Julius Karangi Ateuliwa Mwenyekiti Wa Halmshauri Ya Viwanja Vya Ndege

Rais Uhuru Kenyatta amemteuwa aliyekuwa mkuu wa majeshi jenerali mstaafu Julius Karangi kuwa mwenyekiti wa halmashauri ya viwanja vya ndege hapa nchini kuanzia tarehe 24 JuniA�A� mwaka huu hadi tarehe mosi Januari mwaka 2018 . Uteuzi wa Karangi umechapishwa kwenye gazeti rasmi la serikali lililotolewa leo ,ambalo pia lina majina ya watu wengine walioteuliwa na serikalini.A� Karangi amechukua mahali pa aliyekuwa inspekta jenerali wa polisiA� David Kimaiyo ambaye uteuzi wake umefutiliwa mbali. Kimaiyo aliteuliwa kuwa mwenyekiti wa bodi ya halmashauri hiyo mwezi Disemba mwakaA� 2014 baada ya kujiuzulu kama inspekta jenerali wa polisi kufuatia msururu wa mashambulizi ya kigaidi hapa nchini. Rais pia amemteuwaA� Ronald Osumba aliyekuwa mgombea mwenza wa Peter Kenneth katika uchaguzi mkuu wa mwakaA� 2013 kuwa mwenyekiti wa bodi ya hazina ya vijana. Wanasiasa wengine kadhaa wakiwemoA� Raphael Tuju, Noah Katana Ngala naA� Ramadhani Kajembe pia wameteuliwa kuwa wenyeviti wa mashirika mbali mbali ya serikali.