Categories
Michezo

Ingwe yaichuna Sharks huku KCB wakiwazima Western Stima

AFC Leopards waliwakwaruza Kariobangi Sharks mabao 2-0 katika mchuano wa ligi kuu uliopigwa Jumapili alasiri  katika uwanja wa Kasarani.

Elvis Rupia alipachika bao la kwanza dakika ya 11 huku wakiongoza kwa goli hilo kufikia mapumziko.

Kipindi cha pili pande zote zilicheza kwa tahadhari huku wageni Ingwe wakilazimika kumaliza mechi na wachezaji 10 uwnajani kufuatia kupigwa kadi nyekundu kwa Fabrice Mugheni  dakika ya 89.

Kadi hiyo nyekundu haikuwatamausha Leopards walioongeza mashambulizi na  Jefari Odeny akaongeza bao la pili kunako dakika ya 92  ukiwa ushinde wa pili kwa Sharks msimu huu.

Katika mikwangurano mingine  Kakamega Hombeboyz wakiwa nyumbani Bukhungu waliikung’uta Bidco United magoli 2-0 Ali Bhai na Moses Mudavadi wakipachika  mabao yote katika kipindi cha kwanza wakati KCB wakiiparuza Western Stima mabao 3-1 katika uga Moi kaunti ya Kisumu.

Kcb wangali kushikilia kukutu uongozi wa ligi hiyo kwa pointi 21 baada ya michuano 8 wakifuatwa na Tusker Fc kwa alama 20 huku Wazito Fc wakifunga orodha ya tatu bora kwa alama 17.

 

 

Categories
Michezo

Bidco United wakaangwa na wanabenki KCB

Klabu ya KCB imedumisha rekodi ya asilimia 100 ligini msimu huu baada ya kuwakaanga Bidco United bao 1-0 katika mechi ya mapema Jumamosi ya ligi kuu  FKF katika uwanja wa Kasarani.

Timu zote zilitoshana nguvu kipindi cha kwanza,kabla ya Kcb kuimarisha mchezo wao katika kipindi cha pili ndiposa wakajipatia bao la dakika ya 49 kupitia kwa mshambulizi Reagan Otieno.

Kcb wanaongoza jedwali baada ya mechi 6 wakizoa pointi 18.