Mawaziri wapya waapishwa

Mawaziri tisa wapya walioteuliwa na kupigwa msasa na kamati ya bunge la kitaifa kuhusu uteuzi wameapishwa leo katika ikulu ya Nairobi. Hii ni baada ya bunge la kitaifa kujadili na kupitisha ripoti ya kamati ya bunge kuhusu uteuzi wiki hii. Walioapishwa ni pamoja na aliyekuwa seneta wa Turkana John Munyes ambaye sasa ni waziri mpya wa Mafuta na madini na aliyekuwa mkurugenzi wa mashtaka ya umma Keriako Tobiko ambaye sasa ni waziri wa mazingira na misitu. Wengine ni Peter Munya ambaye sasa ni waziri wa masuala ya jumuia ya Afrika mashariki na ustawishaji eneo la kaskazini, Monica Juma ambaye sasa ni waziri mpya wa masuala ya nchi za kigeni na biashara ya kimataifa, Ukur Yattani ambaye sasa ni waziri mpya waA� leba na huduma za kijamii, aliyekuwa mwenyekiti wa tume ya kuajiri watumishi wa uma Professor Margaret Kobia ambaye sasa ni waziri wa utumishi wa umma na masuala ya vijana na jinsia,A�Farida Karoney ambaye sasa ni waziri mpya wa ardhi na nyumba, Simon Chelugui ambaye ni waziri wa maji naye Rashid Achesa ambaye ni waziri mpya wa michezo na turadhi.