FKF yatozwa faini ya shilingi milioni 1 na CAF

Shirikisho la soka nchini FKF limetozwa faini ya shilingi milioni 1 na Caf kwa kukiuka sheria wakati wa mchuano baina ya Kenya na Comoros kufuzu kwa kombe la Afcon tarehe 11 mwezi uliopita uwanjani Kasarani.

Kulingana na Caf Naibu Rais William Ruto  na aliyekuwa  waziri Mkuu Raila Odinga wakiwa na  maafisa wao wa usalama waliingia na kukutana na wachezaji wa Harambee stars  ndani ya uwanja , eneo ambalo ni kinyume cha sheria za mchezo  kwa mtu yeyote asiye mchezaji kuingia na kupuuza maagizo ya walinda usalama wa Caf kuwazuia kutoingia katika eneo  hilo la Zone 1 .

Kenya ilitoka sare ya bao 1-1 na Comoros katika mechi hiyo iliyochezwa katika uwanja wa Kasarani na kudidimiza  matumaini ya  Harambee Stars kufuzu kwa kipute cha Afcon mwaka 2022 nchini Cameroon.

Hata hivyo FKF iko na fursa ya kukata rufaa uamuzi  huo katika kitengo cha rufaa cha CAF.