Biden ashinda Urais nchini Marekani

Mgombea Urais nchini Marekani kwa tiketi ya chama cha Democratic Joe Biden ndiye rais mpya wa Marekani.

Hii ni baada ya kufikisha kura 273 kati ya 270 ambazo mgombea anahitaji ili atawazwe mshindi katika kinyang’anyiro hicho.

Shughuli ya kuhesabu kura hizo zilizopigwa Jumanne bado inaendelea lakini kwa mujibu wa vyombo vya habari nchini Marekani, Biden ndiye atakayetawazwa mshindi wa uchaguzi huo ulioibua hisia mseto ulimwenguni kote.

Haijabainika kama Rais wa sasa Donald Trump atakubali kushindwa na kuachilia mamlaka mnamo Januari mwaka wa 2021 ambapo Biden anatarajiwa kuapishwa.

Tayari Trump ameonekana kutilia shaka matokeo ya uchaguzi huo Jumatano alipohutubia wafuasi wake na kusema ataelekea mahakamani kusimamisha shughuli za kuhesabu kura hizo.

Ushindi huo wa Biden utamfanya mgombea mwenzake Kamala Harris kuwa Makamo wa Rais wa kwanza wa jinsia ya kike nchini humo.

Leave a Reply

Your email address will not be published. Required fields are marked *