Kenya U 17 yafurushwa CECAFA na kukosa fursa ya kufuzu AFCON

Kenya ilitmuliwa kwenye michuano ya Cecafa  na kukosa nafasi ya kushiriki michuano ya kombe la  AFCON kwa chipukizi wasiozidi umri wa miaka 17 mjini Rubavu Rwanda.

Vijana wa Kenya walitarajia Uganda ambao ni mabingwa watetezi waishinde Ethiopia mabao 6-0   siku ya Ijumaa  katika pamano la  mwisho la  kundi A ili watinge nusu fainali baada ya Kenya kunyukwa mabao 5-0 na Uganda katika mechi ya ufunguzi.

Uganda wakipiga na Ethioipia

Uganda iliwacharaza Ethiopia mabao 3-0 katika mechi ya mwisho iliyochezwa Ijumaa  katika uwanja wa Umuganda na kuongoza kwa pointi 6 wakifuatwa na Ethiopia kwa alama 1 huku Kenya pia ikisha mkia kwa alama 1.

Haya ni mashindano ya pili mtawalia ambayo Kenya imekosa  fursa ya kushiriki michuano ya Afcon mwakani baada ya timu ya chipukizi wasiozidi umri wa miaka 20 pia kuibuka ya nne katika mashindano ya Cecafa yaliyokamilika Tanzania  mapema mwezi huu.

Mashindano hayo ya CECAFA yanayoshirikisha mataifa 6 yataingia nusu fainali Jumapili  Uganda wakifungua ratiba dhidi ya Djibouiti kabla ya Tanzania kumaliza udhia Ethiopia.

Fainali ya kipute hicho kupigwa Disemba 22 huku timu ya kwanza na ya pili zikifuzu kushiriki mashindano ya Afcon mwezi Juni mwakani nchini Moroko.

 

Leave a Reply

Your email address will not be published. Required fields are marked *