Categories
Michezo

Shujaa yaanza kwa madaha mjini Stellenbosch Afrika Kusini baada ya kuikwatua Zimbabwe 24-0

Timu ya taifa ya raga ya Kenya  kwa wachezaji 7 kila upande maarufu kama Shujaa imeanza vyema mashindano ya mwaliko  mjini Stellenbosch nchini Afrika Kuisni, baada ya kuipakata Zimbabwe alama 24-0 mapeme Jumamosi.

Shujaa chini ya ukufunzi wa kocha Innocent Simiyu walitawala mchuano huo wakipiga tries mbili katika kila kipindi .

Afrika Kusini pia walifungua michuano hiyo kwa ushindi huku wakiiparamia Uganda pointi 126-7.

Mkondo wa kwanza mashindano hayo utakamilika Jumapili kabla ya mkondo wa mwisho kuandiliwa wikendi ijayo.

Afrika Kusini na Kenya zinatumia  mashindano hayo kujiandaa kwa michezo ya Olimpiki makala ya 32 baina ya Julai 23 na Agosti 8 mwaka huu.

Categories
Michezo

Mwenyekiti wa zamani wa AFC Leopards Alex Ole Magelo afariki

Aliyekuwa mwenyekiti wa AFC Leopards Alex Ole Magelo amefariki dunia mapema Jumamosi katika Hospitali moja mjini Nairobi akipokea matibabu kutokana na ugonjwa wa Covid 19.

Kulingana na mkewe,Lucy Muthoni ,Magelo ambaye pia alikuwa mwanasiasa alikuwa amelazwa hospitalini kwa  kipindi cha wiki mbili zilizopita.

Magelo akiingia uwanjani Nyayo akiwa mwenyekiti wa Leopards

Magelo alichaguliwa bila kupingwa kuwa mwenyekiti wa Leopards mwaka 2011 na kuhifadhi kiti hicho mwaka 2012  lakini akajiuzulu  baade kutokana na mzozo kwenye klabu hiyo.

Kando na kujitosa katika siasa ambapo kwa wakati mmoja alikuwa spika wa kaunti ya Nairobi ,Magelo amekuwa akihudhuria mechi  kadhaa za AFC Leopards husan derby ya Mashemeji.

Pia Magelo alikuwa mmoja wa waaniaji wa kiti cha Rais wa FKF mwaka uliopita .

Mola ailaze roho yake mahala pema.

Categories
Michezo

Marefa wa Kenya Mary Njoroge na Gilbert Cheruiyot kusimamia soka ya Olimpiki

Waamuzi wa kenya Mary Njoroge na Gilbert Cheruiyot wameteuliwa kusimamia mechi za soka katika michezo ya Olimpiki mwaka huu mjini Tokyo Japan baina ya Julai 23 na Agosti 8.

Itakuwa mara ya kwanza kwa Mary Njoroge kusimamia soka katika kiwango  hicho ,baada ya kusimamia mechi za kombe la dunia kwa wanawake mwaka 2019,kusimamia mechi moja  hatua ya makundi kuwania kombe la shirikisho baina ya vilabu,mechi moja ya kufuzu kwa kombe la AFCON mwaka ujao kando na kuwa mwamuzi katika mechi kadhaa za ligi kuu Kenya FKF msimu huu.

Refarii Mary njoroge akifanya mazoezi

Njoroge atakuwa mwamuzi wa mechi za soka za wanawake nchini Japan.

Kwa upande wake Cheruiyot alisimamia mchuano wa kwota fainali kuwania  kombe la CHAN ,kando na kuwa mwamuzi msaidizi katika mechi ya kufuzu kwa  kombe la AFCON baina ya Ethiopia na Ivory Coast pia amekuwa akisimamia mechi za ligi kuu FKF.

Wawili hao wameteuliwa kuwa marefarii wasaidizi katika michezo ya Olimpiki  ambayo itasimamiwa na marefarii 25  na wasiaidizi 50  pamoja na waamuzi 20 VAR  kutoka mataifa 51.

Soka ya akina dada katika michezo ya Olimpiki itang’oa nanga Julai 21 huku ile ya wanaume ikianza Julai 22

 

Categories
Michezo

Hit Squad kuondoka Jumamosi kwenda Russia kwa mashindano ya mwaliko

Mabondia wane wa Kenya waliofuzu kwa michezo ya Olimpiki wataondoka nchini Jumamosi Mei 8 kuelekea mjini Khabarousk Urusi kwa mashindano ya kimataifa ya shirikisho la masumbwi barani ulaya EUBC  maarufu kama Konstantin Korotkov memorial  2021.
Mashindano hayo yataandaliwa baina ya Mei 10 na 16 mwaka huu na yanaandaliwa na shirikisho la  ngumi nchini Russia .
Mabondi wa Kenya kwa ziara hiyo ni pamoja na  kapteini  Nick Okoth  katika uzani , Elly Ajowi uzani wa Heavy, Christine Ongare uzani wa Fly   na  Elizabeth Akinyi katika uzani wa welter ambao watapambana na mabondia wengine kutoka ulaya ambao pia wamefuzu kwa michezo  ya Olimpiki .
Ujumbe wa Kenya kwa ziara ya Urusi pia unawashirikisha kocha mkuu Benjamin Musa, naibu wake  David Munuhe, kocha  John Waweru, mkurugenzi wa mawasiliano wa shirikisho la masumbwi nchini BFK  Duncan Kuria na meneja wa timu  Linus Ouma.
Categories
Michezo

Shujaa kupiga kambi ya Mazoezi mjini Stellenbosch kwa siku 10

Timu ya taifa ya raga kwa wachezaji 7 kila upande kwa wanaume maarufu kama  Shujaa itapiga kambi ya mazoezi ya siku 10 nchini Afrika kusini huku ikishiriki mechi kadhaa za kujinoa ,makali.

Shujaa iliyoondoka nchini  Alhamisi kuelekea Afrika Kusini itashiriki mkondo wa kwanza wa mechi za kirafiki kati ya tarehe 8 na 9 Mei na mkondo wa pili baina ya Mei 14 na 15 huku wakichuana na mataifa ya  Uganda,Zimbabwe na wenyeji Afrika Kusini.

Yatakuwa mazoezi ya tatu kwa Shujaainayojiandaa kwa makala ya 32 ya michezo ya Olimpiki baada ya kushiriki mashindano ya Madrid 7’s na Dubai 7’s.

Kenya ilikuwa imepiga kambi ya mazoezi katika uwanja wa Kasarani tangu wachezaji wa kikoisi hicho warejee nchini  kutoka Dubai.

Kikosi cha Shujaa kilicho Afrika kusini katika kambi hiyo ijulikanayo kama Stellenbosch Solidarity camp kinawajumuisha:-

Alvin Otieno, Herman Humwa, Bush Mwale, Harold Anduvate, Vincent Onyala, Jeff Oluoch, Collins Injera, Daniel Taabu, Tony Omondi, Levi Amunga, Billy Odhiambo, Nelson Oyoo, Jacob Ojee na  Derrick Keyoga.

Categories
Michezo

Kenya Lionesses waendeleza mazoezi nchini Tunisia

Timu ya taifa ya raga kwa wachezaji 7 upande ya wanawake ,Kenya Lionesses  imeendeleza mazoezi ya kujitayaisha kwa michezo ya Olimpiki nchini Tunisia.

Mataifa ya Madagascar na Tunisia pamoja na Kenya yanashiriki mashindano hayo yatakayoingia wiki ya pili mwishoni mwa wiki hii.

Lionesses walishinda mechi  2   dhidi ya Madagascar na pia kuwalemea Tunisia michuano miwili na kutoka sare moja .

Kenya inatumia mashindano hayo kujitayarisha kwa michezo ya Olimpiki mjini Tokyo Japan kati Julai 23 na Agosti 8 mwaka huu.

Tunisia na Madagascar wanatumia mashindano ya  sevens Solidarity Camp kujinoa kwa mechi za mwezi ujao za Repecharge mjini Monaco Ufaransa  kufuzu kwa Olimpiki.

 

Categories
Michezo

Safari ya Afrika kwenda kombe la dunia Qatar mwaka ujao yaahirishwa hadi Oktoba

Shirikisho la kandanda Afrika Caf limetangaza kuahirisha  mechi za kufuzu kwa kombe la dunia mwaka ujao nchini Qatar kutoka mwezi Juni hadi  Oktoba.

Caf imesema kuwa imebidi kuahirisha mechi hizo kutokana na changamoto zilizoletwa  na janga la Covid 19 .

Kulingana na kamati kuu ya CAF  mechi hizo sasa zitaanza Oktoba na kumalizika Machi mwaka 2022.

Habari hizo ni afueni kwa timu nyingi ambazo zilikuwa hazijajiandaa vyema haswa baada ya kukamilisha mechi za kufuzu kwa kombe la AFCON mwezi Machi mwaka huu.

Harambee stars imejumuishwa kundi E la safari ya kwenda Qatar pamoja na The Flying Eagles ya Mali,Uganda Cranes na Amavubi ya Rwanda na waatanza harakati za kufuzu dhidi ya Uganda Cranes jijini Nairobi kabla ya kuzuru Kigali dhidi ya Rwanda.

Timu bora kutoka kila kundi itafuzu kwa raundi ya pili na ya mwisho ambapo washindi watano watawakilisha Afrika katika fainali za kombe la dunia kati ya Novemba 21 na Disemba 18 nchini Qatar mwaka ujao.

 

 

Categories
Michezo

Man United kumenyana na Villareal fainali ya Europa League

Manchester United itachuana na Villareal kwenye fainali ya kombe la Europa League mjini Gdansk Poland Mei 26.

Man u wakicheza ugenini katika marudio ya nusu fainali  walishindwa na AS Roma ya Italia mabao 3-2 lakini wakafuzu kwa fainali kwa ushindi wa jumla wa mabao 8-5.

Villareal iliwabandua Arsenal kufuatia sare tasa katika mechi ya marudio Alhamisi usiku uwanjani Emirates na watakosa kushiriki mashindano ya ulaya kwa mara ya kwanza tangu msimu wa mwaka 1995-1996 .

Arsenal maarufu kama the gunners walikuwa na fursa ya kipekee ya kurejea katika ligi ya mabingwa ulaya endapo wangeshinda kombe hilo huku pia wakiwa tayari wamekosa kufuzu hata kwa Europa League msimu ujao .

Sadfa ni kuwa  meneja wa Villareal Unai Emery alitimuliwa kutoka Arsenal  Novemba mwaka 2019 huku Mikel Arteta akimrithi.

Emery atakuwa akiwinda kombe la Europa kwa mara ya 4 ,baada ya kushinda mataji matatu akiwa na Sevilla baina ya mwaka 2014 na 2016 na pia itakuwa mara ya kwanza kwa Villareal maarufu kama yellow submarine kufuzu kwa fainali ya kombe hilo.

Categories
Michezo

Chelsea kuvaana na Mancity fainal ya ligi ya mabingwa Ulaya Mei 29

Chelsea watakutana tena na Manchester City katika fainali ya ligi ya mabingwa barani Ulaya Mei 29  Mjini Istanbul Uturuki baada ya the Blues kusajili ushindi wa magoli 2-0 katika mkondo wa pili wa nusu fainali dhidi ya Real Madrid Jumatano usiku ugani  Stamford Bridge.

Timo Werner na Mason Mount walipachika magoli hayo ya Chelsea huku wakisajili ushindi wa jumla wa mabao 3-1 .

Itakuwa mara ya tatu kwa Chelsea kucheza fainali ya kombe hilo ambalo walinyakua kwa mara ya pekee mwaka  2012.

Fainali ya Mei 29 itakuwa marudio ya nusu fainali ya kombe la Fa ambapo  Chelsea waliibwaga Mancity bao 1-0 huku pia timu hizo zikikutana Jumamosi hii katika pambano la ligi kuu Uingereza.

Mancity ikiongozwa na Pepp Guardiola ilifuzu kwa fainali ya kombe hilo kwa ya kwanza katika historia kufuatia ushindi wa mabao 4-1 dhidi ya PSG ya Ufaransa.

Categories
Michezo

Mbio za Eldoret City Marathon kuandaliwa Juni 6

Makala ya tatu ya mbio za Eldoret City Marathon yataandaliwa tarehe 6 mwezi Juni baada ya kuahirishwa kutoka April 11 mwaka huu kufuatia kusitishwa kwa shughuli za michezo nchini na Rais Uhuru Kenyatta.

Akizungumza Alhamisi Gavana wa kaunti ya Uasin Gushu Jackson Mandago ambaye ni mfadhili wa mbio hizo amewataka wanariadha kuendelea kujisajili.

Ni mara kwanza kwa mbio hizo kuandaliwa kwa kutumia mtambo wa kielektroniki wa kupima muda.

Kulingana na mkurugenzi wa mbio hizo Moses Tanui,washiriki zaidi ya 400 wamejisajili wakiwemo 11 wa kimataifa wakiwemo kutoka

Russia, Uganda, Uingereza , Argentina na Ethiopia.

Mshindi wa mbio hizo atatuzwa shilingi milioni 3 nukta 5 huku wanariadha wa kwanza 20 kwa wanaume na wanawake wakituzwa.

Valary Aiyabei alishinda makala ya mwaka 2019 aliposajili muda wa saa 2 dakika 27 na sekunde 17 huku Mathew Kisorio akitwaa ubingwa kwa wanaume kwa saa 2 dakika 12 na sekunde 38 .