Categories
Michezo

Ghana yatwaa kombe la 4 la AFCON U 20 kwa kuilaza Uganda 2-0

Timu ya taifa ya Ghana maarufu kama Black satelites ndio mabingwa wa makala ya 16 ya kombe la bara Afrika kwa chipukizi wasiozidi umri wa miaka 20 baada ya kucharaza Uganda Hippos magoli 2-0 kweny fainali iliyosakatwa uwanjani Olympic mjini Noukchott Mauritania Jumamosi usiku.

Uganda Hippos waliokuwa wakishiriki michuano hiyo kwa ra ya kwanza walianza kwa utepetevu na kukosa maarifa  na kumruhusu nahodha Daniel Afriye kuiweka Ghana uongozini katika dakika ya 22  akiunganisha pasi yake Fattaw Issakhu na kuongoza hadi mapumzikoni.

Waganda walijaribu kurejea mchezoni lakini kosa la mabeki dakika ya 51 likampa Afriye fursa ya kutanua uongozi wa Ghana kwa goli la pili matokeo yaliyodumu hadi kipenga cha mwisho.

Mshambulizi wa Uganda Derrick Kakooza aliibuka mfungaji bora kwa magoli 5 huku kocha Morley Byekwaso akitawazwa kocha bora wa mashindano hayo.

Ilikuwa mara ya kwanza kwa Ghana kunyakua kombe hilo tangu mwaka 2009 na kusawazisha rekodi ya Black Stars ambayo pia imetwaa kombe la Afrika mara 4.

 

Categories
Michezo

Uganda Hippos yalenga kombe la kwanza huku Ghana wakiwania kombe la 4 AFCON U 20

Fainali ya makala ya 16 kuwania kombe la mataifa ya Afrika kwa chipukizi walio chini ya umri wa miaka 20 itasakatwa Jumamosi usiku katika uwanja wa Olympic mjini Nouakchott Mauritania baina ya mabingwa mara tatu Ghana maarufu kama black sateolites dhidi ya Uganda Hippos wanaoshiriki kwa mara ya kwanza.

Ghana wanawinda kombe la kwanza baada ya miaka 12 iliyopita .

 

Uganda iliibuka ya pili kutoka kundi A kwa kupata ushindi dhidi ya Msumbiji na Mauritania kabla ya kuibandua Burkina Faso kupitia penati katika robo fainali na baade kuinyuka Tunisia magoli 4-1 katika nusu fainali.

Ghana iliibuka ya tatu katika kundi lao ikiwashinda Tanzania na kwenda sare na Moroko, huku wakiibandua Cameroon katika kwota fainali kupitia mikiki ya penati na hatimaye kuitema Gambia bao 1-0 kwenye nusu fainali.

Ghana itawategemea mfungaji wao bora Percious Boah,Abdul Fatawu na mshambulizi Emmanuel Agyemang Duah huku Uganda ikihitaji uwajibikaji kutoka kwa nahodha Gvain Kizito,mfungaji bora Derrick Kakooza na Richard Basangwa .

Categories
Michezo

Gambia yaibwaga Tunisia na kutwaa nafasi ya tatu AFCON U 20

Gambia waliishinda Tunisia penati 4-2 baada ya sare tasa katika dakika 120 na kunyakua nafasi ya tatu kwenye mechi ya nishani ya shaba katika makala ya 16 ya kipute cha AFCON kwa chipukizi wasiozidi umri wa miak 20 katika uwanja wa Cheikha Ould Boidiya mjini Noukchott Mauritania Ijumaa usiku.

Lamin Saidy alipangua penati mbili za Tunisia kutoka kwa Adam Karim Benlamine nguvu mpya Hamdi Abidi huku pia Gambia wakipoteza penati yao iliyopigwa na Habessi Achref ikipanguliwa na kipa wa Tunisia Ahmed Laabidi.

Mikwaju ya Gambia ilifungwa na Momodou Bojang, Alieu Barry, Momodou Jallow na Adama Kanteh huku ile ya Tunisia ikiunganishwa na Hassan Ayari na Mohamed Amine Ben Zeghda.

Ilikuwa mara vya pili kwa Gambia kuibuka ya tatu baada ya kutwaa nafasi hiyo mwaka 2007.

Fainali ya kombe hilo lililoshirikisha mataifa 12 itasakatwa Jumamosi usiku kati ya  Uganda Hippos wanaoshiriki kwa mara ya kwanza dhidi ya mabingwa mara tatu Ghana Black Satelites.

Categories
Michezo Uncategorised

Ghana Black Satelites wafuzu fainali ya AfFCON U 20 wakiwinda kombe la 4

Timu ya Ghana Black Satelites ilifuzu kwa fainali ya makala ya 16 ya kombe la Afrika kwa chipukizi wasiozidi umri wa miaka 20 nchini Mauritania baada ya kulipiza kisasi na kuwalemea Gambia Gambia bao 1 kwa bila lililofungwa kipindi cha kwanza kupitia kwa mkwaju wa adhabu uliopachikwa na Prince Boah.

Nusu fainali hiyo ilisakatwa mjini Nouakchott huku Gambia wakilipia vikali baada ya kuilaza Ghana mabao 2-1 katika hatua ya makundi na kuibuka ya pili huku Ghana wakiambulia nafasi ya tatu.

Itakuwa mara ya kwanza kwa Ghana kupiga fainali ya kombe hilo tangu mwaka 2013 waliponyukwa na Misri kupitia penati huku wakiwinda kommbe la kwanza tangu mwaka 2009 .

Gambia itacheza mechi ya kuwania nafasi ya tatu nne.

Categories
Michezo

AFCON U 20 kuingia semi fainali Jumatatu

Mashindano ya kuwania kombe la AFCON kwa chipukizi wasiozidi umri wa miaka 20 yatarejelewa Jumatatu usiku kwa mechi za nusu fainali nchini Mauritania.

Ghana watashuka uwanjani dhidi ya Gambia kwa mechi ya kwanza ya nusu fainali saa moja usiku ikiwa marudio baada ya Gambia kuwashinda Ghana mabao 2-1 katika mechi ya kundi C na sasa itakuwa aidha mchuano wa kulipiza kisasi au kudhihirisha ubabe.

Gambia iliibuka ya pili kundi C kwa alama 4 nyuma ya viongozi Moroko wakishindwa na Moroko bao 1-0,kabla ya kutoka sare ya 1-1 na Tanzania .

Upande wa pili wa sarafu Ghana ukipenda black satelites iliibuka ya tatu kundi C ikiichabanga Tanzania 4-0 kabla ya kutoka sarea tasa dhidi ya Moroko na kupoteza kwa Gambia 1-2.

Nusu fainali ya pili itapigwa saa nne usiku ikiwa baina ya limbukeni na mabingwa wa CECAFA uganda dhidi ya Tunisia mjini Nouakchott.

Uganda maarufu kama Hippos waliizaba Msumbiji magoli 2-0 kabla ya kulimwa na Cameroon 0-1 na kuwabwaga wenyeji Mauriritania 2-1 na kumaliza kwa pointi 6 katika kundi A.

Tunisia ilitoka sare tasa na Burkina Faso katika kundi B kwa alama 4 ,ikitoka sare tasa na Burkina Faso kabla ya kuipiga Namibia 2-0 na kushindwa Afrika ya kati 1-2.

Categories
Michezo

Gambia na Tunisia watinga semi fainali AFCON U 20

Gambia iliwazidia maarifa Afrika ya kati ilipowaadhibu mabao 3-0 katika robo fainali ya mwisho iliyopigwa Ijumaa usiku mjini Nouakchott Mauritania na kufuzu kwa semi fainali ambapo watarudiana na Ghana maarufu kama Black Satelites .

Wally Fofana, Momodou Bojang na nguvu mpya Alieu Barry walipachika mabao ya Young Scorpions na kuibuka kidedea.

Awali Tunisia iliwapiku Moroko penati 4-1 katika robo fainali kufuatia sare tasa baada ya dakika 120 na kufuzu semi fainali .

Gambia watashuka uwanjani katika nusu fainali ya kwanza Jumatatu Machi mosi kuanzia saa moja usiku,kabla ya Uganda inayoshiriki mara ya kwanza kumenyana na Gambia katika nusu fainali ya pili.

Fainali itapigwa tarehe 6 mwezi ujao.

Categories
Michezo

Uganda Hippos waing’ata Burkina Faso na kutinga nusu fainali AFCON U 20

Uganda Hippos waliandikisha historia Alhamisi usiku walipoibwaga Burkina Faso penati 5-4 na kufuzu kwa nusu fainali ya kombe la bara Afrika kwa chipukizi wasiozidi umri wa miaka 20 mjini Nouakchott Mauritania.

Burkina Faso maarufu kama Young Stallions walianza vyema mechi kwa mashambulizi mengi lakini kipa wa Uganda Komakach alikuwa mwiba na kupangua matobwe yote.
Ugand pia walishuhudia mikwaju yao kupitia kwa Steven Sserwadda ,Ivan Bogere na Isma Mugulusi ikipanguliwa.

Mechi ilimalizikia kwa sare tasa baada ya dakika 120 na kuamuliwa kupitia matuta ya penati Uganda wakiunganisha zote 5 huku kipa wa Hippos Komakach akipangua

penati ya kwanza iliyochongwa na Naser Djiga Yacouba .

Uganda wanaoshiriki michuano hiyo kwa mara ya kwanza watacheza nusu fainali na mshindi kati ya Tunisia na Moroko watakaomenyana kwenye robo fainali ya Ijumaa.

Ghana wakimenyana na Cameroon

Ghana waliibandua Cameroon pia kupitia penati 5-3 kufuatia sare tasa dakika 120 katika kwota fainali ya kwanza.

Ghana ukipenda Black Satelites watamenyana na mshindi wa robo fainali ya Ijumaa baina ya Afrika ya kati na Gambia katika hatua ya nusu fainali.

Categories
Michezo

Gambia yawagutusha Ghana huku Tanzania wakitimuliwa AFCON U 20

Gambia ilitoka nyuma na kuwabwaga Ghana magoli 2-1 katika mchuano wa kundi C uliosakatwa Jumatatu usiku nchini Mauritania.
Abdul Fatawualikuwa ameiweka Ghana uongozini baada ya dakika 8 za mchezo ,kabla ya Kajally Drammeh na Lamarana Jallow kuwafungia Young Scorpions magoli 2 na kuwaweka Limbukeni Gambia uongozini kufikia mapumzikoni .

Licha ya kupewa kadi nyekundu Gambia walijizatiti na kutwaa ushindi huo mhimu uliowafuzisha kwa robo fainali wakimaliza wa pili kwa alama 4.

Katika mechi nyingine Moroko waliikomoa Tanzania mabao 3-0 na kuongoza kundi hilo la C El Mehdi El Moubarik, Mohammed Amine Essahel na Ayoub Mouloua wakipachika magoli ya Moroko katika kipindi cha kwanza na kuongoza kundi kwa pointi 7.

Categories
Michezo

Burkina Faso na Tunisia wasajili ushindi AFCON U 20

Timu za Burkina Faso na Tunisia zilisajili ushindi wa kwanza  katika kundi B  katika mashindano ya kuwnaia kombe la Afrika kwa chipukizi walio chini ya umri wa miaka 20 yanayoendelea nchini Mauritania.

Tunisia walisajili ushindi wa mabao 2-0  dhidi ya Namibia katika mechi ya kwanza uwanjani Cheikh Ould Boidiya   mjini Nouakchott Mauritania na kuweka hai matumaini ya kufuzu hatua ya mwondoano  .

Marc Martin Lamti na Hassan Ayari walipachika mabao yote moja kila kipindi  na kuiweka Tunisia katika nafasi nzuri ya kutinga robo fainali  wakiwa wamezoa pointi 4 kutokan an mechi 2 nao Namibia wananing’inia kubanduliwa wakiwa na alama 1.

Katika mkwangurano mwingine  wa pili kundini B ,Burkina Faso walitoka nyuma na kulazimisha ushindi wa magoli 3-1 dhidi ya Jamhuri ya Afrika ya Kati .

Isaac Ngoma aliwaweka Afrika ya kati uongozini kufutia kosa la  dakika ya 32 ,lakini Burkina Faso wakarejea mchezoni kwa goli la dakika ya 2 ya ziada ya Joefrey  Bazie na timu zote kwenda mapumzikoni wakiwa sara ya 1-1.

Eric Chardey aliongeza bao la pili kwa  Burkina Faso dakika ya 52  naye Pindwinde Beleme  akakongomelea msumari wa mwisho kwa jahazi la Afrika ya Kati kwa goli la 3.

Burkina Faso wamezoa pointi 4 baad ya mechi 2  sawa na Tunisia huku Afrika ya kati na Namibia wakiwa na alama 1 kila moja.

Kipute hicho kuendelea Ijumaa jioni kwa mechi za kundi C ,Tanzania waliopoteza mechi ya kwanza wakikabiliana na Gambia saa moja usiku ,kabla ya Ghana kumaliza udhia na Moroko saa nne usiku.

Categories
Michezo

Tanzania yapigwa kumbo huku Moroko walilazimisha ushindi AFCON U 20

Timu ya Ghana kwa wanaume wasiozidi umri wa miaka 20 illinyuka Tanzania maarufu kama ngorongoro Heroes  mabao 4-0 katika mkwangurano wa kundi C kuwania kombe la AFCON kwa chipukizi wasiozidi umri wa miaka 20 mjini Noukchot nchini Mauritania Jumanne usiku.

Precious Boah alipachika mabao mawili kwa Ghana maarufu kama  Black Satellites  ,kabla ya Abdul Fatawu na Joselpho Barnes  kuongeza mengine mawili.

Katika pambano jingine  Moroko walihitaji penati tatanishi kunako kipindi cha kwanza ili kuwashinda Gambia bao 1-0 .

Mashindano hayo kuendelea Jumatano kwa mechi mbili za kundi A  Cameroon na Uganda wakimenyana katika mechi ya kwanza saa moja usiku huku atakayeshinda akifuzu kwa kwota fainali na pia sare itatosha kuvusha timu zote mbili kwa robo fainali baada ya kushinda mechi zao za ufunguzi.

Katika mechi ya pili kundini humo Msumbiji watachuana na wenyeji Mauritania saa nne usiku huku atakayeshindwa akiyaaga mashindano ,hususan baada ya wote wawili kupoteza mechi za ufunguzi.