Sound from Segerea – Dullvani amtania Rayvanny

Mchekeshaji na muigizaji wa Tanzania Dullvani ambaye jina lake halisi ni Abdallah Sultan amemkejeli msanii wa muziki Rayvanny kutokana na shida aliyojipata ndani hivi karibuni.

Dullvani ametengeneza “Cover” ya albamu ya muziki ambayo anafananisha na ile ya Rayvanny. Yake ameiita “Sound from Segerea” ya Rayvanny ikijulikana kama “Sound From Africa”.

Ameweka picha yake karibu na orodha ya nyimbo zilizoko kwenye albamu hiyo ambayo inamwonyesha akiwa kizuizini. Segerea ni jina la jela ya serikali mjini Dar Es Salaam nchini Tanzania.

Kwa kifupi, Dullvani anaonekana kutania Rayvanny baada yake kukamatwa na kuachiliwa kwa dhamana kwa kosa la kujihusisha kwa vitendo vya kimapenzi na mtoto kwa jina Paula Kajala na ikiwa atapatikana na hatia kwenye kesi hiyo huenda akafungwa jela.

Wimbo wa kwanza kwenye albamu ya Dullvani ni Sound From Segerea ambao amemshirikisha Babu Seya mwanamuziki ambaye aliwahi kufungwa jela kwa kuhusika kingono na watoto wa shule kisha baadaye akaachiliwa kupitia kwa msamaha wa Rais wa Tanzania.

Kuna nyimbo ambazo ameorodhesha za kuchekesha tu kama vile “Sitaki tena wanafunzi” ambao amemshirikisha Diamond Platnumz, mwingine unaitwa “Bad Valentine” na hapa anaonekana kurejelea siku ya wapendanao ambayo ilikuwa jumapili iliyopita wakati Rayvanny aliachilia kibao kifupi kwa jina “Valentine”.

Ametaja pia watu wengine kama vile Mange kimambi ambaye amekuwa mstari wa mbele kulaani vitendo vya Rayvanny na mtoto Paula ila sasa amebadili msimamo na kuacha kujihusisha na kisa hicho.

Leave a Reply

Your email address will not be published. Required fields are marked *