Categories
Michezo

Michezo ya Olimpiki haitaahirishwa kamwe 2021 asema Bach

Rais wa kamati ya kimataifa ya Olimpiki IOC Thomas Bach amesesitiza kuwa kamwe micheoz ya Olimpiki ya mwaka huu haitaahirishwa bali itaanza ilivyopangwa Agosti 23 mwaka huu mjini Tokyo Japan.

Akizungumza mapema Alhamisi  kwenye mahojiano ya runinga na Kydo News ,Bach amesema kuwa IOC haina mpangilio mbadala wa michezo hiyo na hakuna kisuizi chochote kwa michezo hiyo.

“Tumejitolea kwa wakati huu,na hakuna sababu yoyote ya kuamini kuwa michezo hiyo haiytaandaliwa mjini Tokyo Japan kuanzia Agosti 23  katika uwanja wa Olympic mjini Tokyo,” akasema Bach

“Hii ndio maana hatuna mpango mbadala  na tumejitolea  kufanikisha michezo michezo na kuhakikisha imefanyika”akaongeza Bach

Imeabinika kuwa Tokyo wamasimama kidete kuwa hawataahirisha michezo hiyo kutokana na gharama kubwa iliyotumika kwa maandalizi huku pia michezo ya olimpiki ya majira ya baridi mwaka 2022 ikikaribia mjini Beijing.

Michezo ya Olimpiki makala ya 32 ilipaswa kuandaliwa kuanzia Julai 23 mwaka uliopita kabla ya kuahirishwa hadi mwaka huu kutokana na mkurupuko wa ugonjwa wa Covid 19.

Categories
Michezo

AK Central Rift yalenga kuteua kikosi dhabiti cha chipukizi u 20

Chama cha riadha Kenya eneo la Central Rift kinapanga  kuteua timu dhabiti itakayoshiriki majaribio ya kitaifa ya timu ya chipukizi wasiozidi umri wa miaka 20.

Kulingana na mwenyekiti wa AK Central Rift Abraham Mutai ,wamekuwa wakiandaa kambi za wanariadha chipukizi ili kuwaandaa kwa majaribio ya kitaifa kutafuta timu ya Kenya itakayoshiriki mashindano ya dunia .

“Kwa sasa tumekuwa tukiandaa kambi kwa wanariadha chipukizi wasiozidi umri wa miaka 20  kila wakati wa likizo,tunataka kusema kuwa kama region tunataka kuhakiksha wanariadha wetu wamejiandaa vyema na wako katika hali nzuri kuishindia Kenya Nishani .Tutaandaa kambi ya mwisho mwezi April mwaka huu,lakini pia wanariadha wamekuwa wakifanya mazoezi”akasema Mutai

Mutai anajivunia matokeo bora ya wanariadha kutoka eneo hilo ambalo  wanariadha wake watano wanashikilia rekodi ya dunia kwa sasa huku wakilenga kuboresha matokeo yao.

“Tunajivunia kuwa na wanariadha tajika kutoka eneo langu na pia wanariadha watano wanaoshikilia rekodi za dunia wanatoka region yangu ,kwa sasa tuna miradi takriban 30 ya wanariadha inayoendelea kwa sasa  “akaongeza Mutai

Kenya itaandaa amshindano ya dunia kwa chipukizi wasiozidi umri wa miaka 20 katika uwanja wa Kasarani baina ya Agosti 17 na 22 mwaka huu.

Baadhi ya wanariadha kutoka Central Rift ni kama vile bingwa wa Olimpiki katika mbio za mita 3000 kuruka viunzi na maji Consenslus kipruto,Julius Yego na bingwa mara 7 wa dunia katika mita 3000 kuruka viunzi  na maji Ezekiel Kemboi miongoni mwa wengine.

 

 

 

Categories
Michezo

Cameroon na Mali watoshana nguvu huku Burkina Fasso ikiwatimua Zimbabwe CHAN

Wenyeji Cameroon maarufu kama Indomitable Lions na Flying Eagles ya Mali  zilitoka sare  ya bao 1-1   katika uwanja wa Ahidjo Ahmadou mjini Doula,mchuano  wa kundi A uliochezwa Jumatano usiku .

Cameroon walitangulia kufunga bao katika dakika ya 6  kupitia kwa Salomon Bindjeme 2 kabla ya Issaka Samake kuisawazishia Mali kunako dakika 12 na kipindi cha kwanza kumalizika kwa sare ya 1-1.

Timu zote zilicheza kwa tahadhari kuu huku mchuano ukimalizika kwa sare ya bao 1-1.

Matokeo hayo yanamaanisha kuwa timu zote zina fursa ya kufuzu kwa robo fainali zikiwa na alama 4 kila moja huku wakimaliza mechi zao Jumapili ijayo  ambapo Cameroon watacheza na Burkinafasso huku Mali wakihitimisha ratiba dhidi ya  Zimbabwe.

Katika pambano la pili Jana usiku Zimbabwe inayofunzwa na kocha Zdravko Lugarisic ilikuwa timu ya kwanza kubanduliwa katika mashindano ya mwaka huu baada ya kupoteza mabao 3-1 kwa Burkina Fasso  katika uwanja wa Ahidjo Amadou.

Issouf Sosso alifungua ukurasa wa magoli kwa Burkinafasso katika dakika ya 14 kabla ya Partson Jaure kusawazisha katika dakika ya 23 na kipindi cha kwanza kuishia sare ya 1-1.

Claver Kiendrébéogo aliwarejesha Burkinafasso uongozini kwa bao la pili dakika 53 naye Issiaka Ouédraogo kupachika bao la tatu dakika ya 67.

Cameroon wangali kuongoza kundi hilo kwa pointi 4 sawa na Mali wakifuatwa na Burkina Fasso kwa alama 3 wakati Zimbabwe ikiwa bila alama.

Mechi mbili za kundi B kupigwa Alhamisi Libya wakifungua ratiba dhidi ya Congo DR nao Niger wacheze na Congo Brazaville saa nne usiku.

 

 

Categories
Michezo

Kothbiro kutinga nusu fainali Alhamisi

Mashindano ya soka ya kila mwaka ya  Kothbiro yataingia hatua ya nusu fainali  katika uwanja wa Ziwani kaunti ya Nairobi  siku ya Alhamisi .

 

Dallas All Stars kutoka Muthurwa  ilitinga nusu fainali baada ya kuwapachika Kajiado All stars 2-1 kwenye robo fainali,Asec Huruma wakawatema  Biafra Kamaliza ya wadi ya  Kiambio 2-1 robo fainalini.

Kwa mjibu wa mshirikishi wa mashindano hayo Paul Ojenge  licha ya changamoto kadhaa makala ya mwaka huu yamekuwa na ufanisi mkubwa  hususan tangu kupokea ufadhili kutoka kwa kampuni ya Betmoto.
“Licha ya changanoto kdhaa zilizoshuhudiwa hadi sasa mashindano yamekuwa na ufanisi mkubwa  na ningependa kuchukua fursa hii  kuzipongeza timu zilizosalia mashindanoni kwa kudhihirisha ukakamavu na ukomavu.pia niwashukuru wadhamini wetu Betmoto  ambao wamefufua upya mashindano haya “akasema Polosa
Meneja wa mauzo wa Betmoto  ambaye pia ni mchezaji wa zamani wa timu ya taifa ya Charles Cardovillis amesema kuwa maswala tata yaliyokuwepo kwenye mashindano hayo tayari yametatuliwa keulekea kwani fainali ya Jumapili hii.
“Tumekutana na timu zote na ndio maana tulikuwa tumeahirisha mashindano haya .Tunataka kucheza soka na kila mmoja anataka kuendelea na soka ikiwemo timu za mwaka jana .
Tatizo kubwa lilikuwa ni kukatika kwa mawasiliano  kutoka kwa waandalizi  hatua iliyokera timu zilizokosa kutuzwa mwaka jana  ikionekana kuwa walikuwa wakitoa ahadi hewa.
Kama Betmoto tumekubaliana kulipa sehemu ya zawadi ya pesa za mwaka jana huku waandalizi wakilipia gharama itkayosalia  kwa sababu ya maslahi ya mchezo”akasema Cardovillis
Kothbiro ni mashindano ambayo huandaliwa kila mwaka mtaani Ziwani na ni mojawapo wa mashindano makongwe zaidi nchini.
Categories
Michezo

Cameroon na Mali zawinda nafasi ya robo fainali

Wenyeji Indomitable Lions ya Cameroon na Flying Eagles ya Mali watakuwa wakiwania tiketi ya kwanza kucheza robo fainali ya makala ya 6 ya kombe la CHAN watakapopambana Jumatano usiku katika mchuano wa kwanza wa raundi ya pili uwanjani Ahidjo Amadou  mjini Yaounde Cameroon.

Timu hizo zitakutana katika mechi ya kundi A ikiwa ni mara ya pili katika historia baada ya Cameroon kuwashinda Mali bao 1-0 katika makala ya CHAN mwaka 2011 nchini Sudan.

Mataifa yote yaliafungua makala ya mwaka huu ya CHAN kwa ushindi wa bao 1-0 dhidi ya Zimbabwe na Burkinafasso Jumamosi iliyopita huku pia ikisadifu magoli yote kufungwa kuanzia dakika za 70  na 72 .

Kocha wa Mali Nahoum Diane’ ambaye ana uzoefu mkubwa atajaribui kutumia vyema safu yake ya ushmabulizi na mabeki ili kupata matokeo huku Indomitable Lions pia wakijivunia safu imara ya nyuma.

Sare pia itafaidi pande zote na kuwafuzisha robo fainali endapo mchuano wa pili kati ya Burkinafasso na Zimbabwe utaishia sare.

Categories
Michezo

Guinea na Zambia watema cheche za moto kombe la CHAN

Syli Nationale ya Guinea na Chipolopolo ya Zambia walisajili ushindi mkubwa katika mechi za kundi D kuwania kombe la CHAN Jumanne usiku katika uwanja wa Reunification nchini Cameroon.

Guinea waliisasambua Brave Warriors ya Namibia magoli 3-0 Yakhouba Gnagna Barry mshambulizi wa klabu ya AC Horoya  akipachika bao la kwanza kunako dakika ya 13  kufuatia makosa ya kutoelewana kati ya kipa wa Namibia Edward Maova na difenda  Immanuel Heita aliyetoa  pasi hafifu ya nyuma.

Morlaye Sylla aliongeza bao la pili kwa Guinea katika dakika ya mwisho ya mazidadi kipindi cha kwanza ,huku Guinea wakienda mapumziko kwa uongozi wa 2-0.

Kipindi cha pili Guinea waliongeza mashambulizi wakati wenzao Namibia wakionekana kupotea katika mechi na kulazimika kujihami katika mlango wao .

Hata hivyo katika dakika ya 86  Yakhouba Gnagna Barry alipiga tobwe lililomzidia kasi kipa na kupiga bao lake na pili linalomfanya kuwa mfungaji bora kufikia sasa .

Guinea watarejea uwanjani Jumamosi dhidi Zambia nao Tanzania wapimane nguvu na Tanzania.

Awali katika kundi hilo Tanzania waliangushwa mabao 2-0 na Zambia  Collins Sikombe na Emmanuel Chabula wakipachika bao moja kila mmoja katika kipindi cha pili.

Tanzania walicheza vizuri kipindi cah kwanza lakini wakalemewa kunako kipindi cha pili ingawa kipa Aishi Manula aliwaepushia fedheha zaidi kwa kupangua mikwaju kadhaa.

Categories
Michezo

Timu ya Olunga Duhail yaangukia Ahly Droo ya kombe la dunia kwa vilabu mwezi ujao

Timu ya Al Duhail Sc  ya Qatar anakocheza Michael Olunga imeratibiwa kuchuana na mabingwa wa Afrika mara 9 Al Ahly  kutoka Misri katika mchuano wa pili wa fainali za kombe la dunia baina ya vilabu mwezi ujao nchini Qatar.

Kwa mjibu wa droo iliyoandaliwa Jumanne jioni mjini Zurich Uswizi mabingwa wa bara Asia Ulsan Hyundai ya Korea Kusini watapiga mechi ya kwanza dhidi ya Tigres ya Mexico Februari 4 mwaka huu katika uwanja wa Ahmad Bin Ali , kabla ya mabingwa wa Qatar Al Duhail Sc kumenyana  Al Ahly katika mechi ya pili  dhidi ya Ahly katika kiwara cha Education City.

Mshindi wa pambano kati ya Ulsan na Tigres atakutana na mabingwa wa Amerika kusini ambao watabainika katika fainali ya kuwania kombe la Libertadores baina ya Santos Fc na Palmeiras zote za Brazil ,nusu fainali hiyo ikichezwa Januari 30 .

Atakayeshinda robo fainali baina ya Ahly na Duhail atapimana nguvu na mabingwa wa Ulaya Bayern Munich kwenye nusu fainali ya pili kisha washindi watoane jasho tarehe 11 mwezi ujao katika fainali.

Mashindano ya kombe la dunia baina ya vilabu hushirikisha timu 6 mabingwa wa kila bara ,wakati bara wenyeji wakiwakilishwa  na timu  2 .

 

Categories
Michezo

Wanariadha 6 wanufaika na msaada wa masomo kutoka kwa ANOCA

Bingwa wa jumuiya ya madola katika mita 800 Wyclife Kinyamal,bingwa wa Olimpiki katika mita 3000 kuruka maji na viunzi Consenslus Kipruto ,bingwa wa dunia wa mita 1500,Rodgers Kwemoi aliyeibuka wa 4 katika mita 10,000  mashindano ya dunia ya mwaka 2019 ,bingwa wa kitaifa mita 800 mwaka 2018 Emily Cherotich  na mshindi wa nishani ya shaba ya dunia miat 800 mwaka 2019 Ferguson Rotich wamenufaika na msaada wa masomo wa kima cha shilingi milioni 2 , kutoka kwa kamati za Olimpiki barani Afrika ANOCA.

Wanariadha hao walipokea hundi ya shilingi milioni 2 ambapo kila mmoja atapata  msaada wa masomo wa shilingi laki 4 kutoka kwa Rais wa kamati ya Olimpiki nchini kenya Nock Paul Tergat mapema Jumanne alipoongoza msafara wa viongozi wa maafisa wa NOCK na wale wa timu itakayoshiriki michezo ya Olimpiki kuzuru kambi za mazoezi ya wanariadha wanaojiandaa kwa michezo ya Olimpiki mjini Eldoret.

Tergat akizungumza kwenye hafla hiyo iliyofuatia warsha  iliyohudhuriwa na wanariadha kadhaa ,amesema kuwa atahakisha timu ya kenya inapata maandalizi na matayarisho bora kwa michezo ya Olimpiki ya mwaka huu.

“Tunataka kuwahakikishia kuwa tutafanya kazi kwa pamoja  kama wadau kuhakikisha kuwa wanariadha wote wamejiandaa vyema kwa michezo ya Tokyo .Tunaangalia mbinu zote zilizopo ikiwemo kutoa misaada ya masomo na tunawahimiza wanariadha kutafakari kuhusu maisha yao ya siku za usoni  baada ya kustaafu yanakuwa bora”Akasema Tergat

Rais wa NOCK Paul Tergat akipiga picha na wanariadha watano kati ya 6  waliopokea msaada wa masomo

Kwa upande wake mkurugenzi wa timu ya Kenya ya Olimpiki mwaka huu Barnaba Korir ametoa hakikisho kuwa wanariadha waliofuzu kwa michezo hiyo na wale watakaoshiriki mashindano ya kufuzu ni wale bora pekee ambao wataenda Olimpiki sio tu kushiriki ,bali kutwaa medali.

Maafisa wengine wa NOCK kwenye ziara ya leo ni pamoja na kaimu katibu mkuu  Francis Mutuku na mwakilishi wa wanariadha Humphrey Kayange ambao walijiunga na kocha wa mbio za masafa marefu kutoka kambi ya Kaptagat Patrick Sang.

Bingwa wa Olimpiki katika  mita 5000 Vivian Cheruiyot aliwahimiza wanariadha kutumia vyema pesa wanazopata kupitia riadha haswa  baada ya janga la COVID 19 lililosababisha kusitishwa kwa mashindano yote kote ulimwenguni mwaka uliopita.

 

 

Categories
Michezo

CHAN kuingia siku ya 4 mjini Limbe Tanzania wakifungua pazia na Zambia

Chipolopolo ya Zambia watafungua ratiba ya kundi D ya michuano ya Chan Jumanne usiku dhidi ya Taifa Stars ya Tanzania saa moja usiku katika uwanja wa Limbe Omnisport mjini Limbe Cameroon.

Tanzania wanashiriki michuano ya CHAN kwa mara ya 2 baada kushiriki kwa mara ya kwanza mwaka 2009 walipotoka sare moja ,kushinda mchuano mmoja na kupoteza mmoja.

Upande wao Chipolopolo wanacheza CHAN kwa mara ya 4 na ya 3 mtawalia baada ya kushiriki miaka ya 2016 na 2018 ambapo waliibuka wa tatu mwaka 2009 huku wakicheza hadi robo fainali mwaka 2016 na 2018.

Baadae saa nne usiku Brave Warriors ya Namibia watashuka uwanjani Limbe Omnisport dhidi ya Syli Nationale ya Guinea .

Guinea wanacheza CHAN kwa mara  ta tatu mtawalia  baada ya kukosa makala matatu ya wkanza  na waliibuka wa nne mwaka 2016 kabla ya kuyaaga mashindano katika  hatua ya makundi mwaka 2018.

Namibia wanashiriki CHAN kwa mara ya pili baada ya kubanduliwa na wenyeji Moroko katika robo fainali mwaka 2018 mabao 2-0.

Mechi 6 zimepigwa kufikia sasa  na mabao 4 kufungwa  nazo  mechi mbili kuishia sare tasa.

Mechi za mzunguko wa pili hatua ya makundi kuanza Jumatano ambapo watakaosonga mbele na wale watakaoanza kufunganya virago wakianza kubainika.

 

Categories
Michezo

Samatta apiga bao la tatu Fernabahce

Nahodha wa timu ya taifa ya Tanzania Ali Mbwana Samatta alifunga bao lake la tatu katika klabu ya Ferbahce ya Uturuki msimu huu huku akichangia ushindi wa magoli 3-1 nyumbani dhidi ya Ankaragucu Jumatatu usiku.

Sammata  alipachika bao hilo kunako dakika ya 34 ya mchezo alipopokea  pasi katika eneo la D na kumhadaa kipa .

Likuwa bao la tatu msimu huu kwa  Samatta msimu huu ,huku ushindi huo ukiichupisha  Fernabahce hadi nafasi ya pili kwenye jedwali kwa alama  38 sawa na Besiktas.

Mshambulizi huyo alijiunga na Ferbahce  Septemba mwaka jana kwa mkataba wa miaka minne  akitokea Aston Villa kwa kima cha Euro miloni 6 na awali alikuwa na Racing Genk ya Ubelgiji alikosakata mechi 121 na kupachika mabao  76 huku akichangia mengine 20.