Categories
Michezo

Stars kucheza mechi tatu za kujipiga msasa kabla ya kuikabili Misri

Timu ya taifa Harambee Stars imeratibiwa kucheza mechi tatu za kirafiki kunoa makali kabla ya kukabiliana na Misri katika pambo la kundi G kufuzu dimba la Afcon tarehe 22 mwezi ujao katika uwanja wa kimataifa wa Kasarani.

Stars watapambana na Sudan Kusini tarehe 13 mwezi ujao hapa Nairobi ,kabla ya kuwaalika Tanzania siku mbili baadae na kuzuru Tanzania tarehe 18 .

Kenya itawaalika Pharoes ya Misri katika pambano la tano kundi G Machi 22 kabla ya kusafiri kwenda Lome Togo kwa mkwangurano wa mwisho tarehe 30 mwezi ujao.

Mechi hizo zitakuwa za kuhitimisha tu ratiba kwa Kenya ambayo haina fursa ya kuzipiku Misri na Comoros zilizo kileleni pa kundi hilo, ili kufuzu kwenda AFCON kwa mara ya pili mtawalia kwa mara ya kwanza ,baada ya kushiriki mwaka 2019 nchini Misri.

Comoros inaongoza kund F kwa pointi 8 sawia na Misri huku timu hizo mbili zikimenyana katika mchuano wa mwisho tarehe 30 mjini Cairo Misri ,mataifa yote yakihitaji kwenda sare ili kutwaa nafasi hizo mbili.

Kabla ya hapo Comoros watakuwa na fursa ya kufuzu watakapowaalika Togo tarehe 22 mwezi Machi wakiwania tu sare ili kujikatia tiketi kwa mara ya kwanza.

Kenya ni ya tatu kundini G kwa alama 3 wakati Togo ikiwa imezoa pointi 1.

Wakati uo huo wachezaji 28 wa humu nchini wameitwa kambini kujiandaa kwa mtihani huo.

Categories
Michezo

Vipusa wa KCB walenga matokeo bora ligi kuu KVF Wikendi hii

Timu ya akina dada ya voliboli ya Kenya Commercial Bank inaangazia kusajili matokeo mazuri katika mzunguko wa pili wa mechi za ligi kuu KVF wikendi hii katika ukumbi wa uwanja wa Nyayo.

Timu hiyo inaendeleza mazoezi katika ukumbi wa Nyayo kujitayatisha kwa mechi hizo mbili Jumamosi na Jumapili hii.

Wahifadhi hela KCB watafungua ratiba Jumamosi dhidi ya KDF inayozidi kuimarika kabla ya kukabana koo na Kenya Pipeline siku ya Jumapili.

Kwa mjibu wa kocha mkuu wa KCB Japheth Munala watalenga kuboresha matokeo ya mechi yao dhidi ya Prison katika mkondo wa kwanza.

“Katika mechi ya mwisho dhidi ya Prisons tulipoteza kutokana na makosa tuliyofanya ,tumekaa chini na tukarekebisha makosa hayo,tutakutana na timu mbili ngumu wikendi hii na tumejitayarisha vyema na tunajiamini tutapata ushindi”akasema Munala

Timu hiyo pia imetangaza kutokuwa na majeruhi mengi,ila machache tu wanapoelekea kwa michuano ya wikendi, huku wachezaji wote wakitarajiwa kucheza.

Upande wake nahodha wa klabu hiyo Norah Murambi ,amesema wako tayari kukabiliana na timu za KDF na Pipeline mwishoni mwa juma.

“Tumefanya mazoezi kwa bidii na kubadilisha makosa tuliyofanya katika mchuano wetu wa mwisho ,timu iko katika hali shwari na tayari kwa pambano lijalo”akasema Murambi.

Categories
Michezo

Musa Otieno ana imani ya Kenya kufuzu AFCON 2022

Aliyekuwa nahodha wa muda mrefu zaidi wa Harambee Stars Musa Otieno ana imani kuwa timu hiyo itashinda mechi mbili za kufuzu za mwezi ujao na kujikatia tiketi kwa kipute cha AFCON mwaka ujao nchini Cameroon.

Otieno ambaye ni mmoja wa washauri wa kiufundi wa FKF amesema ana imani na mbinu za ukufunzi za kocha Jacob Ghost Mulee baada ya kuiongoza timu hiyo katika makala ya mwaka 2004 nchini Tunisia akiwa nahodha.

“Katika soka kila kitu kinawezekana,nina imani na kocha Mulee,cha mhimu ni kujiamini na kupata matokeo katika mechi dhidi ya Misri hapa Nairobi na pia tushinde Togo ugenini “akasema Otieno

Kenya ni ya tatu katika G la kufuzu kwa pointi 3 wakati Comoros na Misri zikiaongoza kwa alama 8 kila moja na ili kujikatia tiketi kwenda Afcon kwa mara ya pili mtawalia Harambee Stars hawana budi kushinda mechi zote mbili zilizosalia dhidi ya Misri Machi 22 mwaka huu uwanjani Kasarani ,na kuilaza Togo tarehe 30 mwezi ujao na kutarajia kuwa Misri na Togo hawatazoa hata pointi moja katika mechi zao mbili zilizosalia.

Otieno amelitaka shirikisho la FKF kuweka mikakati ifaayo kuanzia kwa mashindano ya shule za sekondari kuhakikisha kuwa Harambee Stars inafuzu kwa fainali za kombe la dunia mwaka ujao nchini Qatar.

“majirani zetu wametilia maanani mashindano ya shule za sekondari na pia FKF inapaswa kuyazingatia mashindano hayo na tutengeze timu thabiti za chipukizi,cha mhimu pia ni benchi ya ukufunzi kuhakikisha Kenya inashinda mechi zote za nyumbani na kutafuta sare kadhaa ugenini au hata ushindi ili kufuzu”akaongeza Otieno

Kenya imejumuishwa kundi E la kufuzu kwenda Qatar pamoja na miamba Mali,Uganda na Rwanda huku mechi hizo zikianza mweiz Juni mwaka huu ambapo timu bora kutoka kundi hilo itatinga hatua ya mwondoano.

Categories
Michezo

Brigid Kosgei ateuliwa kuwania tuzo ya 22 Laureus

Bingwa mtetezi wa London Marathon Brigid Kosgei ndiye mkenya pekee aliyeteuliwa katika orodha ya wanariadha wanaowania tuzo ya mwanamichezo bora mwaka uliopita kwenye makala ya 22 ya tuzo hiyo.

Kosgei aliye na umri wa miaka 26 alihifadhi taji ya mbio za Londona marathon mwaka uliopita ,kando na kuibuka wa pili katika mbio za Ras Al Khaima half marathon.

Kogsei anawania kuwa Mkenya wa pili kushinda tuzo hiyo baada ya Vivian Cheruiyot aliyetawazwa mshindi mwaka 2012.

Wapinzani wa Brigid kwa tuzo hiyo ni pamoja na mwendeshaji baiskeli Anna van der Breggen (Netherlands) Cycling – won both road race and time trial at World Championships kutoka Uholanzi ,Federica Brignone kutoka Italia katika mchezo wa Skiing ,bingwa wa mashindano ya Tennis ya US Open mwaka uliopita Naomi Osaka wa Japan Tennis ,nahodha wa klabu ya Lyon ya Ufaransa Wendie Renard na Breanna Stewart wa Marekani katika mpira kikapu.

Waaniaji tuzo hiyo kwa wanaume ni pamoja na Joshua Cheptegei wa Uganda aliyevunja rekodi za dunia za mita 5,000 na 10,000,Armand Duplantis wa Sweeden ,
Lewis Hamilton wa Uingereza katika mbio za langalanga ,LeBron James wa Marekani katika Basketball ,mshambulizi wa Bayern Munich Robert Lewandowskikutoka Poland
na Rafael Nadal katika Tennis akitoka Uhispania.

Shirika la Boxgirls la Kenya pia limetaeuliwa kuwania tuzo ya Laureus Sport for Good Award kutokana na juhudi za kutoa mafunzo ya masumbwi kwa jamii za mitaa ya mabanda mjini Nairobi.

Categories
Michezo

Makala ya 6 ya mbio za nyika Afrika nchini Togo yaahirishwa

Shirikisho la riadha barani Afrika limeahirisha makala ya 6 ya mashindano ya mbio za nyika yaliyokuwa yaandaliwe mjini Lome Togo baina ya tarehe 6 na 7 mwezi huu hadi tarehe nyingine .

Tangazo hilo la shirikisho la riadha Afrika CAA limetolewa ,baada ya serikali ya Togo kuomba kuahirishwa kwa mashindano kutokana na hofu ya msambao wa Covid 19 ambayo ingeletwa kutokana na idadi kubwa ya wanariadha na maafisa amnbao wangehudhuria mashindano .

Huenda mashindano hayo yakafutiliwa mbali baada ya kuahirishwa mwaka jana kutokana na uchaguzi mkuu uliokuwa ukiandaliwa.

Kulingana na chama cha riadha watalazimika kuvunja kambi ya wanariadha inayoendelea katika chuo Kigari cha mafunzo ya walimu katika kaunti ya Embu.

Afisa wa baraza kuu la chama cha riadha Kenya Barnaba Korir akizungumza na KBC amesema amethibitishiwa kuahirishwa kwa mashindano hayo na waandalizi na pia hawana budi ila kuvunja kambi na kuwaruhusu wanariadha kurejea makwao.

“Ni kweli nilipopata taarifa hizo Jumatano usiku ,nilipiga simu kwa waandalizi na wakathibitisha kuahirisha mashindano hayo,na sasa tutalazimika kuwaondoa wanariadha kwenye kambi huko Kigari TTC ,kwa sababu sioni kama mwandalizi mwingine atapatikana ndani ya wiki moja iliyosalia”akasema Korir

Wanariadha 42 na maafisa kadhaa wamekuwa wakihudhuria mazoezi katika chuo cha Kigari TTC kaunti ya Embu kujiandaa kwa mashindano hayo.

Timu hiyo imekuwa kambini kwa wiki mbili zilizopita na ilitarajiwa kuondoka nchini Alhamisi ijayo kuelekea Togo kwa mashindano hayo .

Categories
Michezo

Mashindano ya riadha yahamishwa kutoka Bondo hadi Nairobi

Chama cha riadha Kenya kimelazimika kuhamisha mkondo wa kwanza wa mashindano ya uwnajani maarufu kama Athletics Kenya Track and Field Weekend Meet yaliyokuwa yaandaliwe katika chuo kikuu cha Bondo eneo la Nyanza North Jumamosi hii yamehamishwa hadi uwnaja wa taifa wa Nyayo Nairobi.
Kulingana na mwenyekiti wa chama cha riadha kaunti ya Nairobi Barnaba Korir wamelazimika kuhamisha mashindano hayo hadi Nairobi baada ya chuo hicho kudinda kuandaa mashindnao hayo kutoka na masharti ya COVID 19.

“mkondo huo wa kwanza ulikuwa uandaliwe Bondo University lakini tumelazimika kuhamisha mashindano hayo hadi Nairobi Jumamosi hii,hatukutaka yapotee,yatakuwa mashindano ya siku nzima na yatawasadia wanariadha kujiandaa kwa michezo ya Olimpiki na mashindano mengine ya kitamataifa,kitu kilichotulazimu kuhamisha mashindano ni kuwa Bondo University wamekataa kuyaandaa kwa kutoka na kuhofia masharti ya Covid 19″akasema Korir

Mashindano hayo ya misururu mitatu yatamalizika kwa majaribio ya kitaifa kati ya April 16 na 17 mwaka huu kuchagua timu ya kenya itakayoshiriki mashindano ya bara Afrika nchini Algeria baina ya Juni mosi na 5 mwaka huu .

Hatua hii ina maana kuwa Kaunti ya Nairobi itakuwa mwenyeji wa mikosndo yote mitatu ya mbio hizo za uwanjani na mashindano ya ndani ya viwanja .

Categories
Michezo

FKF yaidhinisha shule ya St Athony Kitale kuwa kituo cha kukuza talanta

Shirikisho la soka nchini FKF limezindua shule ya wa wavulana ya St Athony Boys Kitale kuwa kituo cha kitaifa cha kukuza talanta .

Kulingana na mktaba uliotiwa saini baina ya FKF na shule hiyo ya upili hadi mwaka 2026 ,utashuhudia shule hiyo ikipewa msaada wa kiufundi kutoka kwa shirikisho litakalobuni mipango ya mafunzo ya soka kwa shule hiyo kwa wachezaji soka na wanafunzi wengine na kuoa mafunzo kwa makocha na wakufunzi wa timu hiyo.

FFK pia itatoa vifaa vya kufanyia mazoezi huku shule hiyo ikiwa na jukumu la kuwachuchukua wanafunzi 20 watakaopata msaada wa masomo kikamilifu katika mwaka wa kwanza na wengine watano kila mwaka utakaofuatia huku wanafunzi hao wakiteuliwa kupitia kw ampango maalum wa kukuza chipukizi.

Kwa mjibu wa katibu mkuu wa FKF Barry Otieno wanafunzi na wachezaji watakaojiunga na kituo hicho cha kukuza talanta watachaguliwa kila wakati wa likizo huku maskauti wakiteua wale watakaojiunga na timu za taifa .

Categories
Michezo

Kenya Morans yarejea nyumbani kwa madaha baada ya kufuzu kwa mashindano ya Afrika

Timu ya taifa ya Kenya Morans imerejea nyumbani mapema Jumatano kutoka Yaounde Cameroon ilikoshiriki michuano ya kundi B na kufuzu kwa mashindano ya kuwania kombe la Afrika baian ya Agosti na Septemba mwaka huu nchini Rwanda.

Morans iliandikisha historia kwa kuipiku Angola pointi 74-73 wiki iliyopita katika mchuano wa pili wa kundi B na kujikatia tiketi kwa mashindano hayo ya Afrika kwa mara ya wkanza baada ya miaka 28.

Timu hiyo chini ya ukufunzi wa kocha Liz Mils ililakiwa katika anga tua ya kimataifa ya Jomo Kenyatta muda mfupi baada ya saa nane usiku wa manane na kulakiwa na Rais wa shiriksiho la mpira wa kikapu nchini KBF Paul Otula na Kamishna wa michezo Japson Gitonga.

Hata hivyo ni wachezaji 7 pekee waliorejea nchini huku wengine 6 wakiabiri ndege kurejea ulaya wanakocheza wakiwmeo Tyler Ongwae,Preston Bungei na Joel Awich ,wakati Ariel Okal akisafiri kwenda Oman naye nahodha Griffin Ligare na Victor Ochieng walikuwa wamewasili nchini Jumatatu.

Punde baada ya kuwasilin kocha wa Kenya Liz Mils amesema kuwa alijua Angola ingempa ukinzani mkali baada ya kuchuana nao awalia katika michuano ya zone 6 lakini anajivuni mchezo wa vijana wake na kushukuru KBF kwa kuwa na imani naye licha ya kuwa mwanamke.

“Nilijua Angola watanitatiza kwa kuwa ni timu nzuri baada ya kupambana nao awali katika michuano ya zone 6 lakini najivuni ushindi huo na pia nashukuru shirikisho kwa kuniamini licha ya kuwa mwanamke kuingoza Morans akasema “Mils

Tyler Ongwae alifunga pointi hiyo muhimu huku Kenya ikisajili ushindi wa 74-73 katika sekunde za mwisho kuhakikisha Kenya inajikatia tiketi kwa mashindano hayo ambayo pia yatakuwa ya kufuzu kwa kombe la dunia mwaka 2023.

Timu hiyo inatarajiwa kulakiwa rasmi baadae Jumatano na wizara ya michezo.

Categories
Michezo

Simba amrarua mwarabu na kuongoza kundi A ligi ya mabingwa

Simba Sports club wameweka hai matumaini ya kutinga robo fainali ya kombe la ligi ya mabingwa Afrika baada ya kuwachuna mabingwa watetzi Al Ahly bao 1-0 katika mkwangurano uliosakatwa Jumanne alasiri katika uwanja wa Benjamin Mkapa jijini Daresalaam Tanzania.

Bao la pekee na la ushindi kwa mnyama simba lilipachikwa kimiani na kiungo wa Msumbiji Luis Muquissone kunako dakika ya 39 na kudumu hadi kipenga cha mwisho.

Kichapo cha Al Ahly kilikuwa cha kwanza katika ligi ya mabingwa Afrika baada ya zaidi ya msimu mmoja .

Uwanja wa Mkapa ulifurika hadi pomoni wakati wa mechi hiyo baada ya tiketi zote za mechi kuuzwa .

Ushindi huo unaweweka Simba uongozini pa kundi A kwa alama 6 baada ya mechi 2 kufuatia ushindi wa goli 1-0 ugenini mjini Kinsasha dhidi ya As Vita katika pambano la ufunguzi .

Mnyama Simba ataanza matayarisho kwa ziara ya Khartoum mwishoni mwa juma hili dhidi ya El Merreikh ya Sudan huku wakihitaji angaa ushindi katika mechi mbili kati ya 4 zilisozalia ili kutinga kwota fainali kwa mara ya kwanza.

Categories
Michezo

Timu 8 kushiriki msururu wa kwanza wa Wadau Premier league

Timu 8 zimetoa ithibati kushiriki msururu wa kwanza wa mashindano ya Wadau Premie League Jumamosi Februari 27 katika uwanja wa michezo wa chuo cha Strathmore .

Akizungumza wakati wa uzinduliza ,mshirikishi wa mashindano hayo Bob Otieno amesema kuwa mashindano hayo yatawashirikisha wachezaji wanagenzi au wasio wa kulipwa na yatakuwa yakiandaliwa kila wakati wa likizo ambapo msururu wa pili unatarajiwa kuandaliwa wakati wa siku kuu ya pasaka mwezi April mwaka huu.

“Kile tunafanya tumeanza na timu 8 na zote ni za wachezaji wasio wa kulipwa ,baadae tutakuwa na msururu wa pili siku kuu ya pasaka” akasema Otieno
Mashindano hayo yanaandaliwa chini ya kauli mbiu ya ‘fans for fun’ ambapo zaidi ya mashabiki 500 wa timu hizo nane wanatarajiwa kuhudhuria mashindano hayo ya siku moja .

“tutaruhusu mashabiki wapatao 500 kuingia uwanjani Strathmore kwa kuzingatia masharti ya serikali kuhusu Covid 19 ” akaongeza Otieno

Kapteni wa zamani wa Harambee Stars Musa Otieno ambaye ni balozi wa mashindano hayo amesema dhamira yao ni kuonyesha mchango wa wachezaji wastaafu wa Kenya walio nchini na mataifa ya kigeni kukuza na kuinua vipaji.

“Haya ni mashandano mazuri ambayo yamedhaminiwa na wachezaji wastaafu wa Kenya waliokuja pamoja kuinua na kukuza vipaji “akasema Otieno

Wakati huo huo Otieno ambaye ni kapteni w amuda mrefu wa Harambee stars ametoa wito kwa FKF kuweka mikakati ya kukuza vipaji vya chipukizi kupitia mashindano ya shule ili kuinua viwango vya soka sawa na majirani Rwanda,Uganda na Tanzani ambao timu zao zilifuzu kwa mashindano ya CHAN na yale ya Afcon U 20 NA aFCON U 17.

“FKF inahitaji kuwekeza zaidi katika mashindano ya chipukizi na haswa ya shule ndio tuwe kiwango sawa na majirani zetu katika mashindano ya chipukizi Afrika”akaongeza Otieno

Mchezaji wa zamani wa Sofapaka Ronald Okoth ambaye ni mshirikishi wa shirika la Komborah ambalo linatoa mipira itakayotumiwa kwa mashindano hayo amesema kuwa wataendelea kushirikiana na wachezaji walio nje ya nchi kukuza talanta na kuinua viwango vya mchezo.

Timu zitakazoshiriki mashindano hayo ni pamoja na Hippos,Tigers,Simba,Ndovu,Mafisi,Kulundeng Original ,Swara na Kulundeng.