Uhuru awahakikishia wananchi maisha bora

Rais Uhuru Kenyatta  amewahakikishia  wananchi kuwa amejitolea kikamilifu kuwahudumia   kuboresha maisha   yao  kwenye kipindi chake cha pili afisini. Akiongea aliposimama katika eneo la  Githurai Kimbo, kaunti ya Kiambu, kupokea salamu za wananchi, Rais  Kenyatta alisema  kuwa atahakikisha kuwa  miradi muhimu itakayoboresha maisha ya Wakenya haikawii kukamilishwa.  Katika  sehemu ya Githurai Kimbo  na maeneo yamkaribu,   Kenyatta  alisema miradi itakayopewa kipa umbele  ni ukarabati wa barabara,  ujenzi wa  masoko  na usambazaji wa maji safi. Rais alisema  atawasiliana na magavana  Ferdinard Waititu wa  Kiambu  na  mwenzake wa Nairobi, Mike Mbuvi Sonko ili  kuhakikisha eneo la Githurai linapata soko jipya, huduma za maji na barabara.  Aliongeza kuwa utawala wake utahakikisha eneo hilo linapata rasimali za kutosha  ili kuboresha maisha ya wakazi wake.  Rais alikuwa akirejea jijini baada ya kuhudhuria mazishi ya marehemu Charity Gathoni Muigai Kenyatta  ambaye alizikwa katika shamba lake kwenye eneo la  Githurai Kimbo. Marehemu  Mama Charity Gathoni ni jamaa wa Rais.