Daisy Cherotich na Gideon Rono watamba siku ya pili ya riadha Nyayo

Daisy Cherotich ametwaa ushindi wa mbio za mita 10,000 wanawake katika siku ya pili na ya mwisho ya mashindano ya uwanjani maarufu kama Track and Field yaliyoandaliwa uwanja wa taifa wa Nyayo Jumapili.

Cherotich alizikamilisha mbio hizo kwa dakika 32 sekunde 19 nukta 1 akifuatwa na Everlyn Chirchir kwa dakika 32sekunde 37 nukta 9 huku Joyce Chepkemoi akiridhika katika nafasi ya tatu kwa dakika 32 sekunde 58 nukta 8.

Geideon Rono alimwonyesha kivumbi bingwa wa kitaifa katika mbio nyika Rodgers Kwemoi na kunyakua ushindi katika mita 5000 alipokata utepe kwa dakika 13 sekunde 21 nukta 2 akifuatwa na Kwemoi kwa dakika 13 sekunde 21 nukta 8 huku Daniel Simiu akihitimisha tatu bora kwa dakika 13 sekunde 29 nukta 6.

Lydia Jeruto aliibuka mshindi katika mita 1500 akitumia dakika 4 sekunde 15 nukta 2 akifuatwa na Vivia Kosgei kwa dakika 4 sekunde 15 nukta 7 wakati Esther Wambui akitwaa nafasi ya tatu kwa dakika 4 sekunde 16.

Mashindano hayo ya siku mbili yalipaswa kuandaliwa katika chuo kikuu cha Bondo lakini yakahamishwa hadi Nairobi ,na sasa mkondo wa pili utaandaliwa kati ya Machi 12 na 13 katika kaunti ya Embu ukifuatwa na mkondo wa tatu na wa mwisho mjini Mumias baina ya April 2 na 3 .
Yafuatayo ni baadhi ya matokeo ya Jumapili

10,000m women
1. Daisy Cherotich 32:19.1
2 Everlyn Chirchir 32:37.9
3 Joyce Chepkemoi 32:58.8
4 Gladys Koech 34:17.3
5000m men
1 Gideon Rono 13:21.2
2 Rodgers Kwemoi 13:21.8
3 Daniel Simiu 13:29.6
4 Michael Kibet 13:36.6
5 Stanley Waithaka 13:43.7
1500m women
1 Lydia Jeruto 4:15.2
2 Vivian Kosgei 4:15.7
3 Esther Wambui 4:16.0
4 Loice Chemining 4:16.2
400m women
1 Hellen Syombua 55.17
2 Janet Jepkoech 57.95
3 Mercy Jerop 59.36
4 Faith Moraa 59.30
400m men
1 Zablon Ekwam 45:65
2 William Raiyan 46.13
3 Wycliffe Kinyamal 46.55

Baadae kutaandaliwa majaribio ya kitaifa kati ya tarehe 16 na 17 April katika uwanja wa Nyayo ambapo AK itateua wanariadha watakaoshiriki makala ya 22 ya mashindano ya Afrika nchini Algeria baina ya Juni 1 na 5 mwaka huu.

Leave a Reply

Your email address will not be published. Required fields are marked *