Mshauri wa Trump kuhusu janga la Korona ajiuzulu

Mshauri wa Rais wa Marekani Donald Trump kuhuru virusi vya Korona Dkt. Scott Atlas amejiuzulu.

Atlas amemshukuru Rais Trump kwa kumpa fursa ya kuwahudumia Wamarekani, akisema nyakati zote alikuwa akitegemea hatua za hivi punde za kisayasi na ushahidi bila mwingilio au ushawishi wowote wa kisiasa.

Katika kipindi cha miezi minne alichohudumu, Dkt. Atlas alitilia shaka haja ya kuvalia barakoa na hatua nyingine za kukabiliana na janga hilo.

Pia mara kadhaa alitofautiana na wanachama wengine wa jopo la kukabiliana na virusi vya Korona, tangu alipojiunga na jopo hilo mwezi Agosti.

Mbali na kutilia shaka umuhimu wa kuvalia barakoa, Atlas alipinga kufungwa kwa maeneo mbali mbali nchini humo.

Wataalamu wa afya ya umma, akiwamo Dkt. Anthony Fauci wa kituo cha kukabiliana na magonjwa, walimshutumu Atlas kwa kumhadaa na kumpotosha Rais Trump kuhusu virusi vya Korona.

Marekani imenakili takriban visa milioni 13 vya virusi vya Korona na zaidi ya vifo elfu 266.

Leave a Reply

Your email address will not be published. Required fields are marked *