati kwa goli la 3.

Burkina Faso wamezoa pointi 4 baad ya mechi 2  sawa na Tunisia huku Afrika ya kati na Namibia wakiwa na alama 1 kila moja.

Kipute hicho kuendelea Ijumaa jioni kwa mechi za kundi C ,Tanzania waliopoteza mechi ya kwanza wakikabiliana na Gambia saa moja usiku ,kabla ya Ghana kumaliza udhia na Moroko saa nne usiku.

Categories
Michezo

Cameroon yatinga robo fainali AFCON U 20 huku Msumbiji ikitemwa

Cameroon iliandikisha ushindi wa goli 1-0 dhidi ya Uganda katika  pambano la kundi A Jumatano usiku na kuwa timu ya kwanza kufuzu wka robo fainali ya mashindano ya AFCON kwa chipukizi wasiozidi umri wa miaka 20 mjini Nouakchott  Mauritania.

Sunday Jang Junior alifunga bao al pekee na la ushindi kwa Cameroon na kuongoza kundi A kwa alama 6 baada ya mechi mbili huku Uganda ikisalia ya pili kwa pointi 3.

Uganda watachuana na Mauritania katika pambano la mwisho Jumamosi huku Cameroon ikifunga ratiba dhidi ya Msumbiji.

Katika mechi nyininge  ya kundi A Jumatano usiku Mauritania waliweka hai matumaini ya kufuzu kwa kwota fainali kufuatia ushindi wa 2-0 dhidi ya Msumbiji.

Cameroon wanaongoza kundi hilo kwa alama 6 wakifuatwa na Uganda na Mauritania kwa pointi 3 kila moja nayo Msumbiji haina alama ikiw atimu ya kwanza kuyaaga mashindano hayo.

Mashindano hayo kuingia mechi za mzunguko wa pili hatua ya Makundi katika kundi B Alhamisi usiku ,Tanzania wakimenyana na Gambia saa moja usiku kabla ya Ghana kufunga ratiba dhidi ya Tunisia saa nne usiku.

Categories
Michezo

Tanzania yapigwa kumbo huku Moroko walilazimisha ushindi AFCON U 20

Timu ya Ghana kwa wanaume wasiozidi umri wa miaka 20 illinyuka Tanzania maarufu kama ngorongoro Heroes  mabao 4-0 katika mkwangurano wa kundi C kuwania kombe la AFCON kwa chipukizi wasiozidi umri wa miaka 20 mjini Noukchot nchini Mauritania Jumanne usiku.

Precious Boah alipachika mabao mawili kwa Ghana maarufu kama  Black Satellites  ,kabla ya Abdul Fatawu na Joselpho Barnes  kuongeza mengine mawili.

Katika pambano jingine  Moroko walihitaji penati tatanishi kunako kipindi cha kwanza ili kuwashinda Gambia bao 1-0 .

Mashindano hayo kuendelea Jumatano kwa mechi mbili za kundi A  Cameroon na Uganda wakimenyana katika mechi ya kwanza saa moja usiku huku atakayeshinda akifuzu kwa kwota fainali na pia sare itatosha kuvusha timu zote mbili kwa robo fainali baada ya kushinda mechi zao za ufunguzi.

Katika mechi ya pili kundini humo Msumbiji watachuana na wenyeji Mauritania saa nne usiku huku atakayeshindwa akiyaaga mashindano ,hususan baada ya wote wawili kupoteza mechi za ufunguzi.