Brian Mandela ajiunga na Mamelodi Sundowns kwa mkataba wa miaka mitatu

Difenda wa Kenya Brian Onyango Mandela amesaini mkataba wa miaka mitatu kuwachezea  mabingwa wa Afrika Kusini Mamelodi Sundowns.

Mandela amejiunga na Mamelodi maarufu kama the Brazillians  akitokea  Maritzburg United kwa uhamisho usio wa malipo .

Awali beki huyo aliichezea timu ya Santos mwaka 2012 alipowasili Afrika kusini kwa mara ya kwanza  kabla ya kujiunga na SuperSport United.

Mandela  aliye na umri wa miaka 26 anafuata nyaoyo za kapteini wa zamani wa Harambee Stars Musa Otieno aliyeichezea timu ya  Santos baina ya mwaka  1997  na  2011.

Beki huyo alikuwa amesainiwa na timu iliyopandishwa ngazi maajuzi katika ligi kuu ya Afrika Kusini Tshakhuma Tsha Madzivhandila  lakini hakuwa amesaini kandarasi nao .

Akiwa Mamelodi ,Mandela atacheza pamoja na  kipa wa kilabu hiyo ya Mamelodi  Denis Masinde Onyango ,ambaye na nahodha wa  Uganda Cranes.

Onyago aliinza soka humu nchini kenya akiichezea timu ya Posta Rangers mwaka 2010 ,kabla ya kujiunga na Tusker Fc kati ya mwaka 2011-2012 na kisha akajiunga na Santos ya Afrika kusini baina ya mwaka 2012-2105 akicheza mechi 48 na kufunga mabao matatu kabla ya kuhamia Maritzburg United kutoka mwaka  2015 hadi 2019 aliposakata michuano 77  na kufunga mabao 8.

Upande wa timu ya taifa Harambee Stars Mandela amecheza mechi 22 na kufunga mabao 2  na akiwa Afrika kusini atakutana na Mkenya mwingine  kiungo  Anthony Akumu wa Kaizer Chiefs.

Mamelodi imenyakua taji ya ligi kuu Afrika kusini mara 10 ,ya mwisho ikiwa mwaka jana huku pia wakijivunia kunyakua kombe la ligi ya mabingwa Afrika mara moja.

Leave a Reply

Your email address will not be published. Required fields are marked *