Shaffie Weru kulipia Tanasha deni

Mtangazaji Shaffie Weru ameahidi kulipia mwanamuziki Tanasha Donna deni analodaiwa na mpodozi wake. Shaffie anasema yeye na Tanasha ni marafiki wa karibu na anamtetea akisema huenda alishindwa kulipa deni hilo kwa sababu fulani ambayo hajafichua.

Weru ambaye alizungumza jana kwenye kipindi fulani cha mitandaoni, hata hivyo alisema kwamba atalipa deni hilo ikiwa halizidi shilingi elfu 20.

Kulingana naye, ameamua kulipadeni hilo sio kama rafiki ya Tanasha lakini kama mtu ambaye anaelewa hali ya sasa ya biashara ambapo wengi wanashindwa kulipia bidhaa na huduma kutokana na shida zilizoletwa na janga la Corona.

Habari kuhusu deni hilo zilitolewa hadharani na Dana De Grazia ambaye alikuwa akizungumza kwenye kipindi cha Eric Omondi. Kulingana naye, mtaalam huyo wa mapodozi ambaye ni rafiki yake amejaribu kupata pesa zake kutoka kwa Tanasha bila mafanikio.

Anasemekana kutoa huduma hizo za mapodozi wakati Tanasha alikuwa anaandaa video ya muziki lakini mpaka sasa hajalipwa.

Tanasha hajajibu madai hayo ya deni ila alionekana kucheka Dana na Eric kwani aliwasaidia kupata jambo la kuzungumzia kwenye kipindi hicho.

Leave a Reply

Your email address will not be published. Required fields are marked *