IPOA kuchunguza mashambulizi ya polisi dhidi ya mwanahabari wa shirika la KBC

Halmashauri ya  Kuthathmini  Utendaji Kazi wa Kikosi cha  Polisi  (IPOA)  imezindua  uchunguzi kuhusu kisa ambacho kilinaswa kwenye kanda video  ambapo maafisa wa polisi  walionekana kumshambulia   mwendeshaji  gari mmoja  na pia  mwanahabari ambaye alinasa kisa hicho  katika kaunti ya   Nakuru.

Kupitia  taarifa, mwenyekiti wa  halmashauri hiyo,  Anne Makori alisema halmashauri hiyo itatoa mapendekezo yanayofaa ya utovu wa nidhamu dhidi ya maafisa hao  wa polisi kwa Mkurugenzi wa Mashtaka ya Umma, Huduma ya Polisi ya Kitaifa, Tume ya Huduma ya Polisi ya Kitaifa, au  asasi yoyote  husika ya  Serikali.

Sehemu ya kanda hiyo ya video ambayo imesambaa  kwenye mitandao ya kijamii inaonyesha maafisa watatu wa polisi wakimshambulia mwendeshaji   gari  mmoja ambaye alikuwa akilalamika  baada ya mmoja wa maafisa hao wa polisi wa trafiki ambaye alikuwa akidhibiti trafiki katika eneo la Baranabas kugonga gari lake kwa  kijiti.

Mwandishi mmoja  wa habari wa shirika la Utangazaji Nchini (KBC) wa eneo la  Nakuru, Simon Ben aliyerekodi kanda ya ugomvi kati ya maafisa hao na mwendesha  gari katika barabara kuu ya Nakuru-Nairobi sasa anauguza majeraha baada ya kushambuliwa na maafisa wa polisi kwa  kurekodi kisa hicho.

Alitafuta matibabu katika hospitali kuu ya kaunti ya  Nakuru kabla ya kuripoti swala hilo katika kituo kikuu cha polisi cha Nakuru

Leave a Reply

Your email address will not be published. Required fields are marked *