Marefa wawili wa Kenya kusimamia makala ya 6 ya CHAN nchini Cameroon

Waamuzi wawili wa humu nchini Dkt  Peter Waweru  Kamaku na Gilbert Cheruiyot wameteuliwa kusimamia makala ya 6 ya fainali za kombe la CHAN nchini Cameroon kuanzia Jumamosi Januari 16 mwaka huu.

Dkt Waweru ambaye ni mhadhiri katika chuo kikuu cha Kilimo na  Teknolojia JKUAT  ni miongoni mwa marefa 18 wa katikati ya uwanja  walioteuliwa kusimamia mechi 32 za dimba la CHAN ikiwa  mara ya pili kupewa jukumu hilo na shirikisho la soka Afrika Caf ,baada ya kusimamia fainali za AFCON mwaka 2019 nchini Misri pia kwa mara ya kwanza.

Waweru akisamamia mchuano wa Kundi D afcon 2019 kati ya Ivory Coast na Namibia

Waweru ni mhadhiri wa Applied Mathematics  katika chuo kikuu cha JKUAT na pia  ni mkurugenzi wa michezo katika chuo hicho .

Dkt WaWeru pia alisomea katika chuo  hicho pia akachezea timu ya soka ya JKUAT kando na kuwa kiongozi  wa michezo katika  muungano wa wanafunzi JKUSO mwaka 2005 .

Kufikia sasa mwamuzi huyo mwenye umri wa miaka  39 amesimamia mechi  12 za kimataifa barani Afrika zikiwemo mechi za kombe la shirkisho la Caf baina ya vilabu,ligi ya mabingwa Caf,kombe la Afccon kwa chipukizi, mechi za kirafiki ,mechi za kufuzu kombe la Afcon kwa chipukizi na pia alisimamia mechi ya kombe la AFCON mwaka 2019 nchini Misri baina ya Ivory Coast dhidi ya Namibia akiwa miongoni mwa waamuzi 27 wa kati kati ya uwanja .

Mechi ya Afcon kati ya Namibia na Ivory Coast iliyosimamiwa na Waweru

Katika mechi 12 za kimataifa alizosimamia Dkt Waweru ametoa kadi 20 za manjano na mbili nyekundu.

Kwa upande wake Gilbert Cheruiyot atakuwa mmoja wa marefa wasaidizi  17 kusimamia fainali za Chan nchini Cameroon, baada pia ya kusimamia mechi ya AFCON mwaka 2019 nchini Misri na itakuwa mara ya pili kusimamia mechi za Chan baada ya kuwa refa wa katikati ya uwanja mwaka 2016 nchini Rwanda.

Refa Msaidizi Gilbert Cheruiyot

 

Leave a Reply

Your email address will not be published. Required fields are marked *