Khaligraph amshinda eric Omondi

Wasanii hao wawili mmoja wa muziki mwingine wa uchekeshaji na uigizaji wamekuwa wakitangaza kwa muda kuhusu pigano hilo la ndondi la leo tarehe 23 mwezi huu wa Februari mwaka huu wa 2021.

Na hii leo waliachilia video za pigano hilo lao ambapo Eric Omondi alishindwa na Khaligraph Jones lakini bado hataki kukubali kwamba alishindwa.

Wiki tatu zilizopita Eric alionekana akinunua jeneza na kuchimba kaburi vitu ambavyo angetumia kumzika Khaligraph baada ya kumshinda hii leo lakini mambo yamekwenda ndivyo sivyo.

Kulingana naye mwamuzi wa pigano lao alikuwa anampendelea mpinzani wake ambaye ni Khaligraph na kwamba Khaligraph alitumia mbinu ambazo hazikubaliki kwenye mchezo huo ndiposa akamshinda.

khaligraph ambaye aliamua kusalia kimya muda wote huo akifanya mazoezi anaonekana kufurahia ushindi wake huku akihimiza Eric achapishe video nzima ya pigani ili watu waone alivyomshinda.

Pigano hilo “Bomba Boxing Match” lilikuwa limedhaminiwa na kampuni ya ubashiri ya Kenya Charity Sweepstake.

Leave a Reply

Your email address will not be published. Required fields are marked *