Wanariadha Ezrah Kiprotich na Polline Wanjiku watawazwa mabingwa wa mwaka huu wa mbio za nusu marathoni

Wanariadha Ezrah Kiprotich Sang  na Polline Wanjiku Njeru  wa humu nchini  walitawazwa mabingwa wa mwaka huu wa mbio za nusu marathoni za Warsaw zilizoandaliwa nchini Poland. Kiprotich, alitumia muda wa saa 1 dakika 01 na sekunde 37  kumshinda  Kassa Mekashaw wa Ethiopia aliyemaliza wa pili kwa muda wa saa 1 dakika 01 na sekunde 52 ilihali    Hillary Kiptum  wa humu nchini alitumia muda wa saa 1 dakika 02 na sekunde 08 kumaliza wa tatu.  Kwa upande wa akina dada Polline Wanjiku  alitumia muda wa saa  1  dakika 10 na sekunde 01 kuibuka mshindi.  Birhan Mhertu Gebrekidan  wa Ethiopia alimaliza wa pili mbele ya mwenzake Maeregu Hayelom Shagae aliyetumia muda wa saa 1 dakika 10 na sekunde 52 kumaliza wa tatu.