Idris Elba atangaza ujio wa kibao chake na Megan Thee Stallion

Muigizaji, mwanamuziki na mpiga muziki au ukipenda Dj Idris Elba amefichua kwamba amekuwa akiunda muziki na mwanamuziki Megan Thee Stallion.

Idris aliyasema hayo kwenye mahojiano na kituo cha redio cha Uingereza kwa jina “Capital Fm” na aliongeza kusema kwamba kibao hicho ni cha uzuri wa hali ya juu.

Alisema pia kwamba amefanya kibao kingine na Franky Wah nawatakizindua hivi karibuni. Muigizaji huyo amewahi kufanya kazi ya muziki na wanamuziki tajika kama vile Wiley, Sean Paul na MC Kah-Lo na anatumai kwamba atafanikiwa kushirikiana na Taylor Swift pia.

Anasema amemfahamu Taylor kwa muda sasa huku akisema wengi hawajui jinsi anajikaza wao huona tu albamu, mauzo na tuzo wasijue msanii anavyojikakamua.

Kulingana naye, itakuwa raha kushirikiana na Taylor.

Idrissa Akuna Elba, wa umri wa miaka 48 sasa, ni mzaliwa wa London Uingereza lakini ana asili ya Sierra Leone Barani Afrika. Mamake mzaliwa wa Ghana na babake mzaliwa wa Sierra Leone, walikutana na kuoana nchini Sierra Leone kabla ya kuhamia Uingereza.

Wengi walimfahamu Idris kutokana na fani ya uigiizaji wa filamu lakini baadaye aliingilia kazi ya muziki.

Leave a Reply

Your email address will not be published. Required fields are marked *