Bush ampongeza Biden kwa ushindi wa kura za Urais Marekani

Aliyekuwa  Rais wa Marekani George W. Bush amempongeza Rais Mteule wa Marekani Joe Biden na Makamu wake mteule Kamala Harris kwa kuchaguliwa  kwao.

Katika taarifa, Bush amesema alimpigia simu Biden kumshukuru kwa ujumbe wa kizalendo alioutoa katika hotuba yake ya kukubali kuchaguliwa kwake.

Alimpigia simu Kamala Harris pia na kumpongeza kwa kuchaguliwa kwake kwa kihistoria kuwa makamu wa rais wa kwanza wa kike.

Akikubali tofauti za kisiasa baina yao, Bush anasema anamjua Biden kuwa mtu mzuri, ambaye ataongoza na kuwaunganisha Wamarekani.

Ujumbe wa Bush umetokea wakati wabunge wengi wa chama tawala cha Republican kwenye Bunge la Congress wakiwa wangali hawajamtambua Biden hadharani kama rais mteule.

Katika taarifa yake, Bush pia amempongeza Trump kwa kampeni aliyoiendesha kwa bidii, akitaja kura zaidi ya milioni 70 alizopata kama ishara ya mafanikio ya kisiasa ambayo sio rahisi kuafikia.

Leave a Reply

Your email address will not be published. Required fields are marked *