Brigid Kosgei na Ruth Jepngetich Kujivinjari mbuga za wanyamapori

Mshikilizi wa rekodi ya dunia ya mbio za marathon Brigid Kosgei na bingwa wa dunia katika mbio za marathon  Ruth Jepngetich wametunukiwa fursa ya  kutalii mbuga za wanayama pori za Laikipia,Samburu na Lamu   kwa muda wa siku tano na halmashauri ya  utalii nchini KTB.

Jepngetich na Kosgei wametunukiwa na KTB kwa kuitangaza Kenya kupitia mbio za London marathon mwaka  huu ambapo Kosgei aliibuka mshindi huku Jepngetich akimaliza  wa tatu.

Afisa mkuu mtendaji wa  KTB   Dr Betty Radier  amewapongeza wanariadha  hao kwa jukumu lao muhimu kuitangaza Kenya kupitia riadha na kuahidi kuwa wataendelea kushirikiana na wanariadha kuitangaza Kenya kote ulimwenguni.

“Licha ya  mwaka huu kuwa mgumu kutokana na Janga la Covid 19 ,tunashukuru kuwa mbio za London marathon ziliandaliwa huku Brigid na Ruth wakiitangaza Kenya  vyema kote ulimwenguni.Tunaamini kuwa ni wakati mwafaka wa kuwashirkihsa  wanariadha wetu kuitangaza Kenya kimataifa kama eneo la kitalii”akasem Radier

Wanariadha hao wawili ni wa hivi punde kujiunga na halmashauri ya KTB baada ya Eliud Kipchoge ambaye aliteuliwa kuwa  brand ambassador mwaka uliopita baada ya kushinda mbio za London marathon mara 4.

Kosgei na Jepngetich walifurahia hatua hiyo ya KTB huku wakiwa tayari kuzuru mbuga hizo za Wanyama kujifurahisha.